ជាតិ
សង្គមជាតិ
សេដ្ឋកិច្ច
×![]()
សៀមរាប៖ រយៈពេល៣ថ្ងៃ ក្នុងពិធីបុណ្យឆ្លងឆ្នាំសកល ថ្ងៃទី២៩ ដល់ថ្ងៃទី៣១ មានភ្ញៀវទេសចរចំនួនជាង១០ម៉ឺននាក់ ដែលគេដឹងថា បានមកដើរកម្សាន្តក្នុងខេត្តសៀមរាប។ ប្រភពពីមន្ទីរទេសចរណ៍បានឲ្យដឹងថា ចំនួនភ្ញៀវទេសចរមានការកើនឡើងជាង១៥% បើប្រៀបធៀបទៅនឹងឆ្នាំទៅ។
ប្រធានមន្ទីរទេសចរណ៍ខេត្តសៀមរាប បាននិយាយថា អំឡុងពេលពិធីបុណ្យឆ្លងឆ្នាំសកល ដែលលោកគិតត្រឹមរយៈពេល៣ថ្ងៃ គឺចាប់ពីថ្ងៃទី២៨ ដល់ថ្ងៃទី៣១ ខែធ្នូ ឆ្នាំ២០១៤ មានភ្ញៀវទេសចរចំនួន ១០០,៤០០ នាក់ ដែលបានមកកម្សាន្តនៅក្នុងខេត្តសៀមរាប។ លោក ង៉ូវ សេងកាក់ បានបញ្ជាក់ថា ក្នុងចំណោមភ្ញៀវទេសចរជាង១០ម៉ឺននាក់នេះ មានភ្ញៀវទេសចរជាតិជាង៧ម៉ឹននាក់ និងអន្តរជាតិ ជិត៣ម៉ឺននាក់ ហើយចំនួនភ្ញៀវឆ្នាំនេះ កើនឡើង១៥,២០% បើធៀបនឹងឆ្នាំនៅមិញ។
នៅតាមវិថីសំខាន់ៗជាច្រើន ជាពិសេសយប់ថ្ងៃទី៣១ ធ្នូ ខេត្តសៀមរាប មានការកកស្ទះដោយរថយន្តចម្រុះ និងសម្បូរមនុស្សប្លែកៗមកពីទីជិតទីឆ្ងាយ។ ទោះជាយ៉ាងណាក៏ដោយ អាជ្ញាធរត្រូវបានដាក់ពង្រាយ នៅតាមចំណុចសំខាន់ៗជាច្រើន ដើម្បីសម្រួល និងបញ្ជៀសការកកស្ទះ។ តំបន់ដែលមានភ្ញៀវដើរច្រើនជាងគេ គឺតំបន់ផ្លូវផាប់ស្ទ្រីត ដែលធ្វើឲ្យភ្ញៀវជាច្រើន រអ៊ូពីការគ្មានកន្លែងអង្អុយ។
ទាក់ទងនឹងសន្តិសុខសណ្តាប់ធ្នាប់វិញ មានការការពារយ៉ាងយកចិត្តទុកដាក់ និងពុំមានបង្កបញ្ហាអ្វីនោះដែរ។ អភិបាលខេត្តសៀមរាប លោក ឃឹម ប៊ុនសុង បានប្រាប់អ្នកសារព័ត៌មានថា ដោយសារការខិតខំប្រឹងប្រែង រៀបចំតុបតែងលម្អនៅទីសាធារណៈផ្សេងៗ ទើបធ្វើភ្ញៀវទេសចរជាច្រើនចាប់អារម្មណ៍ និងបានមកកម្សាន្ត យ៉ាងច្រើនសន្ធឹកសន្ធាប់នៅឆ្នាំនេះ។
គួររំលឹកថា អំឡុងបុណ្យឆ្លងសកល ឆ្នាំ២០១៣-២០១៤កន្លងទៅ យោងតាមរបាយការណ៍ពីមន្ទីរទេសចរណ៍ខេត្តសៀមរាប មានភ្ញៀវទេសចរណ៍ចំនួនជិត៩ម៉ឺននាក់ ក្នុងនោះភ្ញៀវទេសចរអន្តរជាតិ មានចំនួនជាង២ម៉ឺននាក់៕
ប្រធានមន្ទីរទេសចរណ៍ខេត្តសៀមរាប បាននិយាយថា អំឡុងពេលពិធីបុណ្យឆ្លងឆ្នាំសកល ដែលលោកគិតត្រឹមរយៈពេល៣ថ្ងៃ គឺចាប់ពីថ្ងៃទី២៨ ដល់ថ្ងៃទី៣១ ខែធ្នូ ឆ្នាំ២០១៤ មានភ្ញៀវទេសចរចំនួន ១០០,៤០០ នាក់ ដែលបានមកកម្សាន្តនៅក្នុងខេត្តសៀមរាប។ លោក ង៉ូវ សេងកាក់ បានបញ្ជាក់ថា ក្នុងចំណោមភ្ញៀវទេសចរជាង១០ម៉ឺននាក់នេះ មានភ្ញៀវទេសចរជាតិជាង៧ម៉ឹននាក់ និងអន្តរជាតិ ជិត៣ម៉ឺននាក់ ហើយចំនួនភ្ញៀវឆ្នាំនេះ កើនឡើង១៥,២០% បើធៀបនឹងឆ្នាំនៅមិញ។
នៅតាមវិថីសំខាន់ៗជាច្រើន ជាពិសេសយប់ថ្ងៃទី៣១ ធ្នូ ខេត្តសៀមរាប មានការកកស្ទះដោយរថយន្តចម្រុះ និងសម្បូរមនុស្សប្លែកៗមកពីទីជិតទីឆ្ងាយ។ ទោះជាយ៉ាងណាក៏ដោយ អាជ្ញាធរត្រូវបានដាក់ពង្រាយ នៅតាមចំណុចសំខាន់ៗជាច្រើន ដើម្បីសម្រួល និងបញ្ជៀសការកកស្ទះ។ តំបន់ដែលមានភ្ញៀវដើរច្រើនជាងគេ គឺតំបន់ផ្លូវផាប់ស្ទ្រីត ដែលធ្វើឲ្យភ្ញៀវជាច្រើន រអ៊ូពីការគ្មានកន្លែងអង្អុយ។
ទាក់ទងនឹងសន្តិសុខសណ្តាប់ធ្នាប់វិញ មានការការពារយ៉ាងយកចិត្តទុកដាក់ និងពុំមានបង្កបញ្ហាអ្វីនោះដែរ។ អភិបាលខេត្តសៀមរាប លោក ឃឹម ប៊ុនសុង បានប្រាប់អ្នកសារព័ត៌មានថា ដោយសារការខិតខំប្រឹងប្រែង រៀបចំតុបតែងលម្អនៅទីសាធារណៈផ្សេងៗ ទើបធ្វើភ្ញៀវទេសចរជាច្រើនចាប់អារម្មណ៍ និងបានមកកម្សាន្ត យ៉ាងច្រើនសន្ធឹកសន្ធាប់នៅឆ្នាំនេះ។
គួររំលឹកថា អំឡុងបុណ្យឆ្លងសកល ឆ្នាំ២០១៣-២០១៤កន្លងទៅ យោងតាមរបាយការណ៍ពីមន្ទីរទេសចរណ៍ខេត្តសៀមរាប មានភ្ញៀវទេសចរណ៍ចំនួនជិត៩ម៉ឺននាក់ ក្នុងនោះភ្ញៀវទេសចរអន្តរជាតិ មានចំនួនជាង២ម៉ឺននាក់៕
© រក្សាសិទ្ធិដោយ thmeythmey.com
