ជាតិ
សង្គមជាតិ
សមត្ថកិច្ចរារាំងការជួបជុំដង្ហែក្បួនរបស់ពលរដ្ឋនៅលើផ្លូវវេងស្រេង រូបថតដោយ៖ ជូន ចាន់រីន
×
កងកម្លាំងសមត្ថកិច្ចចម្រុះជាង ៣០០នាក់ បានរារាំងពលរដ្ឋមិនឲ្យដង្ហែក្បួនផ្សព្វផ្សាយមេត្តាធម៌ឆ្ពោះទៅបុរីកីឡា បន្ទាប់ពីពួកគេបញ្ចប់ពិធីបង្សុកូលគម្រប់ខួប ១ឆ្នាំ នៅលើផ្លូវវេងស្រេង។ ប៉ុន្តែនៅក្នុងព្រឹត្តិការណ៍រារាំងនោះ ពុំមានការប៉ះទង្គិចគ្នារវាងសមត្ថកិច្ច និង ពលរដ្ឋឡើយ។ នេះបើតាមការបញ្ជាក់របស់ លោក អំ សំអាត ប្រធានផ្នែកបច្ចេកទេសស៊ើបអង្កេតរបស់អង្គការលីកាដូ (LICADHO) ។
បើតាមប្រធានផ្នែកបច្ចេកទេសស៊ើបអង្កេតរបស់អង្គការលីកាដូ (LICADHO) លោក អំ សំអាត បន្ទាប់ពីពលរដ្ឋបានប្រារព្ធពិធីបង្សុកូលឧទ្ទិសកុសលរួចហើយនោះ ពួកគេបានដង្ហែក្បួនផ្សព្វផ្សាយមេត្តាធម៌ឆ្ពោះទៅតំបន់បុរីកីឡា ប៉ុន្តែនៅពេលក្បួនដង្ហែដល់កន្លែងថ្លឹងរថយន្តលើផ្លូវវេងស្រេងនោះ ក៏ស្រាប់តែកងកម្លាំងចម្រុះចេញមករារាំងឲ្យបំបែកការជួបជុំដង្ហែក្បួននោះតែម្តង។
លោក សំអាត បន្តថា ក្រោយពីមានការនិយាយចរចារគ្នា កម្លាំងសមត្ថកិច្ចបានយល់ព្រមបើកផ្លូវ ហើយពលរដ្ឋក៏យល់ព្រមបំបែកគ្នាទៅផ្ទះរៀងៗខ្លួន។ លោកបានចាត់ទុកការរារាំងរបស់កម្លាំសមត្ថកិច្ចពេលនេះ គឺជាការបិទបាំងសិទ្ធិសេរីភាព បញ្ចេញមតិ ដែលច្បាប់មានចែងជាធរមាន៕
© រក្សាសិទ្ធិដោយ thmeythmey.com