ជាតិ
ពីនេះ ពីនោះ
តើអ្នកគួររៀនអ្វីខ្លះពីកន្លែងធ្វើការរបស់អ្នក?
× ១. ស្វែងយល់ពីទស្សនវិស័យ បេសកកម្ម គោលដៅ តម្លៃ និងត្រូវដឹងពីគោលនយោបាយក្នុង ស្ថាប័នដែលអ្នកកំពុងធ្វើការឲ្យបានច្បាស់ ដើម្បីងាយស្រួលធ្វើការឲ្យត្រូវនឹងអ្វីដែលស្ថាប័ន ចង់បាន។
២. ស្វែងយល់ពីតួនាទី និងការងាររបស់អ្នកឲ្យបានច្បាស់ថា តើតួនាទី និងមុខងារទទួលខុសត្រូវចំពោះការងាររបស់អ្នកមានទំហំប៉ុន្មាន? តើការងារដែលអ្នកកំពុងតែធ្វើមានអ្វីខ្លះ?
៣. ស្វែងយល់ពីសហការីដែលធ្វើការក្នុងក្រុមជាមួយគ្នា ដើម្បីដឹងថាសហការីម្នាក់ៗមានចរិតឬឥរិយាបថបែបណា ចូលចិត្តអ្វីខ្លះ មានទម្លាប់យ៉ាងដូចម្តេច មានចំណេះដឹងកំរិតណា។ ល។ ការស្វែងយល់ពីសហការីបែបនេះ គឺដើម្បីងាយស្រួលយល់ចិត្តគ្នាឲ្យបានច្បាស់ និងងាយស្រួលធ្វើការសហការគ្នាទៅវិញទៅមក។
៤. ព្យាយាមរៀនសូត្រពីរបៀបធ្វើការរបស់សហការីម្នាក់ៗឲ្យបានច្បាស់ ព្រោះរបៀបធ្វើការរបស់សហការីម្នាក់ៗមិនដូចគ្នានោះទេ។ ការធ្វើដូច្នេះ គឺដើម្បីដឹងថាតើរបៀបធ្វើការរបស់សហការីណាល្អជាង និងងាយស្រួលជាង។ ការដឹងយ៉ាងដូច្នេះ គឺធ្វើឲ្យអ្នកអាចរៀនសូត្រតាម ឬក៏អាចចែករំលេកពីរបៀបធ្វើការរបស់អ្នកទៅកាន់សហការីអ្នកវិញផងដែរ៕
© រក្សាសិទ្ធិដោយ thmeythmey.com