អន្តរជាតិ
×![]()
របាយការណ៍មួយ ដែលចេញផ្សាយដោយអង្គការសុខភាពពិភពលោក ហៅកាត់ថា WHO បានឲ្យដឹងថា ប្រជាជនរុស្ស៊ី គឺស្ថិតនៅក្នុងចំណោមប្រជាជនដែលទទួលទានគ្រឿងស្រវឹងច្រើនជាងគេបំផុត នៅលើពិភពលោក ក្នុងឆ្នាំ២០១៤ ។
របាយការណ៍ដដែលបានបង្ហាញថា ជនជាតិដែលស្ថិតនៅជាប់រុស្ស៊ីដែលរួមមាន ជនជាតិអ៊ុយក្រែននិងបេឡារុស ជាដើម ក៏មានកម្រិតនៃការទទួលទានគ្រឿងស្រវឹងច្រើនប្រហាក់ប្រហែលនឹងជនជាតិរុស្ស៊ីផងដែរ។ ខណៈពេលដែលជនជាតិព័រទុយហ្គាល់ហ្គ្រេណាដានិងអង់ដូរាត្រូវបានចាត់ថ្នាក់ ជាជនជាតិដែលស្ថិតនៅក្នុងប្រភេទខ្ពស់បំផុត នៃអ្នកទទួលទានគ្រឿងស្រវឹង ដែលជាមធ្យមមនុស្សដែលមានអាយុចាប់ពី ១៥ ឆ្នាំឡើងទៅ ពួកគេម្នាក់ៗផឹកស្រា១២,៥ លីត្រក្នុងមួយឆ្នាំ។
អង្គការ WHO ក៏បានបញ្ជាក់ផងដែរ ប្រជាជននៅក្នុងតំបន់សហគមន៍អឺរ៉ុប មានចំនួន ១៤,៧ ភាគរយនៃប្រជាជនសរុបទូទាំងពិភពលោក ប៉ុន្តែទ្វីបនេះមានអត្រានៃតម្រូវការគ្រឿងស្រវឹង សម្រាប់មនុស្សចាប់ពីអាយុ ១៥ ឆ្នាំឡើងទៅ ចំនួន ២៥,៧ ភាគរយ នៃប្រជាជនដែលពិសារគ្រឿងស្រវឹងនៅទូទាំងពិភពលោក។
បើតាមរបាយការណ៍ខាងលើ ជនជាតិកាណាដាផឹកស្រាច្រើនជាងជនជាតិអាមេរិក ខណៈពេលដែលការប្រើប្រាស់គ្រឿងស្រវឹងមានកម្រិតទាបនៅក្នុងបណ្ដាប្រទេសស្ថិតក្នុងទ្វីបអាហ្វ្រិកខាងជើង។ ប៉ុន្តែពាក់កណ្តាលនៃបណ្ដាប្រទេសនៃទ្វីបអាហ្វ្រិកខាងត្បូង គឺមានអត្រាអ្នកផឹកស្រាខ្ពស់ជាពិសេសនៅប្រទេសអាហ្វ្រិកខាងត្បូងនិងណាមីប៊ី៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
