ជាតិ
សង្គមជាតិ
កម្ពុជារំពឹងថាអាចទទួលបានឈាមបរិច្ចាគចំនួន៤ម៉ឺន៥ពាន់ប្លោកពីសប្បុរសជន
× មជ្ឈមណ្ឌលជាតិផ្តល់ឈាម រំពឹងថានៅឆ្នាំ២០១៥នេះ មជ្ឈមណ្ឌលជាតិផ្តល់ឈាម នឹងប្រមូលបានឈាមដែលជាការបរិច្ចាគដោយស្ម័គ្រចិត្តពីសប្បុរសជន បានចំនួន៤,៥០០០ប្លោក ដើម្បីផ្គត់ផ្គង់តម្រូវការឈាមនៅក្នុងប្រទេស។
បើតាមលោក ហុក គឹមចេង ប្រធានមជ្ឈមណ្ឌលជាតិផ្តល់ឈាម ដើម្បីឱ្យការប្រមូលឈាមបានតាមផែនការគ្រោងទុកមជ្ឈមណ្ឌលជាតិ ផ្តល់ឈាម នឹងបង្កើនយុទ្ធនាការអប់រំផ្សព្វផ្សាយពិសេសនៅតាមសាកលវិទ្យាល័យ និងមូលដ្ឋាន ដោយជំរុញយុវជនឱ្យមកបរិច្ចាគឈាមដោយស្ម័គ្រចិត្តជាទៀងទាត់ និងច្រើនដង។
ឈាមដែលប្រមូលបានពីសប្បុរសជន មជ្ឈមណ្ឌលជាតិផ្តល់ឈាម បានធ្វើការបែងចែក ទៅឱ្យមន្ទីរពេទ្យនានា ដើម្បីសង្គ្រោះជីវិតអ្នកជំងឺដែលត្រូវការឈាម ដូចជាការសម្រាលកូន អ្នកគ្រោះថ្នាក់ចរាចរណ៍ និងអ្នកដែលត្រូវការវះកាត់ជាដើម។ បច្ចុប្បន្ន ការបរិច្ចាគឈាមដោយស្ម័គ្រចិត្តមានចំនួនត្រឹម៣៥ភាគរយ ប៉ុណ្ណោះ ចំណែក៦៥ភាគរយទៀតជាការដោះដូរអំណោយឈាមតាមរយៈសាច់ញាតិអ្នកជំងឺ ខណៈដែលកម្ពុជាត្រូវការឈាមចំនួន១៥០ប្លោកក្នុងមួយថ្ងៃ ដើម្បីសង្គ្រោះជីវិតមនុស្ស៕
© រក្សាសិទ្ធិដោយ thmeythmey.com