ជាតិ
សង្គមជាតិ
៨០ភាគរយនៃគ្រោះថ្នាក់ចរាចរណ៍កើតឡើងចាប់ពីម៉ោង១២យប់ទៅ
× អគ្គស្នងការនគរបាលជាតិ នឹងរៀបចំយុទ្ធសាស្ត្រថ្មី ដូចជាការរឹតបន្តឹងច្បាប់ចរាចរណ៍នៅពេលយប់ ដើម្បីកាត់បន្ថយគ្រោះថ្នាក់ចរារចរ ជាពិសេសនៅពេលយប់ក្នុងរាជធានី និងទីប្រជុំជននានា។ នេះបើតាមប្រសាសន៍របស់ លោក នេត សាវឿន អគ្គស្នងការនគរបាលជាតិ។ ការថ្លែងបែបនេះ គឺបានធ្វើឡើង នៅក្នុងកិច្ចប្រជុំប្រចាំខែរបស់អគ្គស្នងការដ្ឋាននគរបាលជាតិ នៅថ្ងៃទី៦ខែមករានេះ។
លោក នេត សាវឿន បានបញ្ជាក់ថា៖« តាមទិន្នន័យដែលបានកត់ត្រា គ្រោះថ្នាក់ចរាចរណ៍នៅរាជធានីភ្នំពេញភាគច្រើនរហូតដល់ ៨០ភាគរយ កើតមានចាប់ពីម៉ោង១២យប់ឡើងទៅ ដែលបង្កឡើងដោយអ្នកបើកបរស្រវឹងក្រោយចេញពីកន្លែងកំសាន្តនានា។ លោកបន្ថែបថា៖«ដូច្នេះត្រូវមានវិធានការ និងយុទ្ធសាស្ត្រចាំបាច់មួយដើម្បីទប់ស្កាត់បញ្ហាគ្រោះថ្នាក់ចរាចរណ៍នៅពេលយប់។ កម្លាំអនគរបាលចរាចរណ៍ ត្រូវរឹតបន្តឹងបន្ថែមទៀតក្នុងការត្រួតពិនិត្យ ការវាស់ល្បឿន និងជាតិអាកុលតាមដងផ្លូវ និងការអនុវត្តច្បាប់ចរាចរណ៍ផ្លូវគោកនៅពេលយប់។
ក្នុងឆ្នាំ២០១៤នេះ គ្រោះថ្នាក់ចរាចរណ៍កើតឡើងចំនួន ៤,៨៤០លើក និងបានឆក់យកជីវិតមនុស្សចំនួន២,១៤៨នាក់ របួស ៨,០៥៧នាក់ ខណៈដែលឆ្នាំ២០១៣ គ្រោះថ្នាក់ចរាចរណ៍បានកើតឡើង ចំនួន៤,៣២២ករណី និងបានបណ្តាលឱ្យមនុស្សចំនួន១,៩០១នាក់បាត់បង់ជីវិត និងរបួសចំនួន៧,២០៨នាក់។ នេះបើយោងតាមរបាយការណ៍ប្រចាំឆ្នាំ របស់អគ្គស្នងការដ្ឋាននគរបាលជាតិ។
គ្រោះថ្នាក់ចរាចរណ៍ទូទាំងប្រទេសនៅឆ្នាំ២១០៤ បានបណ្តាលឱ្យខូចខាតយានយន្តសរុបចំនួន ក្នុងនោះម៉ូតូ ចំនួន៥,០៥៦គ្រឿង រថយន្តតូចចំនួន ១,៧៩៧គ្រឿង, រថយន្តធំចំនួន៦៨៧គ្រឿង និងយានយន្តផ្សេង៤៣០គ្រឿង និងអ្នកថ្មើរជើងរងគ្រោះចំនួន៥៣៨នាក់៕
© រក្សាសិទ្ធិដោយ thmeythmey.com