ខ្មែរក្រហម
ជាតិ
សង្គមជាតិ
ភ្នំពេញត្រូវបានរំដោះនៅថ្ងៃ៧ មករា,បាត់ដំបងទី១១, កោះកុងទី១៧
× កងកម្លាំងប្រដាប់អាវុធរណសិរ្សសាមគ្គីសង្គ្រោះជាតិកម្ពុជា ដែលបង្កើតឡើងនៅថ្ងៃទី២ ខែធ្នូ ឆ្នាំ១៩៧៨ និងបន្ទាប់មកមានជំនួយពីកងទ័ពវៀតណាម និងទទួលការគាំទ្រពីប្រជាជនកម្ពុជាបានរួមកម្លាំងកម្ទេចកងទ័ពខ្មែរក្រហមរំដោះប្រជាជនកម្ពុជាបានជាបន្តបន្ទាប់។
ថ្ងៃទី៣០ ខែធ្នូ ឆ្នាំ១៩៧៨ រំដោះបានលំផាត់ ក្រចេះ វ៉ឺនសៃ ទន្លេបិទ។
ថ្ងៃទី៣-៤ ខែមករា ឆ្នាំ១៩៧៩ រំដោះបានខេត្តស្វាយរៀង និងស្ទឹងត្រែង។
ថ្ងៃទី៥-៦ ខែមករា ឆ្នាំ១៩៧៩ រំដោះបានអ្នកលឿង និងទីរួមខេត្តកំពង់ចាម។
ថ្ងៃទី៧ ខែមករា ឆ្នាំ១៩៧៩ រំដោះបានរាជធានីភ្នំពេញ (ម៉ោង១២:៣០ នាទី) ខេត្តតាកែវ និងក្រុងកំពង់សោម (ព្រះសីហនុ)។
នៅថ្ងៃទី៥-៨ ខែមករា ឆ្នាំ១៩៧៩ មហាសន្និបាតជាតិលើទី៣ បានប្រារព្ធឡើងដែលមានកម្លាំងរណសិរ្សចូលរួម ៦៦នាក់។ មហាសន្និបាតបានអនុម័តកម្មវិធីសង្គ្រោះជាតិ និងរំដោះប្រទេសកម្ពុជាឲ្យបានទាំងស្រុង។
ថ្ងៃទី១០-១១ ខែមករា ឆ្នាំ១៩៧៩ រំដោះបានខេត្តសៀមរាប និងខេត្តបាត់ដំបង។
ថ្ងៃទី១៣-១៤-១៧ ខែមករា ឆ្នាំ១៩៧៩ រំដោះបានខេត្តពោធិ៍សាត់ កោះកុង...។ល។
ក្នុងរយៈពេលតែ ៣ សប្តាហ៍ប៉ុណ្ណោះកងទ័ពរណសិរ្ស និងកងទ័ពវៀតណាមរំដោះប្រទេសកម្ពុជាស្ទើរតែទាំងស្រុងពីរបបប្រល័យពូជសាសន៍ខ្មែរក្រហម៕
© រក្សាសិទ្ធិដោយ thmeythmey.com