ជាតិ
សង្គមជាតិ
មនុស្ស៣នាក់ស្លាប់១៥នាក់របួសក្នុងគ្រោះថ្នាក់ចរាចរណ៍ទូទាំងប្រទេសម្សិលមិញ
×![]()
ដោយ: ថ្មីៗ
មនុស្សចំនួន០៣នាក់បានស្លាប់ និង១៥នាក់របួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន០៨លើកនៅទូទាំងប្រទេសកម្ពុជា កាលពីថ្ងៃទី០៦ខែមករាម្សិលមិញ។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការនគរបាលជាតិ។
របាយការណ៍ដដែលបានឱ្យដឹងទៀតថា ក្នុងគ្រោះថ្នាក់ចរាចរណ៍ដែលបានកើតឡើងទាំង០៨លើកនោះ បានបណ្តាលឲ្យខូចខាតយានយន្តចំនួន១២គ្រឿង ក្នុងនោះមានម៉ូតូចំនួន០៩គ្រឿង រថយន្តធុនតូច០១គ្រឿង រថយន្តធុនធំ០១គ្រឿង និងយានយន្តផ្សេង០១គ្រឿង។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន០៣លើក មិនប្រកាន់ស្តាំ០១លើក ស្រវឹង០១លើក កត្តាយានយន្ត០១លើក កត្តាផ្លូវ០១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១៣នាក់។
ដោយឡែកយានយន្តដែលទទួលរងការផាកពិន័យនៅអង្គភាពមានចំនួន៣៨៥គ្រឿង រួមមានរថយន្តទេសចរណ៍គ្រួសារ៥៣គ្រឿង រថយន្តដឹកអ្នកដំណើរធុនតូចចំនួន១៦៦គ្រឿង រថយន្តដឹកទំនិញធុនតូច៧០គ្រឿងនិងរថយន្តដឹកទំនិញធុនធំ៩៦គ្រឿង៕
© រក្សាសិទ្ធិដោយ thmeythmey.com
