ជាតិ
សង្គមជាតិ
ជនជាតិភាគតិចកួយទាមទាររដ្ឋាភិបាលអន្តរាគមន៍បញ្ឈប់សកម្មភាពក្រុមហ៊ុន២
× តំណាងសហគមន៍ជនជាតិភាគតិចកួយ ឃុំប្រមេរ ស្រុកត្បែងមានជ័យ ខេត្តព្រះវិហារ ទាមទាឲ្យរដ្ឋាភិបាលបញ្ឈប់សកម្មភាពក្រុមហ៊ុន និងលុបចោលកិច្ចព្រមព្រៀង ដីសម្បទានក្រុមហ៊ុនចំនួន២ គឺក្រុមហ៊ុនឡានហ្វេង និងក្រុមហ៊ុនរ៉ូយហ្វេង ដែលមានផ្ទៃដីសរុបចំនួន៩០១៥ហិចតា ដើម្បីផ្ដល់ភាពយុត្តិធម៌លើដីធ្លីរបស់ជនជាតិដើមភាគតិចកួយ។
ប្រាប់សារព័ត៌មានថ្មីៗ សកម្មជនការពារសិទ្ធិជនជាតិដើមភាគតិច លោក ឈឹម សាមុត បានបញ្ចាក់ថា ក្រុមហ៊ុនទាំងនេះបានរំលោភចូលដីរបស់ជនជាតិដើមភាគតិចកួយ ដែលបង្កឲ្យមានផលប៉ះពាល់ប្រមាណជា៣០០គ្រួសារ។ ដោយក្រុមហ៊ុនបានរំខានឈូសឆាយ ដីស្រែ ដំណាំ ព្រៃជំនឿជាដើម។ លោកបន្ថែមថា៖«ក្រុមហ៊ុនទាំងនេះទទួលបានដីសម្បទានពីរដ្ឋាភិបាល ប៉ុន្ដែពួកគេបានរំកិលព្រំដីចូលមកតំបន់ជនជាតិដើមកួយ ដោយពួកគេបានគំរាមកំហែង និងឈូសឆាយខ្ទេចគ្មានសល់តំបន់ដីស្រែ ព្រៃជំនឿ ព្រៃសម្រាប់ប្រមូលផលសហគមន៍ ជាពិសតំបន់ប្រាសាទដែលជាបេតិកភណ្ឌជាតិជាដើម។
បើតាមលោក ឈឹម សាមុត កន្លងមកក្រុមសហគមន៍ជនជាតិដើមភាគតិចកួយ ធ្លាប់បានដាក់ពាក្យសុំអន្តរាគមន៍ពីស្ថាប័នធំមួយចំនួនដូចជា រដ្ឋសភា ព្រឹទ្ធសភា ខុទ្ធកាល័យនាយករដ្ឋមន្ត្រី ទីស្តីការគណៈរដ្ឋមន្ត្រី និងស្ថាប័នពាក់ព័ន្ធផ្សេងទៀតជាច្រើនលើកច្រើនសារមកហើយ ប៉ុន្ដែមិនមានចំណាត់ការរកដំណោះស្រាយជូនពួកគាត់នៅឡើយនោះទេ៕
© រក្សាសិទ្ធិដោយ thmeythmey.com