អន្តរជាតិ
×![]()
គេហទំព័រអាកាសចរណ៍ AirlineRatings.com បានចេញផ្សាយរបាយការណ៍ប្រចាំឆ្នាំរបស់ខ្លួន ស្ដីពីការវាយតម្លៃនិងផ្ដល់ពិន្ទុដល់ក្រុមហ៊ុនអាកាសចរណ៍ នៅទូទាំងពិភពលោក សម្រាប់ឆ្នាំ២០១៥ នេះ។ ជាលទ្ធផលបានបង្ហាញថា ក្រុមហ៊ុនអាកាសចរណ៍ Qantas របស់អូស្ត្រាលី បានឈរនៅចំណាត់ថ្នាក់កំពូល ក្នុងចំណោមក្រុមហ៊ុនអាកាសចរណ៍ធំៗ ដែលត្រូវបានវាយតម្លៃថា ជាក្រុមហ៊ុនអាកាសចរណ៍ដែលមានសុវត្ថិភាពបំផុតសម្រាប់ការធ្វើដំណើរ នៅក្នុងឆ្នាំ២០១៥ ។
របាយការណ៍ដដែលក៏បានឲ្យដឹងថា ក្រុមហ៊ុនអាកាសចរណ៍ ៩ ផ្សេងទៀត ដែលស្ថិតនៅក្នុងចំណាត់កំពូលទាំង ១០ ជាក្រុមហ៊ុនអាកាសចរណ៍ដែលមានសុវត្ថិភាពបំផុតនោះគឺរួមមាន ក្រុមហ៊ុន Air New Zealand ក្រុមហ៊ុន British Airways ក្រុមហ៊ុន Cathay Pacific Airways ក្រុមហ៊ុន Emirates ក្រុមហ៊ុន Etihad Airways ក្រុមហ៊ុន EVA Air ក្រុមហ៊ុន Finnair ក្រុមហ៊ុន Lufthansa និងក្រុមហ៊ុន Singapore Airlines ។
លទ្ធផលនៃការចាត់ថ្នាក់ខាងលើនេះ គឺបានវាយតម្លៃលើក្រុមហ៊ុនប្រតិបត្តិការផ្លូវអាកាសសរុបចំនួន ៤៤៩ ក្រុមហ៊ុន ហើយការដាក់ពិន្ទុ គឺពឹងផ្អែកទៅលើទិន្នន័យដែលទទួលបានពីការធ្វើសវនកម្មរបស់រដ្ឋាភិបាល របាយការណ៍ពីសមាគមអាកាសចរណ៍ធំៗ រួមទាំងអត្រាស្លាប់មនុស្ស ដែលជិះលើយន្តហោះរបស់ក្រុមហ៊ុននីមួយៗផងដែរ។ កត្តាផ្សេងទៀតដូចជា ប្រវត្តិរបស់ក្រុមហ៊ុន អត្រាគ្រោះថ្នាក់ និងការបម្រើសេវាកម្ម របស់ក្រុមហ៊ុនអាកាសចរណ៍នីមួយៗ ក៏ត្រូវបានគេយកមកបញ្ចូលក្នុងប្រព័ន្ធដាក់ពិន្ទុផងដែរ។
របាយការណ៍ខាងលើនោះ ក៏បានចាត់ថ្នាក់ក្រុមហ៊ុនអាកាសចរណ៍ចំនួន ១០ ជាក្រុមហ៊ុនអាកាសចរណ៍ ដែលមានតម្លៃទាបហើយសុវត្ថិភាពខ្ពស់ផងដែរ។ ក្រុមហ៊ុនទាង ១០ នោះគឺរួមមាន ក្រុមហ៊ុន Aer Lingus ក្រុមហ៊ុន Alaska Airlines ក្រុមហ៊ុន Icelandairក្រុមហ៊ុន Jetblueក្រុមហ៊ុន Jetstarក្រុមហ៊ុន Kulula.com ក្រុមហ៊ុន Monarch Airlinesក្រុមហ៊ុន Thomas Cook ក្រុមហ៊ុន TUIfly និង ក្រុមហ៊ុន WestJet ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
