អន្តរជាតិ
ជនសង្ស័យម្នាក់ស្លាប់ ខណៈប៉ូលីសចាប់បានជនសង្ស័យពីរនាក់ពាក់ព័ន្ធការបាញ់ប្រហារនៅបារាំង
× ជនសង្ស័យពីរនាក់ក្នុងការវាយប្រហារនៅបារាំងម្សិលមិញ ត្រុវបានសមត្ថកិច្ចចាប់ខ្លួនម្សិលមិញ ខណៈពេលដែលគេផ្តល់ព័ត៌មានថាជនសង្ស័យម្នាក់បានស្លាប់បាត់បង់ជីវិតហើយ។ ព័ត៌មានខាងលើជាការអោយពីមន្ត្រីប្រឆាំងភេរវកម្មអាមេរិក ប៉ុន្តែគេមិនទាន់ឃើញមានការទទួលស្គាល់ពីសំណាក់អាជ្ញាធរបារាំងនៅឡើយទេពាក់ព័ន្ធនឹងការព័ត៌មាននេះ។ នេះបើយោងតាមសារព័ត៌មាន CNN។
មន្ត្រីប៉ូលីសទទួលបន្ទុកប្រឆាំងភេរវកម្មអាមេរិកបានអោយដឹងថា ជនសង្ស័យពីរនាក់ដែលពាក់ព័ន្ធនឹងការវាយប្រហារនៅបារាំងកាលពីម្សិលមិញនេះត្រូវបានប៉ូលីសចាប់ខ្លួនហើយ។ ចំណែកជនសង្ស័យម្នាក់ទៀតត្រូវបានគេរាយការណ៍ថា ត្រូវបានគេសម្លាប់បាត់ទៅហើយ។ ប៉ុន្តែគេមិនទាន់ឃើញមានការទទួលស្គាល់ជាផ្លូវការឡើយចំពោះការអះអាងខាងលើនេះ។ ក្រោយមានករណីវាយប្រហារលើទស្សនាវដ្តី Charlie Hebdo ប៉ូលីសនិងកងកម្លាំងប្រដាប់អាវុធប្រឆាំងក្រុមភេរវកម្មបានបើកបើកប្រតិបត្តិការប្រមាញ់ជនសង្ស័យទាំងបីនាក់នៅភាគឥសាន្តប្រទេសបារាំង។
ក្នុងចំណោមជនសង្ស័យមានពីរនាក់ជាបងប្អូនគ្នា ហើយមានម្នាក់ត្រូវបានគេចាប់ខ្លួននិងបញ្ជូនខ្លួនទៅពន្ធនាគារតាំងពីឆ្នាំ ២០០៨ដោយជាប់ពាក់ព័ន្ធនឹងចលនាបណ្តាញសកម្មប្រយុទ្ធដែលប៉ុនប៉ងបញ្ជូនកងកម្លាំងទៅអ៊ីរ៉ាក់។
© រក្សាសិទ្ធិដោយ thmeythmey.com