ជាតិ
អន្តរជាតិ
លោក Wolinski អ្នកគូររូបត្លុករបស់ Charlie Hebdo ធ្លាប់មកកម្ពុជាកាលពីជាង១០ឆ្នាំមុន
×![]()
លោក Georges Wolinski អ្នកគូររូបត្លុកដ៏ល្បីល្បាញរបស់បារាំងដែលបម្រើការឲ្យកាសែត Charlie Hebdo ស្ថិតក្នុងចំណោមមនុស្ស១២នាក់ដែលបានស្លាប់ដោយសារការបាញ់ប្រហារនាថ្ងៃទី៧ ខែមករា ឆ្នាំ២០១៥ ។ កាលពីជាង១០ឆ្នាំមុន លោកបានមកទស្សនាប្រទេសកម្ពុជា ក្នុងដំណើរចេញពីគុយបា រុស្ស៊ី ម៉ិកស៊ិក ឆែក ក្រូអាត និងទុយនីស៊ី ដើម្បីសរសេរសៀវភៅមួយក្បាលដែលមានចំណងជើងថា «Le Pire a de l’avenir»។
នៅកម្ពុជា លោក Wolinski បានជួបអតីតអ្នកទោសខ្មែរក្រហមម្នាក់ដែលបានរៀបរាប់ពីជីវិតរបស់ខ្លួននាសម័យនោះ។ រូបត្លុតរបស់លោក Wolinski មួយត្រូវបានចុះផ្សាយនៅសារព័ត៌មានជាភាសាបារាំង Cambodge Soir កាលពីថ្ងៃទី១ ខែធ្នូ ឆ្នាំ២០០២ ដោយរូបត្លុនោះ និយាយពីការទទួលជំនួយរបស់ប្រទេសអ្នកក្រពីសំណាក់ប្រទេសអ្នកមាន។
លោក Georges Wolinski ដែលមានរហស្សនាមថា «Wolinski» ធ្លាប់បម្រើការឲ្យ Hara-Kiri, JDD, L’Humanité និង Le Nouvel Observateur។ លោកកើតនៅក្នុងឆ្នាំ១៩៣៤ និងធំធាត់រហូតដល់អាយុ១៣ឆ្នាំនៅក្នុងប្រទេសទុយនីស៊ី។ លោកបានចូលបម្រើឲ្យ Charlie Hebdo ក្នុងឆ្នាំ១៩៦១ និងធ្លាប់ធ្វើជានិពន្ធនាយកចន្លោះពីឆ្នាំ១៩៧០ ដល់ឆ្នាំ១៩៨១ ។ លោកមានម្តាយជាជនជាតិបារាំងកាត់អ៊ីតាលី និងឪពុកជាជនជាតិប៉ូឡូញ។
តាមរយៈទស្សនាវដ្តី Charlie Hebdo លោក Wolinski ក៏បានសរសេរកោតសរសើរវិចិត្រករខ្មែរលោក ឯម សត្យា ដែលមានរហស្សនាមថា «Nono» ផងដែរ៕
នៅកម្ពុជា លោក Wolinski បានជួបអតីតអ្នកទោសខ្មែរក្រហមម្នាក់ដែលបានរៀបរាប់ពីជីវិតរបស់ខ្លួននាសម័យនោះ។ រូបត្លុតរបស់លោក Wolinski មួយត្រូវបានចុះផ្សាយនៅសារព័ត៌មានជាភាសាបារាំង Cambodge Soir កាលពីថ្ងៃទី១ ខែធ្នូ ឆ្នាំ២០០២ ដោយរូបត្លុនោះ និយាយពីការទទួលជំនួយរបស់ប្រទេសអ្នកក្រពីសំណាក់ប្រទេសអ្នកមាន។
លោក Georges Wolinski ដែលមានរហស្សនាមថា «Wolinski» ធ្លាប់បម្រើការឲ្យ Hara-Kiri, JDD, L’Humanité និង Le Nouvel Observateur។ លោកកើតនៅក្នុងឆ្នាំ១៩៣៤ និងធំធាត់រហូតដល់អាយុ១៣ឆ្នាំនៅក្នុងប្រទេសទុយនីស៊ី។ លោកបានចូលបម្រើឲ្យ Charlie Hebdo ក្នុងឆ្នាំ១៩៦១ និងធ្លាប់ធ្វើជានិពន្ធនាយកចន្លោះពីឆ្នាំ១៩៧០ ដល់ឆ្នាំ១៩៨១ ។ លោកមានម្តាយជាជនជាតិបារាំងកាត់អ៊ីតាលី និងឪពុកជាជនជាតិប៉ូឡូញ។
តាមរយៈទស្សនាវដ្តី Charlie Hebdo លោក Wolinski ក៏បានសរសេរកោតសរសើរវិចិត្រករខ្មែរលោក ឯម សត្យា ដែលមានរហស្សនាមថា «Nono» ផងដែរ៕
© រក្សាសិទ្ធិដោយ thmeythmey.com
