អន្តរជាតិ
នយោបាយអន្តរជាតិ
លោកស្រីយីងឡាក់អាចនឹងត្រូវផ្អាកពីការចូលរួមក្នុងឆាកនយោបាយប្រាំឆ្នាំ
× សភាជាតិថៃនឹងបោះឆ្នោតសម្រេចលើករណីបទល្មើសសាធារណៈរបស់អតីតនាយករដ្ឋមន្ត្រីថៃលោកស្រីយីងឡាក់ស៊ីនណាវ៉ាត្រា ដែលបានធ្វើអោយបាត់បង់ចំណូលនៅក្នុងគម្រោងស្រូវអង្ករថៃនៅពេលដែលលោកស្រីកាន់ដំណែងជានាយករដ្ឋមន្ត្រីនិងប្រធានស្ថាប័ននេះ។ដំណើរនៃការសម្រេចនេះអាចនឹងធ្វើអោយលោកស្រីប្រឈមមុខនិងការផ្អាកពីជិវិតនយោបាយរយៈពេលប្រាំឆ្នាំ។
នៅថ្ងៃទី០៩មករានេះសភាជាតិថៃនឹងដំណើរការក្នុងការដាក់ទោសអតីតនាយករដ្ឋមន្ត្រីថៃលោកស្រីយីងឡាក់ស៊ីនណាវ៉ាត្រាពីបទប្រព្រឹត្តបទល្មើសសាធារណៈដែលបានធ្វើអោយបាត់បង់នូវប្រាក់ចំណូលជាច្រើននៅក្នុងងស្ថាប័នអង្ករជាតិថៃដែលស្ថិតក្រោមការគ្រប់គ្រងរបស់លោកស្រីនៅពេលដែលកាន់តំណែងជានាយករដ្ឋមន្ត្រី។
អតីតនាយករដ្ឋមន្ត្រីថៃលោកស្រីយីងឡាក់ស៊ីនណាវ៉ាត់ត្រាដែលត្រូវបានទម្លាក់ពីមុខតំណែងដោយរដ្ឋប្រហារយោធាកាលពីថ្ងៃទី២២ឧសភាឆ្នាំ២០១៤កន្លងទៅនេះកំពុងប្រឈមមុខនិងដាក់ទោសលើបទល្មើសសាធារណៈដោយហាមមិនអោយចូលរួមក្នុងវិស័យនយោបាយរយៈពេលប្រាំឆ្នាំ។
ទោះបីយ៉ាងណាក៏ដោយ ដើម្បីដាក់ទោសលោកស្រីយីងឡាក់ ដោយផ្អែកលើការចោទប្រកាន់បទល្មើសពុករលួនេះ គឺត្រូវទាមទារអោយមានការបោះឆ្នោតសម្រេចគាំទ្រពីសភាជាតិដោយសំឡេងបីភាគប្រាំនៃចំនួនសមាជិកសភាជាតិសរុបទាំងអស់២៥០រូបរបស់ថៃជាមុនសិនទើបអាចអនុវត្តការចោទប្រកាន់និងដាក់ទោសលោកស្រីបាន។ជាមួយគ្នានេះផងដែរលោកអនុប្រធានសភាថៃ Surachai Liengboonlertchai បានបញ្ជាក់ថាសំណុំរឿងនឹងត្រូវបិទបញ្ចប់យ៉ាងហោចណាស់នៅចុងខែមករានេះ។
យ៉ាងណាមិញបើយោងតាមអ្នកវិភាគនយោបាយថៃដំណើរការនៃការដាក់ទោសអតីតនាយករដ្ឋមន្ត្រីរូបនេះអាចជាគោលដៅចុងក្រោយរបស់អ្នកគាំទ្ររបបរាជានិយមដែលមានបំណងលុបបំបាត់នូវអំណាចនិងឥទ្ធិពលរបស់ត្រកូលស៊ីនណាវ៉ាត់ត្រាដែលបានឈ្នះរាល់ការបោះឆ្នោតតាំងពីឆ្នាំ២០០១មកអោយបាត់ឈ្មោះពីនយោបាយថៃតែម្តង។
គួរបញ្ជាក់ផងដែរលោកស្រីយីងឡាក់ត្រូវបានចោទប្រកាន់ដោយអង្គភាពប្រឆាំងអំពើពុករលួយថៃដោយបានធ្វើអោយបាត់បង់នូវប្រាក់ចំនូលនៅក្នុងកម្មវិធីស្រូវអង្ករថៃដែលលើកទី១ធ្វើអោយបាត់បង់ថវិកា៣២.៣ពាន់លានបាតលើកទី២២២០.៩ពាន់លានបាតនិងលើកទី៣៣៣២.៣ពាន់លានបាតដែលការបាត់បង់បង្ហាញពីភាពអសមត្ថភាក្នុងចាត់វិធានការប្រឆាំងអំពើពុករលួយដែលកើតនៅក្នុងស្ថាប័នរបស់របស់លោកស្រីក្នុងនាមជាប្រធាននិងនាយករដ្ឋមន្ត្រីផង៕
© រក្សាសិទ្ធិដោយ thmeythmey.com