ពីនេះ ពីនោះ
អន្តរជាតិ
បច្ចេកវិទ្យា
iPhone 4 Diamond Rose ជាទូរសព្ទថ្លៃជាងគេបំផុតក្នុងលោកតម្លៃ ៨ លានដុល្លារ
×![]()
ទូរសព្ទជាតម្រូវការដ៏សំខាន់សម្រាប់ការធ្វើទំនាក់ទំនងក្នុងជីវិតប្រចាំថ្ងៃរបស់មនុស្សហើយទូរសព្ទចល័តក៏មានតម្លៃចាប់ពីថោកបំផុត រហូតដល់ទូរសព្ទដែលមានតំលៃថ្លៃ រហូតដល់ទៅរាប់លានដុល្លារ។
បច្ចុប្បន្ននេះដោយមានការជឿនលឿនក្នុងបច្ចេកវិទ្យាទូរសព្ទដៃរបស់អ្នកអាចធ្វើអ្វីគ្រប់យ៉ាងដែលកុំព្យូទ័ររបស់អ្នកអាចធ្វើបាន ម្យ៉ាងទៀតទូរសព្ទខ្លះត្រូវបានផលិតឡើងជាពិសេសសម្រាប់លក់ទៅឲ្យអ្នកមានប្រាក់ ដោយបានធ្វើទូរសព្ទដៃដែលគ្រាន់តែជាវត្ថុសម្រាប់ទាក់ទងគ្នាសោះ តែមានតម្លៃដល់រាប់លានដុល្លារ។
យោងតាមគេហទំព័រ wonderslist មានទូរសព្ទចល័តចំនួន ១០ ប្រភេទ មានតម្លៃថ្លៃជាងគេបំផុតក្នុងលោកគឺ៖
ទី១០៖ ទូរសព្ទ Vertu Signature Diamond ដែលច្នៃឡើងពីប្លាទីន និងត្បូងពេជ្រ ២០០ គ្រាប់មានតម្លៃ ៨៨ ០០០ ដុល្លារ។
ទី៩៖ ទូរសព្ទ iPhone Princess Plus ដែលផលិតចេញពីមាសស និងត្បូងពេជ្រដែលមានទំហំសរុប ១៧,៧៥ ការ៉ាត់ មានតម្លៃ ១៧៦ ៤០០ ដុល្លារ។
ទី៨៖ ទូរសព្ទ Sony Ericsson’s Black Diamond ផលិតចេញពីត្បូងពេជ្រខ្មៅ និងកញ្ចក់ polycarbonateទូរសព្ទនេះមានតម្លៃ ៣០០ ០០០ ដុល្លារ។
ទី៧៖ ទូរសព្ទ Vertu Signature Cobra ដែលត្រូវរចនាម៉ូដឡើងជារូបពស់វែកធ្វើពីមាស និងដាំត្បូងពេជ្រ ធ្វើឲ្យវាមានតម្លៃ ៣១០ ០០០ ដុល្លារ។
ទី៦៖ ទូរសព្ទ GressoLuxor Las Vegas Jackpot ផលិតពីមាសរឹងចំនួន ១៨០ ក្រាម និងឈើខ្មៅពីតំបន់អាហ្វ្រិកដែលមានអាយុ ២០០ ឆ្នាំ ត្រូវលក់ក្នុងតម្លៃ ១ លានដុល្លារ។
ទី៥៖ ទូរសព្ទ Diamond Crypto Smartphoneវាធ្វើឡើងមាសផ្កាកូឡាប និងមានដាំត្បូងពេជ្រធម្មតា ៥០ គ្រាប់ និងត្បូងពេជ្រពណ៌ខៀវដ៏កម្រ ១០ គ្រាប់ វាមានតម្លៃ ១,៣ លានដុល្លារ។
ទី៤៖ ទូរសព្ទ GoldvishLe million វាធ្វើឡើងពីមាសស ១៨K និងដាំត្បូងពេជ្រ VVS1 ទំហំ ២០ ការ៉ាត់ វាមានតម្លៃជាង ១,៣ លានដុល្លារ។
ទី៣៖ ទូរសព្ទ iPhone 3GKing’s Button ដែលមានដាំត្បូងពេជ្រ ១៣៨ គ្រាប់ និងមានដាំត្បូងពេជ្រពណ៌សដ៏ធំទំហំ ៦,៦ ការ៉ាត់ សម្រាប់ធ្វើប៊ូតុង Home ដែលវាមានតម្លៃ ២,៤ លានដុល្លារ។
ទី២៖ ទូរសព្ទ Supreme Goldstriker iPhone 3G 32GB ដែលមានបំពាក់ដោយស្រោមធ្វើពីមាស រឹង 22k ទម្ងន់ ២៧១ ក្រាម និងមានដាំត្បូងពេជ្រលើរូបផ្លែប៉ោមទំហំ ១ ការ៉ាត់ ចំនួន ៥៣ គ្រាប់ និងមានដាំត្បូងពេជ្រនៅជុំវិញប៊ូតុង Home ទំហំ ៧,១ ការ៉ាត់ ធ្វើឲ្យវាមានតម្លៃ ៣,២ លានដុល្លារ។
ទី១៖ ទូរសព្ទ iPhone 4 Diamond Rose ទូរសព្ទនេះ មានដាំត្បូងពេជ្រសរុបជាង ៥០០ គ្រាប់ដែលមានទំហំសរុបជាង ១០០ ការ៉ាត់ លើសពីនេះទៀតនៅលើលើរូបផ្លែប៉ោមដែលជាម៉ាករបស់ Apple នោះមានដាំត្បូងពេជ្រ ៥៣ គ្រាប់ និងប៊ូតុង Home ក៏មានដាំត្បូងពេជ្រកម្រចំនួន ៨ ការ៉ាត់ផងដែរ ដែលធ្វើឲ្យវាក្លាយជាទូរសព្ទ ដែលមានតម្លៃថ្លៃជាងគេបំផុតក្នុងពិភពលោក ជាមួយនឹងតម្លៃ ៨ លានដុល្លារ៕
© រក្សាសិទ្ធិដោយ thmeythmey.com
