អន្តរជាតិ
រដ្ឋាភិបាលវៀតណាមអនុញ្ញតអ្នកស្រលាញ់ភេទដូចគ្នាអាចរៀបការបាន
× រដ្ឋាភិបាលវៀតណាម បានលុបចោលនូវបទបញ្ជា ដែលបានហាមនិងពិន័យមិនអោយអ្នកស្រលាញ់ភេទដូចគ្នា ដោយអនុញ្ញាតអោយពួកគេអាចរៀបការជាមួយគ្នាបាន។ ការទទួលស្គាល់អ្នកស្រលាញ់ភេទដូចគ្នានេះ ធ្វើឡើងក្នងគោលបំណងចម្បង ដើម្បីទាក់ទាញ និងបង្កើនភ្ញៀវទេសចរណ៍ដែលនិយមស្រលាញ់ភេទដូចគ្នា ហើយអាចធ្វើដំណើរកំសាន្តនៅក្នុងប្រទេសវៀតណាមបានដោយសេរី។
កាលពីថ្មិៗកន្លងទៅនេះ រដ្ឋាភិបាលវៀតណាម បានលុបចោលនូវបទបញ្ជា ដែលបានហាមមិនអោយ អ្នកស្រលាញ់ភេទដូចគ្នានៅក្នុងប្រទេសវៀតណាមអាច រៀបការជាមួយគ្នាបាន ហើយការកែប្រនេះក៏ធ្វើឡើងក្នុងគោលបំណង ដើម្បីបង្កើននូវភ្ញៀវទេសចរណ៍បរទេសដែល និយមស្រលាញ់ភេទដូចគ្នាអាចធ្វើដំណើរកម្សាន្ត នៅក្នងប្រទេសវៀតណាមបានដោយសេរី។
ទោះបីជាច្បាប់មិនទាន់បានអនុម័តជាផ្លូវការនិង មិនទទួលការការពារក្នងករណីមានជម្លោះនៃអាពាហ៍ពិពាហ៍ រវាងអ្នកមានភេទដូចគ្នា ដែលរាប់បញ្ចូលទាំងបុរសស្រលាញ់បុរស និងស្ត្រីស្រលាញ់ស្ត្រី ក៏ដោយ បទបញ្ជាដែលបានបញ្ញត្តិនៅក្នង ច្បាប់អាពាហ៍ពិពាហ៍វៀតណាមឆ្នាំ២០១៣ ដែលបានហាម និងពិន័យចំពោះអ្នកដែល ស្រលាញ់គ្នាបាន នរាករណ៍នូវបញ្ញត្តិនោះហើយ។
ជាមួយនឹងការកែប្រែនេះដែរ សភាជាតិវៀតណាម បានរំពឹងទុកថានឹងអាចទាក់ទាញនូវភ្ញៀវទេសចរណ៍ ដែលជា អ្នកស្រលាញ់ភេទដូចគ្នាកាន់តែច្រើន ក្នុងនោះសភាវៀតណាម ដែលបានរំពឹងថានឹងអាចទទួលចំណូលប្រមាណ ប្រាំបួនពាន់លានដុល្លារសហរដ្ឋអាមេរិកនៅពេលដែលអនុវត្តបទបញ្ញត្តិថ្មីនេះ។
ដោយឡែកបើប្រៀបធៀបនូវការទទួលស្គាល់ អ្នកស្រលាញ់ភេទដូចគ្នា និងអាចរៀបអាពាហ៍អាពាហ៍ជាមួយគ្នាបាន វៀតណាមដែលជាប្រទេសប្រកាន់របបកម្មុយនីស្ត បានក្លាយជាប្រទេសដំបូងគេបង្អស់នៅក្នុងតំបន់អាស៊ីអាគ្នេយ៍ ដែលទទួលស្គាល់អ្នកស្រលាញ់ភេទដូចគ្នា៕
© រក្សាសិទ្ធិដោយ thmeythmey.com