អន្តរជាតិ
×![]()
រដ្ឋាភិបាលក្រុងព្យុងយ៉ាងគ្រោងទិញចូលយន្តហោះចម្បាំងពីក្រុងម៉ូស្គូ ដោយបញ្ជូនអ្នកតំណាងរបស់ខ្លួនទៅកាន់ប្រទេសរុស្ស៊ី។ បើតាមការអោយដឹងពីរដ្ឋាភិបាលក្រុងសេអ៊ូល ក្រុងព្យុងយ៉ាងចង់បានយន្តហោះចម្បាំងទំនើបៗ ហើយកូរ៉េធ្លាប់ស្នើសុំអោយរដ្ឋាភិបាលលោក ពូទីនលក់យន្តហោះចម្បាំងកាលពីប៉ុន្មានខែមុនម្តងហើយ។
មន្ត្រីកូរ៉េយោធាខាងត្បូង បានអោយដឹងថា កូរ៉េខាងជើងមានចេតនាចង់ទិនយន្តហោះប្រដេញនិងចម្បាំងប្រភេទទំនើបជាច្រើនគ្រឿងពីរុស្ស៊ី ដោយមេដឹកនាំក្រុងព្យុងយ៉ាងបានបញ្ជូនបេសកជនពិសេសរបស់ខ្លួនទៅកាន់ប្រទេសរុស្ស៊ី។ លោក Choe Ryong-hae ដែលជាបេសកជនពិសេសរបស់ក្រុងព្យុងយ៉ាងតំណាងអោយលោក គីមជុងអ៊ុន បានធ្វើទស្សនកិច្ចទៅកាន់ទីក្រុងម៉ូស្គូ កាលពីខែវិច្ឆិកាឆ្នាំមុននេះដើម្បីចរចាសុំទិញយន្តហោះជាមួយប្រធានាធិបតីរុស្ស៊ី វ្ល៉ាឌីមៀ ពូទីន ហើយយន្តហោះដែលក្រុងព្យុងយ៉ាងចង់បាននោះមានម៉ាក Su-35 ។
យ៉ាងណាក៏ដោយព័ត៌មានតិចតួចទាក់ទិននឹងការចរចាទិញលក់យន្តហោះរវាងរដ្ឋាភិបាលប្រទេសទាំងពីរត្រូវបានគេទម្លាយអោយដឹងជាសាធារណ។ ក្រុងម៉ូស្គូបានប្រកាសផងដែរថា កិច្ចប្រជុំមិនមែនបើកចំហរទៅកាន់សាធារណជន និងអ្នកសារព័ត៌មានឡើង ដូច្នេះហើយទើបបានជាគេមិនអាចដឹងថាកិច្ចប្រជុំទ្វេភាគីបិទទ្វារនោះនិយាយពីអ្វីខ្លះ។
តាមពិតទៅប្រទេសកូរ៉េខាងជើងផលិតអាវុធជាច្រើនប្រភេទនៅក្នុងស្រុក រួមទាំងអាវុធនុយក្លេអ៊ែរផងនោះ ប៉ុន្តែប្រទេសនេះកំពុងស្វែងរកការនាំចូលយន្តហោះចម្បាំងប្រភេទទំនើបថ្មីៗ ដោយសារការផលិតយន្តហោះចម្បាំងពិតជាត្រូវការបច្ចេកវិទ្យាខ្ពស់និងស្មុគ្រស្មាញបំផុត។ កូរ៉េខាងជើងក្រោមការដឹកនាំរបស់បុរសខ្លាំង គីមជុងអ៊ុន មើលឃើញថា រុស្ស៊ីជាទីផ្សារសព្វាវុធដ៏ធំ និងជិតស្និទ្ធសម្រាប់កូរ៉េខាងជើង ប៉ុន្តែដោយសារទណ្ឌកម្មសហគមន៍អន្តរជាតិប្រឆាំងក្រុងព្យុងយ៉ាង រដ្ឋាភិបាលក្រុងម៉ូស្គូត្រូវការពេលដើម្បីពិចារណាសិន។ មកទល់ពេលនេះគេនៅមិនទាន់ដឹងថាតើក្រុងព្យុងយ៉ាងត្រូវការយន្តហោះប៉ុន្មានគ្រឿងនោះឡើយ។
តាមពិតទៅមិនមែនជាលើកទីមួយឡើយដែលប្រទេសកូរ៉េខាងជើងស្នើសុំរុស្ស៊ីអោយជួយគាំទ្រសមត្ថភាពយោធាជើងអាកាសរបស់ខ្លួន ព្រោះប្រទេសនេះធ្លាប់ស្នើសុំទិញយន្តហោះចម្បាំងជាច្រើនគ្រឿងពីរុស្ស៊ីកាលពីឆ្នាំ ២០១១ នៅពេលដែលលោក គីម ជុង អ៊ីល ឳពុកគីមជុង អ៊ុន បានធ្វើដំណើរទស្សនកិច្ចទៅកាន់ប្រទេសរុស្ស៊ីនៅពេលនោះ។ ចំណែកកាលពីឆ្នាំ ២០១០ កូរ៉េខាងជើងប៉ុនប៉ងទិញយន្តហោះចម្បាំងពីក្រុងប៉េកាំងប៉ុន្តែ ក្រុងប៉េកាំងបានបដិសេធសំណើរនោះ។
យ៉ាងណាក៏ដោយកាលពីខែវិច្ឆិកាឆ្នាំមុន កូរ៉េខាងជើងបានស្វះស្វែងរកការគាំទ្រពីរុស្ស៊ីក្នុងសំណុំរឿងឧក្រិដ្ឋកម្មប្រឆាំងមនុស្សជាតិនៅតុលាការព្រហ្មទណ្ឌអន្តរជាតិ។កូរ៉េខាងជើងរងការចោទប្រកាន់ថាបានប្រព្រឹត្តបទឧក្រិដ្ឋទាំងនោះ ហើយត្រូវបានលោកខាងលិចទាមទារអោយតុលាការព្រហ្មទណ្ឌនិងសហគមន៍អន្តរជាតិកាត់ទោសមេដឹកនាំកូរ៉េខាងជើងផងដែរ។ ចំណែករុស្ស៊ីក៏បានប្រកាសអញ្ជើញលោក គីម ជុង អ៊ុន អោយទៅទស្សនកិច្ចនៅរុស្ស៊ីក្នុងពិធីបុណ្យខួបនៃការយកជ័យជម្នះលើពួកណាស៊ីអាឡឺម៉ង់ក្នុងសម័យសង្គ្រាមលោកលើកទី២ផងដែរនៅក្នុងឆ្នាំ ២០១៥នេះ៕
មន្ត្រីកូរ៉េយោធាខាងត្បូង បានអោយដឹងថា កូរ៉េខាងជើងមានចេតនាចង់ទិនយន្តហោះប្រដេញនិងចម្បាំងប្រភេទទំនើបជាច្រើនគ្រឿងពីរុស្ស៊ី ដោយមេដឹកនាំក្រុងព្យុងយ៉ាងបានបញ្ជូនបេសកជនពិសេសរបស់ខ្លួនទៅកាន់ប្រទេសរុស្ស៊ី។ លោក Choe Ryong-hae ដែលជាបេសកជនពិសេសរបស់ក្រុងព្យុងយ៉ាងតំណាងអោយលោក គីមជុងអ៊ុន បានធ្វើទស្សនកិច្ចទៅកាន់ទីក្រុងម៉ូស្គូ កាលពីខែវិច្ឆិកាឆ្នាំមុននេះដើម្បីចរចាសុំទិញយន្តហោះជាមួយប្រធានាធិបតីរុស្ស៊ី វ្ល៉ាឌីមៀ ពូទីន ហើយយន្តហោះដែលក្រុងព្យុងយ៉ាងចង់បាននោះមានម៉ាក Su-35 ។
យ៉ាងណាក៏ដោយព័ត៌មានតិចតួចទាក់ទិននឹងការចរចាទិញលក់យន្តហោះរវាងរដ្ឋាភិបាលប្រទេសទាំងពីរត្រូវបានគេទម្លាយអោយដឹងជាសាធារណ។ ក្រុងម៉ូស្គូបានប្រកាសផងដែរថា កិច្ចប្រជុំមិនមែនបើកចំហរទៅកាន់សាធារណជន និងអ្នកសារព័ត៌មានឡើង ដូច្នេះហើយទើបបានជាគេមិនអាចដឹងថាកិច្ចប្រជុំទ្វេភាគីបិទទ្វារនោះនិយាយពីអ្វីខ្លះ។
តាមពិតទៅប្រទេសកូរ៉េខាងជើងផលិតអាវុធជាច្រើនប្រភេទនៅក្នុងស្រុក រួមទាំងអាវុធនុយក្លេអ៊ែរផងនោះ ប៉ុន្តែប្រទេសនេះកំពុងស្វែងរកការនាំចូលយន្តហោះចម្បាំងប្រភេទទំនើបថ្មីៗ ដោយសារការផលិតយន្តហោះចម្បាំងពិតជាត្រូវការបច្ចេកវិទ្យាខ្ពស់និងស្មុគ្រស្មាញបំផុត។ កូរ៉េខាងជើងក្រោមការដឹកនាំរបស់បុរសខ្លាំង គីមជុងអ៊ុន មើលឃើញថា រុស្ស៊ីជាទីផ្សារសព្វាវុធដ៏ធំ និងជិតស្និទ្ធសម្រាប់កូរ៉េខាងជើង ប៉ុន្តែដោយសារទណ្ឌកម្មសហគមន៍អន្តរជាតិប្រឆាំងក្រុងព្យុងយ៉ាង រដ្ឋាភិបាលក្រុងម៉ូស្គូត្រូវការពេលដើម្បីពិចារណាសិន។ មកទល់ពេលនេះគេនៅមិនទាន់ដឹងថាតើក្រុងព្យុងយ៉ាងត្រូវការយន្តហោះប៉ុន្មានគ្រឿងនោះឡើយ។
តាមពិតទៅមិនមែនជាលើកទីមួយឡើយដែលប្រទេសកូរ៉េខាងជើងស្នើសុំរុស្ស៊ីអោយជួយគាំទ្រសមត្ថភាពយោធាជើងអាកាសរបស់ខ្លួន ព្រោះប្រទេសនេះធ្លាប់ស្នើសុំទិញយន្តហោះចម្បាំងជាច្រើនគ្រឿងពីរុស្ស៊ីកាលពីឆ្នាំ ២០១១ នៅពេលដែលលោក គីម ជុង អ៊ីល ឳពុកគីមជុង អ៊ុន បានធ្វើដំណើរទស្សនកិច្ចទៅកាន់ប្រទេសរុស្ស៊ីនៅពេលនោះ។ ចំណែកកាលពីឆ្នាំ ២០១០ កូរ៉េខាងជើងប៉ុនប៉ងទិញយន្តហោះចម្បាំងពីក្រុងប៉េកាំងប៉ុន្តែ ក្រុងប៉េកាំងបានបដិសេធសំណើរនោះ។
យ៉ាងណាក៏ដោយកាលពីខែវិច្ឆិកាឆ្នាំមុន កូរ៉េខាងជើងបានស្វះស្វែងរកការគាំទ្រពីរុស្ស៊ីក្នុងសំណុំរឿងឧក្រិដ្ឋកម្មប្រឆាំងមនុស្សជាតិនៅតុលាការព្រហ្មទណ្ឌអន្តរជាតិ។កូរ៉េខាងជើងរងការចោទប្រកាន់ថាបានប្រព្រឹត្តបទឧក្រិដ្ឋទាំងនោះ ហើយត្រូវបានលោកខាងលិចទាមទារអោយតុលាការព្រហ្មទណ្ឌនិងសហគមន៍អន្តរជាតិកាត់ទោសមេដឹកនាំកូរ៉េខាងជើងផងដែរ។ ចំណែករុស្ស៊ីក៏បានប្រកាសអញ្ជើញលោក គីម ជុង អ៊ុន អោយទៅទស្សនកិច្ចនៅរុស្ស៊ីក្នុងពិធីបុណ្យខួបនៃការយកជ័យជម្នះលើពួកណាស៊ីអាឡឺម៉ង់ក្នុងសម័យសង្គ្រាមលោកលើកទី២ផងដែរនៅក្នុងឆ្នាំ ២០១៥នេះ៕
© រក្សាសិទ្ធិដោយ thmeythmey.com
