អន្តរជាតិ
តិចសាស៖ យ៉ាងហោចណាស់ចំណាប់ខ្មាំងពីរនាក់ស្ថិតក្នុងដៃខ្មាន់កាំភ្លើងម្នាក់
× យ៉ាងហោចណាស់ចំណាប់ខ្មាំង ២នាក់កំពុងស្ថិតក្នុងកណ្តាប់ដៃខ្មាន់កាំភ្លើងនៅក្នុងតំបន់ Tomball នៃរដ្ឋតិចសាសនៅថ្ងៃនេះ។ ខាងក្រុមប៉ូលីស និងកងកម្លាំងពិសេសរំដោះចំណាប់ខ្មាំងកំពុងស្ថិតក្នុងប្រតិបត្តិការ និងចរចាដើម្បីធានាថាចំណាប់ខ្មាំងមិនមានគ្រោះថ្នាក់ទេនោះ។ នេះបើយោងតាមសារព័ត៌មានរុស្ស៊ី RT។
ខ្មាន់កាំភ្លើងម្នាក់បានចាប់មនុស្សយ៉ាងហោចណាស់ ២នាក់ជាចំណាប់ខ្មាំងនៅក្នុងមន្ទីរពេទ្យមួយកន្លែងក្នុងតំបន់ Tomball នៃរដ្ឋតិចសាសនៅថ្ងៃយប់ថ្ងៃសៅរ៍។ បើតាមការអោយដឹងពីប៉ូលីសក្នុងតំបន់ ខ្មាន់កាំភ្ល់ើងមានគ្នាតែម្នាក់ប៉ុណ្ណោះ ហើយក្រុមប៉ូលីស និងកងកម្លាំងពិសេសព្យាយាមចរចារំដោះចំណាប់ខ្មាំងផងដែរមកទល់ពេលនេះ។ តាមពីតទៅជនជាខ្មាន់កាំភ្លើងនោះត្រូវបានគេកំណត់អត្តសញ្ញាណបានហើយ ដោយជននោះជាឳពុកអ្នកជំនឺម្នាក់នៅក្នុងមន្ទីរពេទ្យនោះដែរ ហើយជននោះទំនងជាមានបញ្ហាស្មារតី។
យ៉ាងណាក៏ដោយ ប្រភពខ្លះទៀតអះអាងថា គេនៅមិនទាន់ដឹងថាជនដែលចាប់ចំណាប់ខ្លាំងនោះមានអាវុធក្នុងដៃឬអត់ឡើយ ប៉ុន្តែគេជឿថាជននោះមានអាវុធក្នុងដៃ ហើយស្ថានការណ៍ស្ថិតក្នុងស្ថានភាពគ្រោះថ្នាក់ខ្លាំងថៃមទៀតផង។ ប៉ុន្តែគេបានសន្និដ្ឋានហើយ បុរសជាខ្មាន់ភ្លើងនោះ ត្រឹមតែជាមនុស្សមានវិបត្តិផ្លូវចិត្ត និងបញ្ហាស្មារតីប៉ុណ្ណោះ មិនមានជាប់ពាក់ព័ន្ធក្រុមភេរវជនអ្វីនោះឡើយ។
គួរបញ្ជាក់ថា ការចាប់ចំណាប់ខ្មាំងនេះកើតឡើងស្របពេលដែលសហរដ្ឋអាមេរិកប្រកាសព្រមានដល់ប្រជាជនខ្លួនអោយប្រុងប្រយ័ត្ន និងបង្កើនសន្តិសុខក្រែងមានករណីវាយប្រហារដោយក្រុមភេរវជន ក្រោយមានការវាយប្រហារសម្លាប់រង្គាលនៅបារាំង ។ អាមេរិកក៏ជាមុខសញ្ញាដ៏ធំបំផុតមួយរបស់ក្រុមភេរវជន ហើយក្រុមភេរវជនក៏បានព្រមានប្រកាសវាយប្រហារលោកខាងលិចផ្សេងទៀតផងដែរនៅពេលខាងមុខ៕
© រក្សាសិទ្ធិដោយ thmeythmey.com