អន្តរជាតិ
មនុស្សប្រហែលពីរពាន់នាក់ស្លាប់ដោយការវាយប្រហារបន្តបន្ទាប់គ្នានៅនីហ្សេរីយ៉ា
អង្គការលើកលែងទោសអន្តរជាតិបានប្រកាសថា ចំនួនមនុស្សស្លាប់ដោយសារការវាយប្រហាររបស់ក្រុមភេរវជនបូកូហារ៉ាម មានរហូតដល់ ២០០០នាក់ក្នុងការវាយប្រហារបង្ហូរឈាមក្នុងរយៈពេលប៉ុន្មានថ្ងៃចុងក្រោយនេះ។ ក្រុមភេរវជនជ្រុលនិយមនេះ មានចេតនាផ្តួលរលំរដ្ឋាភិបាលនិងប្រកាសបង្កើតរដ្ឋឥស្លាមមួយនៅក្នុងប្រទេសនីហ្សេរីយ៉ាតែម្តង។
ក្រុមភេរវជនបូកូហារ៉ាម បានបន្តវាយប្រហារលើកងកម្លាំងប្រដាប់អាវុធរដ្ឋាភិបាល និងប្រជាជនស៊ីរិលនៅក្នុងប្រទេសនីហ្សេរីយ៉ា ហើយក្នុងការវាយប្រហារចុងក្រោយថ្មីៗនេះ វាធ្វើអោយចំនួនអ្នកស្លាប់បាត់បង់ជីវិតកើនឡើងដល់២០០០នាក់ឯណោះ។ ចំនួនអ្នកស្លាប់ច្រើនសន្ធឹកសន្ធាប់នេះ ត្រូវបានបង្ហាញអោយដឹងពីអង្គការលើកលែងទោសអន្តរជាតិ ហើយក្រុមភេរវជននេះបានបន្តវាយប្រហារលើទីក្រុង Baga ជាញឹកញាប់ក្នុងមួយរយៈពេលចុងក្រោយនេះ។
បើសិនជាចំនួនអ្នកស្លាប់រហូតដល់២០០០នាក់ដូចការលើកឡើងរបស់អង្គការនេះមែននោះ ករណីវាយប្រហាររបស់ក្រុមភេរវជនជ្រុលនិយមនេះ ក្លាយជាអំពើព្រៃផ្សៃខ្លាំងបំផុតមួយក្នុងប្រវត្តិសាស្ត្រនីហ្សេរីយ៉ា។ យ៉ាងណាកដ៏ដោយបើតាមការអោយពីសំណាក់ប្រជាការពារស្រុក លោក Yanaye Grema មានវ័យ៣៨ឆ្នាំ ប្រជាជននីហ្សេរីយ៉ានៅក្នុងស្រុកនាំគ្នារត់ចាកចោលភូមិស្រុកដើម្បីរកកន្លែងសុវត្ថិភាព ហើយខ្លះទៀតសម្ងំនៅតែក្នុងផ្ទះបិទទ្វារជិតមិនហ៊ានចេញទៅណាឡើយ។
លោកបានបន្ថែមថា ក្រុមភេរវជនបានបាញ់ប្រហារជនស៊ីវិលមិនញរញើតដៃ ហើយក្រោយករណីវាយប្រហារថ្មីៗនេះគេឃើញសាកសពប្រជាជននិងទាហានរណូករណែលរាប់រយសាកសព។ ចំណែកអ្នកនាំពាក្យរដ្ឋភិបាលបានអោយដឹងថា កងកម្លាំងរដ្ឋាភិបាលកំពុងបន្តជាប់ដៃប្រយុទ្ធ នៅជុំវិញទីក្រុងប្រឆាំងក្រុមបូកូហារ៉ាមនេះ ដោយសារកាលពីសប្តាហ៍មុនក្រុមភេរវជននេះបានដណ្តើមកាន់កាប់ទីតាំងមូលដ្ឋានយោធាបាន។
ចាប់តាំងពីមានការផុសរូបរាងឡើងរបស់កងកម្លាំងភេរវជនបូកូហារ៉ាមនេះ នីហ្សេរីយ៉ារងការការវាយប្រហារដោយក្រុមនេះជារឿយៗ ហើយគេដឹងថា ចំនួនអ្នកស្លាប់ដោយសារការវាយប្រហារមានរហូតដល់ ១០០០០នាក់ក្នុងឆ្នាំ២០១។ ដោយឡែកការបន្តសកម្មភាពវាយប្រហារដោយក្រុមភេរវជននេះ បាននិងកំពុងធ្វើអោយប្រទេសដែលមានសេដ្ឋកិច្ចធំបំផុតនៅអាហ្វ្រិកនីហ្សេរីយ៉ានេះជួបបញ្ហា ហើយធ្វើអោយប្រធានាធិបតីនីហ្សេរីយ៉ាលោក Goodluck Jonathan ក្រពុលមុខនិងឈឺក្បាលមិនលែងទេ។
នៅខែកុម្ភៈខាងមុខនេះប្រទេសនីហ្សេរីយ៉ានឹងរៀបចំការបោះឆ្នោតមួយ ហើយប្រធានាធិបតីខាងលើនឹងត្រូវប្រកួតប្រជែងជាមួយបេក្ខជនមកពីគណបក្សប្រឆាំង ហើយបញ្ហាអសន្តិសុខ និងអស្ថិរភាពធ្វើអោយលទ្ធភាពនៃការប្រកួតប្រជែងរបស់គណបក្សប្រឆាំងមានកាន់តែច្រើនឡើង។ យ៉ាងណាក៏ដោយចលនាភេរវកម្មបូកូហារ៉ាមមិនត្រឹមតែបង្កអស្ថិរភាពដល់នីហ្សេរីយ៉ាប៉ុណ្ណោះទេ ប៉ុន្តែប្រទេសជិតខាងប្រទេសនេះមានដូចជាកាមេរ៉ូន ឆាត ជាដើមផងនោះក៏រងគ្រោះថ្នាក់ដូចគ្នាដែរ។ ចលនាវាយប្រហារបានកើតឡើងជារឿយៗនៅតាមព្រំដែនប្រទេសទាំងនោះ ហើយមនុស្សជាច្រើននាក់បានស្លាប់បាត់បង់ជីវិតផងដែរ៕
ក្រុមភេរវជនបូកូហារ៉ាម បានបន្តវាយប្រហារលើកងកម្លាំងប្រដាប់អាវុធរដ្ឋាភិបាល និងប្រជាជនស៊ីរិលនៅក្នុងប្រទេសនីហ្សេរីយ៉ា ហើយក្នុងការវាយប្រហារចុងក្រោយថ្មីៗនេះ វាធ្វើអោយចំនួនអ្នកស្លាប់បាត់បង់ជីវិតកើនឡើងដល់២០០០នាក់ឯណោះ។ ចំនួនអ្នកស្លាប់ច្រើនសន្ធឹកសន្ធាប់នេះ ត្រូវបានបង្ហាញអោយដឹងពីអង្គការលើកលែងទោសអន្តរជាតិ ហើយក្រុមភេរវជននេះបានបន្តវាយប្រហារលើទីក្រុង Baga ជាញឹកញាប់ក្នុងមួយរយៈពេលចុងក្រោយនេះ។
បើសិនជាចំនួនអ្នកស្លាប់រហូតដល់២០០០នាក់ដូចការលើកឡើងរបស់អង្គការនេះមែននោះ ករណីវាយប្រហាររបស់ក្រុមភេរវជនជ្រុលនិយមនេះ ក្លាយជាអំពើព្រៃផ្សៃខ្លាំងបំផុតមួយក្នុងប្រវត្តិសាស្ត្រនីហ្សេរីយ៉ា។ យ៉ាងណាកដ៏ដោយបើតាមការអោយពីសំណាក់ប្រជាការពារស្រុក លោក Yanaye Grema មានវ័យ៣៨ឆ្នាំ ប្រជាជននីហ្សេរីយ៉ានៅក្នុងស្រុកនាំគ្នារត់ចាកចោលភូមិស្រុកដើម្បីរកកន្លែងសុវត្ថិភាព ហើយខ្លះទៀតសម្ងំនៅតែក្នុងផ្ទះបិទទ្វារជិតមិនហ៊ានចេញទៅណាឡើយ។
លោកបានបន្ថែមថា ក្រុមភេរវជនបានបាញ់ប្រហារជនស៊ីវិលមិនញរញើតដៃ ហើយក្រោយករណីវាយប្រហារថ្មីៗនេះគេឃើញសាកសពប្រជាជននិងទាហានរណូករណែលរាប់រយសាកសព។ ចំណែកអ្នកនាំពាក្យរដ្ឋភិបាលបានអោយដឹងថា កងកម្លាំងរដ្ឋាភិបាលកំពុងបន្តជាប់ដៃប្រយុទ្ធ នៅជុំវិញទីក្រុងប្រឆាំងក្រុមបូកូហារ៉ាមនេះ ដោយសារកាលពីសប្តាហ៍មុនក្រុមភេរវជននេះបានដណ្តើមកាន់កាប់ទីតាំងមូលដ្ឋានយោធាបាន។
ចាប់តាំងពីមានការផុសរូបរាងឡើងរបស់កងកម្លាំងភេរវជនបូកូហារ៉ាមនេះ នីហ្សេរីយ៉ារងការការវាយប្រហារដោយក្រុមនេះជារឿយៗ ហើយគេដឹងថា ចំនួនអ្នកស្លាប់ដោយសារការវាយប្រហារមានរហូតដល់ ១០០០០នាក់ក្នុងឆ្នាំ២០១។ ដោយឡែកការបន្តសកម្មភាពវាយប្រហារដោយក្រុមភេរវជននេះ បាននិងកំពុងធ្វើអោយប្រទេសដែលមានសេដ្ឋកិច្ចធំបំផុតនៅអាហ្វ្រិកនីហ្សេរីយ៉ានេះជួបបញ្ហា ហើយធ្វើអោយប្រធានាធិបតីនីហ្សេរីយ៉ាលោក Goodluck Jonathan ក្រពុលមុខនិងឈឺក្បាលមិនលែងទេ។
នៅខែកុម្ភៈខាងមុខនេះប្រទេសនីហ្សេរីយ៉ានឹងរៀបចំការបោះឆ្នោតមួយ ហើយប្រធានាធិបតីខាងលើនឹងត្រូវប្រកួតប្រជែងជាមួយបេក្ខជនមកពីគណបក្សប្រឆាំង ហើយបញ្ហាអសន្តិសុខ និងអស្ថិរភាពធ្វើអោយលទ្ធភាពនៃការប្រកួតប្រជែងរបស់គណបក្សប្រឆាំងមានកាន់តែច្រើនឡើង។ យ៉ាងណាក៏ដោយចលនាភេរវកម្មបូកូហារ៉ាមមិនត្រឹមតែបង្កអស្ថិរភាពដល់នីហ្សេរីយ៉ាប៉ុណ្ណោះទេ ប៉ុន្តែប្រទេសជិតខាងប្រទេសនេះមានដូចជាកាមេរ៉ូន ឆាត ជាដើមផងនោះក៏រងគ្រោះថ្នាក់ដូចគ្នាដែរ។ ចលនាវាយប្រហារបានកើតឡើងជារឿយៗនៅតាមព្រំដែនប្រទេសទាំងនោះ ហើយមនុស្សជាច្រើននាក់បានស្លាប់បាត់បង់ជីវិតផងដែរ៕
© រក្សាសិទ្ធិដោយ thmeythmey.com
