ជាតិ
សង្គមជាតិ
ក្រសួងព័តមាននឹងផ្អាកការផ្សាយរបស់ស្ថានីយ៍ ដែលនៅបន្ដផ្សាយពាណិជ្ជកម្មគ្រឿងស្រវឹង
× ក្រសួងព័ត៌មាននឹងផ្អាកការផ្សាយរបស់ស្ថានីយ៍វិទ្យុ និងទូរទស្ស៍បណ្ដោះអាសន្នចាប់ពី២សប្ដាហ៍ ដល់១ខែ និងឈានដល់ការដកហូតអាជ្ញាប័ណ្ណទាំងស្រុងពីស្ថានីយ៍នោះ បើសិនជាស្ថានីយ៍ទូរទស្សន៍ណាមួយ នៅតែបន្ដផ្សាយពាណិជ្ជកម្មគ្រឿងស្រវឹង ល្មើសនឹងខ្លឹមសារចរាចរ។ នេះបើតាមសេចក្ដីជូនដំណឹងចុះថ្ងៃទី១១ មករានេះ របស់ក្រសួងព័ត៌មាន។
ក្រសួងព័តមានធ្វើការក្រើនរំលឹកដល់ស្ថានីយ៍ទូរទស្សន៍ទាំងអស់ជាថ្មីម្ដងទៀត ដោយឲ្យស្ថានីយ៍ទាំងនោះធ្វើការអនុវត្តឲ្យបានម៉ឺងម៉ាត់ តាមចំនុចដូចដែលមានចែងក្នុងសារាចរនេះ ឲ្យមានប្រសិទ្ធភាពខ្ពស់បំផុត។ កន្លងមកក្រសួងបានចេញសារាចរចុះថ្ងៃទី០១ តុលា ឆ្នាំ២០១៤ ស្ដីពីការផ្សាយពាណិជ្ជកម្មគ្រឿងស្រវឹង ដោយហាមមិនឲ្យស្ថានីយ៍ទាំងនោះផ្សាយពាណិជ្ជកម្មគ្រឿងស្រវឹង នៅចន្លោះពីម៉ោង៦ ដល់ម៉ោង៨យប់ឡើយ៕
© រក្សាសិទ្ធិដោយ thmeythmey.com