ជាតិ
ពីនេះ ពីនោះ
×![]()
ដោយ: ថ្មីៗ
តើពាក្យ«តាំង, តាង» មានន័យខុសគ្នាដូចម្តេច?
មនុស្សមួយចំនួនប្រើពាក្យ«តាំង, តាង» ច្រឡំគ្នាដោយមិនដឹងថា ប្រើនៅក្នុងន័យមួយណា។ បើនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត បានបញ្ជាក់ថាពាក្យទាំងពីរនេះ គឺប្រើក្នុងន័យផ្សេងគ្នា។
ទី១. ពាក្យ«តាំង» ជាកិរិយាសព្ទ មានន័យថា តម្កល់, ដាក់ឲ្យជារបៀប, ចាប់ផ្តើមធ្វើ, ឋិតនៅ។ ល។ ឧទាហរណ៍៖ តាំងខ្លួន, តាំងងារ, តាំងចិត្ត, តាំងតុ, តាំងទ័ព, តាំងស្មារតី។ ល។
ទី២. ពាក្យ«តាង» ជាកិរិយាសព្ទដូចគ្នា តែមានន័យថា ជួស, ដាក់ជាជំនួស។ ឧទាហរណ៍៖ តាងនាមនៃពុទ្ធបរិស័ទ, តាងក្រុម, តាងក្រសួង។ ល។ បើជានាមវិញមានន័យថា តំណាង, ជំនួស។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com
