ពីនេះ ពីនោះ
អន្តរជាតិ
លោក Xi Jinpingផ្ដល់ដំបូន្មានថា«មនុស្សវ័យក្មេងមិនគួរចូលគេងយប់ជ្រៅពេកនោះទេ»
×![]()
ប្រធានាធិបតីចិនលោក Xi Jinpingបានប្រាប់ទៅកាន់យុវជនជំនាន់ក្រោយនៅក្នុងប្រទេសចិនថា ពួកគេមិនគួរមានទម្លាប់ចូលគេងយប់ជ្រៅញឹកញាប់ពេកនោះទេ ព្រោះវាអាចនឹងធ្វើឲ្យអ្នកឈឺ ហើយមិនបានសម្រេចគោលដៅទៀតផង។ នេះបើយោងតាមទូរទស្សន៍រដ្ឋចិន CCTV ។
លោក Xi Jinpingនិយាយពីបទពិសោធន៍ផ្ទាល់ខ្លួនលើការគ្រប់គ្រងពេលវេលាប្រាប់ទៅកាន់ក្រុមមន្ត្រីបក្សស្រុកថាលោកធ្លាប់ចូលគេងយប់ជ្រៅកាលពីពេលដែលលោកធ្វើជា លេខាធិការបក្សស្រុក។ ប៉ុន្តែក្រោយមកគាត់បានរកឃើញវាមិនមែនជាវិធីមួយប្រកបដោយនិរន្តរភាព ដើម្បីធ្វើការនិងជីវិតរស់នៅនោះទេ ហើយវាធ្វើឲ្យប៉ះពាល់ដល់សុខភាព របស់លោកទៀតផង។
លោកបាននិយាយថា៖ «ខ្ញុំធ្លាប់មិនដេករហូតពេញមួយយប់ជាញឹកញាប់ណាស់ហើយជាលទ្ធផលខ្ញុំក៏ឈឺធ្ងន់ក្នុងមួយខែម្ដង»។ លោកបានបន្ថែមថាក្រោយមកលោកបានសម្រេចចិត្តចូលដេកនៅក្នុងរង្វង់ម៉ោង ១២អធ្រាត្រវិញដោយទុកការងារដែលមិនទាន់បានបញ្ចប់សិន ទុកធ្វើនៅថ្ងៃបន្ទាប់ទៀត។
ប្រធានាធិបតីចិនរូបនេះក៏បានផ្ដល់ដំបូន្មានដល់យុវជនជំនាន់ក្រោយថា ពួកគេមិនគួរប្រញាប់ប្រញាល់ក្នុងការសំរេចក្តីសុបិន្តរបស់ខ្លួនពេកនោះទេ ដោយលោកបានបញ្ជាក់ថា ៖«អ្នកត្រូវតែមានចំណង់នៅចិត្តក្នុងដួងចិត្តជាជានិច្ច ប៉ុន្តែអ្នកក៏ត្រូវការពេលវេលារបស់អ្នកផងដែរ»៕
© រក្សាសិទ្ធិដោយ thmeythmey.com
