ជាតិ
ពីនេះ ពីនោះ
ហេតុអ្វីបានជាម្តាយក្មេក និងកូនប្រសាស្រីមិនសូវត្រូវគ្នា?
×
ក្នុងក្របខណ្ឌករណីពិសេស មានម្តាយក្មេក និងកូនប្រសាស្រីមួយចំនួនត្រូវគ្នាចាក់ទឹកមិនលិច។ ប៉ុន្តែជាទូទៅ ម្តាយក្មេក និងកូនប្រសាស្រីមិនសូវជាត្រូវគ្នាប៉ុន្មានទេ បើទោះជានៅក្នុងគ្រួសារអ្នកមាន ឬអ្នកក្រក៏ដោយ។
ហេតុអ្វីបានជាម្តាយក្មេក និងកូនប្រសាស្រីមិនសូវត្រូវគ្នា?
មានមូលហេតុមួយចំនួនដែលអាចពន្យល់ពីបញ្ហានេះបាន ក្នុងនោះមាន ទី១ ម្តាយក្មេកគិតថា កូនប្រុសរបស់ខ្លួនលែងសូវរវីរវល់នឹងគាត់ ក្រោយរៀបអាពាណ៍ពិពាណ៍។ ទី២ ក្រោយរៀបការ កូនប្រុសមិនសូវផ្តល់ថវិកាដល់ម្តាយ។ ទី៣ ម្តាយគិតថា ខំចិញ្ចឹមកូនអោយរៀនសូត្រ មានការងារធ្វើ មានប្រាក់ខែខ្ពស់ បែរជាកូនទៅចិញ្ចឹមប្រពន្ធវាវិញ។ ទី៤ ម្តាយក្មេកគិតថា កូនប្រុសរបស់ខ្លួនយកប្រាក់ខែទៅចិញ្ចឹមគ្រួសារខាងស្រីបន្តទៀត។ ទី៥ ម្តាយកូនប្រុសគិតថា កូនប្រសាស្រីមិនសូវចេះទុកដាក់ ឬខ្ជះខ្ជាយ។ ទី៦ ម្តាយកូនប្រុសគិតថា កូនប្រសាស្រីជាមនុស្សមិនសូវចេះគួរសម។
គំនិតរបស់កូនប្រសាស្រីវិញ គឺថា ទី១ ម្តាយក្មេកចែកកេមរតកមិនស្មើគ្នា។ ទី២ ម្តាយក្មេកស្រឡាញ់កូនស្រីបង្កើតរបស់ខ្លួនជាងកូនប្រុសដែលត្រូវជាស្វាមីខ្លួន។ ទី៣ ម្តាយក្មេក
ស្រឡាញ់ចៅមិនស្មើគ្នា មានន័យថា ម្តាយក្មេកមិនសូវស្រឡាញ់ចៅដែលជាកូនរបស់កូនប្រសាស្រី។ ទី ៤ ម្តាយក្មេកមិនជួយកិច្ចការ។ ទី៥ ម្តាយក្មេកទារតែលុយ។ ទី៦ ម្តាយក្មេកចរឹតមិនល្អនិយាយដើមកូនប្រសាស្រី និង ទី៧ ម្តាយក្មេកគិតតែពីដើរលេង គ្មានគិតពីគ្រួសារ។
ដោយសារ តែការគិតខុសគ្នាដូចអ្វីដែលបានរៀបរាប់ខាងលើនេះ ទើបម្តាយក្មេក និងកូនប្រសាស្រីមិនសូវត្រូវគ្នា៕
© រក្សាសិទ្ធិដោយ thmeythmey.com