ជាតិ
ពីនេះ ពីនោះ
រដ្ឋាភិបាលត្រូវប្រមែប្រមូលអ្នកចេះដឹងជាន់ខ្ពស់មកបម្រើការជូនរដ្ឋវិញ!
× ដោយសារតែប្រាក់ខែតិច ការដឹកនាំមិនល្អនៅតាមស្ថាប័ន បក្សពួកនិយមច្រើនពេក បញ្ញវន្តចេះដឹងជ្រៅជ្រះមូយចំនួនធំដែលទទួលបានសញ្ញបត្រពិតប្រាកដពីក្នុង និងក្រៅប្រទេសបានសម្រេចចិត្តមិនចូលធ្វើការបម្រើរដ្ឋ។ ពួកគេសុខចិត្តធ្វើការបម្រើវិស័យឯកជនក្នុង និងក្រៅប្រទេស បម្រើអង្គការក្នុង និងក្រៅប្រទេស។ រហូតមកដល់ពេលនេះ មានបញ្ញវន្តខ្មែរជាច្រើននាក់ហើយដែលបានចូលបម្រើការងាររដ្ឋមួយរយៈ តែក្រោយមកក៏រត់ចេញទៅវិស័យឯកជន ឬអង្គការក្រៅរដ្ឋាភិបាលវិញ។
ការមិនប្រមែប្រមូលធនធានមនុស្សពូកែៗ ឬការមិនរក្សាទុកធនធានមនុស្សគុណភាពសម្រាប់ជួយអភិវឌ្ឍប្រទេសខ្លួនឯង គឺជាកំហុសរបស់រដ្ឋ។ ការអភិវឌ្ឍន៍ សូម្បីតែផ្ទះតូចមួយ សហគមន៍តូចមួយ ក៏ត្រូវការធនធានមនុស្សប្រកបដោយគំនិតច្នៃប្រឌិតដែរ។
គ្មានធនធានមនុស្សល្អ មិនចាប់បាច់និយាយពីការអភិវឌ្ឍន៍ ឬការកសាងប្រទេសអោយជឿនលឿនទៅមុខបានឡើយ។ សរុបសេចក្តីមកវិញ រដ្ឋាភិបាលកម្ពុជា គួរគិតគូរឡើងវិញពីការប្រមែមូល«ធនធានបញ្ញវន្ត»អោយមកជួយកសាងប្រទេសឡើងវិញ៕
© រក្សាសិទ្ធិដោយ thmeythmey.com