អន្តរជាតិ
×![]()
ក្នុងរយៈពេល ៩០ ថ្ងៃកន្លងទៅនេះ ក្រុមហ៊ុន Apple បានលក់ទូរសព្ទស៊េរី iPhone អស់ជាង ៧៤,៥ លានគ្រឿង ដែលធ្វើឲ្យក្រុមហ៊ុនអាចរកប្រាក់ចំណូលបានប្រមាណជា ៧៤,៦ ពាន់លានដុល្លារ។ នេះបើយោងតាមការផ្សាយរបស់ CNBC ។
បើតាមទិន្នន័យប្រាក់ចំណូលរបស់ក្រុមហ៊ុន Apple គេអាចធ្វើការប៉ាន់ស្មានបានថា ក្នុងរយៈពេល ១ ថ្ងៃក្រុមហ៊ុនលក់ទូរសព្ទiPhone ជាមធ្យមបានចំនួន ៨២៧ ៧៧៨ គ្រឿងក្នុងមួយថ្ងៃៗ ដែលស្មើនឹងប្រាក់ចំណូលប្រមាណជាង ៨២៨ ៨៨៨ ៨៨៩ ដុល្លារក្នុងមួយថ្ងៃៗផងដែរ។ ប្រសិនបើគេធ្វើការគណនា ឲ្យកាន់តែលម្អិតជាងនេះទៀត គឺក្នុងរយៈពេល ១០ វិនាទី ក្រុមហ៊ុននេះ លក់ទូរសព្ទiPhone អស់ជាមធ្យម ១០ គ្រឿងដែលស្មើនឹងទឹកប្រាក់ប្រមាណជា ៩៥៩៤ ដុល្លារ។
របាយការណ៍ពីក្រុមហ៊ុនApple ក៏បានបង្ហាញផងដែរថា គិតមកដល់ពេលនេះខ្លួនមានសាច់ប្រាក់សុទ្ធនៅក្នុងដៃ ប្រមាណជា ១៧៨ ពាន់លានដុល្លារ ដែលទឹកប្រាក់នេះ អាចទិញក្រុមហ៊ុនបច្ចេកវិទ្យាធំៗចំនួន ១១ របស់អាមេរិកដូចជា Twitter, Box, Pandora, LinkedIn, Yahoo, AOL, Groupon, Zynga Inc., Shutterfly, Yelp, និង GoPro ជាដើម ដែលក្រុមហ៊ុនទាំងនេះ ត្រូវចំណាយទឹកប្រាក់តែ ៤៨ ពាន់លានដុល្លារគឺអាចទិញបានទាំងអស់៕
© រក្សាសិទ្ធិដោយ thmeythmey.com
