កីឡាជាតិ
ជាតិ
Hun Sen Cup៖ ក្រុមខ្លាំងណាខ្លះត្រូវឡើងទៅវគ្គ១/២តាមប៉ូលិស និងត្រាយអាស៊ី?
កីឡាកររបស់បឹងកេត ណាហ្គា ស្វាយរៀង និងភ្នំពេញក្រោន។ រូបថត CAM Photo Agency
×![]()
វគ្គជក់ចិត្តនៃពានរង្វាន់ Hun Sen Cup 2015 បានមកដល់ហើយ ដោយរកឃើញក្រុមចំនួន ២ មាន ត្រាយអាស៊ីភ្នំពេញ និង អគ្គស្នងការដ្ឋាននគរបាលជាតិ (ប៉ូលិស) មានកៅអីឡើងទៅវគ្គពាក់កណ្ដាលផ្ដាច់ព្រ័ត្រ មុនគេ បន្ទាប់ពីរកឃើញជ័យជម្នះដូចគ្នាកាលពីម្សិលមិញនៅកីឡដ្ឋានខេត្តស្វាយរៀង ស្របពេលថ្ងៃនេះក្រុមខ្លាំងចំនួន ៤ មានភ្នំពេញក្រោន, បឹងកេតអង្គរ, ស្វាយរៀង និង ណាហ្គាវើល ត្រូវមាន២ ធ្លាក់ចេញពីវគ្គ ១/៤ នេះ។
ម្ចាស់ការពារតំណែងជើងឯក ប៉ូលិស និង ត្រាយអាស៊ី ឡើងទៅជួបគ្នានៅវគ្គ១/២
សរុបលទ្ធផលវគ្គជម្រុះ ៨ ក្រុមចុងក្រោយម្សិលមិញ ក្រុមជើងឯកឆ្នាំចាស់ អគ្គស្នងការដ្ឋាននគរបាលជាតិ បានយកឈ្នះក្រុមជើងឯករង បៀលប្រាយយូណាយធិត ៣ ទល់ ១ ហើយគូបន្ទាប់ក្រុមត្រាយអាស៊ីភ្នំពេញ ឈ្នះក្រុម Albirex Niigata Phnom Penh ដោយលទ្ធផល ២ ទល់ ០។
ទិត្យ ឌីណា បានស៊ុតបាល់ប៉េណាល់ទីនាំមុខសម្រាប់ក្រុមប៉ូលិសនៅនាទី ទី១០ ហើយ រ៉ឺង ប៊ុនហៀង តាមស្មើសម្រាប់បៀលប្រាយវិញនៅនាទី ទី៤១។ ប៉ូលិសបង្កើតគ្រាប់បាល់បញ្ចូលទីពីរទៀតដែលសម្រេចបានដោយ លី អារីហ្វីន នៅក្នុងនាទីបន្ថែមតង់ទីមួយ និងស្រី ឧត្តម នៅពាក់កណ្តាលតង់ទីពីរ។ រីឯជ័យជម្នះ ២-០ របស់ត្រាយអាស៊ី លើអាល់ប៊ីរិច សម្រេចបានដោយ តាំង សុភក្ត្រ និង សួង វិរៈ នៅដើម និងចុងតង់ទីពីរ។
ក្រុមខ្លាំងទើបដូរឈ្មោះខាងចុង ២ ត្រូវប៉ះគ្នាស្វែងរកហ៊ុងស៊ុយ
ក្រុមចម្ការកៅស៊ូបឹងកេត ទើបប្ដូរឈ្មោះទៅជាបឹងកេតអង្គរ ត្រូវប៉ះក្រុមណាហ្គាខប ដែលប្ដូរឈ្មោះទៅជាណាហ្គាវើល នៅវេលាម៉ោង ៤ ល្ងាចថ្ងៃទី ១ កុម្ភៈ នេះ លើកីឡដ្ឋានខេត្តស្វាយរៀង ដោយមានផ្សាយផ្ទាល់តាមប៉ុស្ដិ៍ទូរទស្សន៍ BTV។
សម្រាប់ក្រុមបឹងកេតអង្គរ នេះជាលើកទី៤ ហើយដែលបង្ហាញមុខក្នុងពានរង្វាន់លំដាប់ទី២ ក្នុងស្រុកមួយនេះ ដោយឆ្នាំ ២០១២ ជាការចូលរួមលើកដំបូងតែធ្លាក់ត្រឹមវគ្គជម្រុះតាមពូល ហើយឆ្នាំបន្ទាប់ធ្លាក់ត្រឹមវគ្គ ៨ក្រុមចុងក្រោយ បន្ទាប់ពីចាញ់ភ្នំពេញក្រោន ១ ទល់ ០ និង ឆ្នាំ២០១៤ កន្លងទៅឈរចំណាត់ថ្នាក់លេខ ៣ ក្រោយឈ្នះក្រុមណាហ្គាខប ៣ ទល់ ០។ លោក John Mcglynn គ្រូបង្វឹកថ្មី ដឹកនាំឈ្នះទាំង ៣ ប្រកួតនៅវគ្គជម្រុះតាមពូល ដោយឈ្នះទាំងក្រសួងការពារជាតិ, ភ្នំពេញក្រោន និង ខេត្តបាត់ដំបង។
ចំណែកណាហ្គាវើល វិញជាក្រុមដែលធ្លាប់ឡើងទៅវគ្គផ្ដាច់ព្រ័ត្រ ច្រើនជាងគេបង្អស់គិតតាំងពីពានរង្វាន់នេះបង្កើតឡើងនៅឆ្នាំ ២០០៧ ពោលគឺ ៧ លើកដោយក្នុងនោះឈ្នះជើងឯក ១ លើកនៅឆ្នាំ ២០១៣ និង ជើងឯករង ៣ លើក នៅឆ្នាំ ២០០៧, ២០០៩ និង ២០១២ ស្របពេលតំណែងលេខ ៣ ធ្លាប់ឈ្នះនៅឆ្នាំ ២០១១ និង ឈរចំណាត់ថ្នាក់លេខ ៤ ចំនួន ២ លើកនៅឆ្នាំ ២០១០ និង ២០១៤។ លោក មាស ចាន់ណា ទើបតែដំឡើងតំណែងពីគ្រូជំនួយ ទៅជាគ្រូធំ កំពុងមានឥទ្ធិពលលើកូនក្រុមជាខ្លាំង ព្រមទាំងជួយក្រុមឱ្យឆ្លងផុតវគ្គជម្រុះតាមពូល។
ម្ចាស់ជើងឯក ២ សម័យកាល ប៉ះគ្នារកកៅអីវគ្គបន្ទាប់
គូបន្ទាប់ ក្រុមម្ចាស់ផ្ទះ ខេត្តស្វាយរៀង ដែលធ្លាប់ឈ្នះជើងឯកពានរង្វាន់នេះ ២ សម័យកាល គឺនៅឆ្នាំ ២០១១ និង ២០១២ ត្រូវជួបក្រុមជើងខ្លាំងភ្នំពេញក្រោន ដែលធ្លាប់ឈ្នះពាន ២ សម័យកាលដូចគ្នា នៅឆ្នាំ ២០០៨ និង ២០០៩ វេលាម៉ោង ៦ ល្ងាច ព្រមទាំងមានផ្សាយផ្ទាល់តាមប៉ុស្ដិ៍ BTV ផងដែរ។
លោក សំ វ៉ាន់ដេត គ្រូបង្វឹកក្រុមខេត្តស្វាយរៀង កំពុងតែមានសំទុះទឹកចិត្តខ្លាំងព្រោះការប្រកួតនេះធ្វើឡើងនៅទឹកដីរបស់ខ្លួន ព្រមទាំងមានអ្នកគាំទ្រផ្ទាល់ជាច្រើននៅទីនោះ។ កីឡាករ ប្រាក់ មុន្នីឧត្តម, ជា សំណាង, ហួយ ផល្លីន, ផានី អ៊ីរដ្ឋា, សំអឿន ពិដោ, អាំ សុវណ្ណរ៉ាត់, នេន សុធារ័ត្ន, ឡាយ រស្មី, មូល ដារ៉ាវ័ន្ត សុទ្ធសឹងធ្លាប់ជួយក្រុមដណ្ដើមបានជ័យជម្នះនាពេលកន្លងមក។ស្វាយរៀង ជាក្រុមរកគ្រាប់បាល់បានច្រើនជាងគេនៅវគ្គជម្រុះតាមពូល ដោយ ៣ ប្រកួតរកបាន ៣០គ្រាប់ និង របូតតែ ២ គ្រាប់ប៉ុណ្ណោះ។
ចំណែកក្រុមភ្នំពេញក្រោន វិញទោះអវត្ថមានកីឡាករ ៤ នាក់ដែលអ្នកគាំទ្រមួយចំនួនគិតថាជាតួសំខាន់យ៉ាងណាក៏ដោយ តែលោក Samuel Schweingruber គ្រូបង្វឹកហាក់មិនចាញ់ប្រៀបគូប្រកួតនោះទេ ដោយប្រកួតបើកវគ្គជម្រុះជម្រុះតាមពូលឈ្នះ ក្រុមក្រសួងការពារជាតិ ៤ ទល់ ០, ឈ្នះក្រុមខេត្តបាត់ដំបង ១៥ ទល់ ០ តែចាញ់បឹងកេតអង្គរ ១ ទល់ ០ ។ កីឡាករ ធារី ចន្ថាប៊ីន, សុះ ស៊ូហាណា, ឡេង មករា, កុក បូរីស, អ៊ុក សុធី, យុគ អៈរី និង វ៉ា ឃ្វីនទីន សុទ្ធតែជាកូនកូនសោសំខាន់ នាពេលកន្លងមក។
តើក្រុម ២ ណាមានឱកាសឡើងទៅវគ្គពាក់កណ្ដាលផ្ដាច់ព្រ័ត្រ នៅឆ្នាំ ២០១៥ នេះ?
សកម្មភាពប្រកួតកាលពីម្សិលមិញ៖
អគ្គស្នងការដ្ឋាននគរបាលជាតិ ៣-១ បៀលប្រាយយូណាយធីត
ត្រាយអាស៊ី ២-០ អាល់ប៊ីរិចនីហ្គាតា
ម្ចាស់ការពារតំណែងជើងឯក ប៉ូលិស និង ត្រាយអាស៊ី ឡើងទៅជួបគ្នានៅវគ្គ១/២
សរុបលទ្ធផលវគ្គជម្រុះ ៨ ក្រុមចុងក្រោយម្សិលមិញ ក្រុមជើងឯកឆ្នាំចាស់ អគ្គស្នងការដ្ឋាននគរបាលជាតិ បានយកឈ្នះក្រុមជើងឯករង បៀលប្រាយយូណាយធិត ៣ ទល់ ១ ហើយគូបន្ទាប់ក្រុមត្រាយអាស៊ីភ្នំពេញ ឈ្នះក្រុម Albirex Niigata Phnom Penh ដោយលទ្ធផល ២ ទល់ ០។
ទិត្យ ឌីណា បានស៊ុតបាល់ប៉េណាល់ទីនាំមុខសម្រាប់ក្រុមប៉ូលិសនៅនាទី ទី១០ ហើយ រ៉ឺង ប៊ុនហៀង តាមស្មើសម្រាប់បៀលប្រាយវិញនៅនាទី ទី៤១។ ប៉ូលិសបង្កើតគ្រាប់បាល់បញ្ចូលទីពីរទៀតដែលសម្រេចបានដោយ លី អារីហ្វីន នៅក្នុងនាទីបន្ថែមតង់ទីមួយ និងស្រី ឧត្តម នៅពាក់កណ្តាលតង់ទីពីរ។ រីឯជ័យជម្នះ ២-០ របស់ត្រាយអាស៊ី លើអាល់ប៊ីរិច សម្រេចបានដោយ តាំង សុភក្ត្រ និង សួង វិរៈ នៅដើម និងចុងតង់ទីពីរ។
ក្រុមខ្លាំងទើបដូរឈ្មោះខាងចុង ២ ត្រូវប៉ះគ្នាស្វែងរកហ៊ុងស៊ុយ
ក្រុមចម្ការកៅស៊ូបឹងកេត ទើបប្ដូរឈ្មោះទៅជាបឹងកេតអង្គរ ត្រូវប៉ះក្រុមណាហ្គាខប ដែលប្ដូរឈ្មោះទៅជាណាហ្គាវើល នៅវេលាម៉ោង ៤ ល្ងាចថ្ងៃទី ១ កុម្ភៈ នេះ លើកីឡដ្ឋានខេត្តស្វាយរៀង ដោយមានផ្សាយផ្ទាល់តាមប៉ុស្ដិ៍ទូរទស្សន៍ BTV។
សម្រាប់ក្រុមបឹងកេតអង្គរ នេះជាលើកទី៤ ហើយដែលបង្ហាញមុខក្នុងពានរង្វាន់លំដាប់ទី២ ក្នុងស្រុកមួយនេះ ដោយឆ្នាំ ២០១២ ជាការចូលរួមលើកដំបូងតែធ្លាក់ត្រឹមវគ្គជម្រុះតាមពូល ហើយឆ្នាំបន្ទាប់ធ្លាក់ត្រឹមវគ្គ ៨ក្រុមចុងក្រោយ បន្ទាប់ពីចាញ់ភ្នំពេញក្រោន ១ ទល់ ០ និង ឆ្នាំ២០១៤ កន្លងទៅឈរចំណាត់ថ្នាក់លេខ ៣ ក្រោយឈ្នះក្រុមណាហ្គាខប ៣ ទល់ ០។ លោក John Mcglynn គ្រូបង្វឹកថ្មី ដឹកនាំឈ្នះទាំង ៣ ប្រកួតនៅវគ្គជម្រុះតាមពូល ដោយឈ្នះទាំងក្រសួងការពារជាតិ, ភ្នំពេញក្រោន និង ខេត្តបាត់ដំបង។
ចំណែកណាហ្គាវើល វិញជាក្រុមដែលធ្លាប់ឡើងទៅវគ្គផ្ដាច់ព្រ័ត្រ ច្រើនជាងគេបង្អស់គិតតាំងពីពានរង្វាន់នេះបង្កើតឡើងនៅឆ្នាំ ២០០៧ ពោលគឺ ៧ លើកដោយក្នុងនោះឈ្នះជើងឯក ១ លើកនៅឆ្នាំ ២០១៣ និង ជើងឯករង ៣ លើក នៅឆ្នាំ ២០០៧, ២០០៩ និង ២០១២ ស្របពេលតំណែងលេខ ៣ ធ្លាប់ឈ្នះនៅឆ្នាំ ២០១១ និង ឈរចំណាត់ថ្នាក់លេខ ៤ ចំនួន ២ លើកនៅឆ្នាំ ២០១០ និង ២០១៤។ លោក មាស ចាន់ណា ទើបតែដំឡើងតំណែងពីគ្រូជំនួយ ទៅជាគ្រូធំ កំពុងមានឥទ្ធិពលលើកូនក្រុមជាខ្លាំង ព្រមទាំងជួយក្រុមឱ្យឆ្លងផុតវគ្គជម្រុះតាមពូល។
ម្ចាស់ជើងឯក ២ សម័យកាល ប៉ះគ្នារកកៅអីវគ្គបន្ទាប់
គូបន្ទាប់ ក្រុមម្ចាស់ផ្ទះ ខេត្តស្វាយរៀង ដែលធ្លាប់ឈ្នះជើងឯកពានរង្វាន់នេះ ២ សម័យកាល គឺនៅឆ្នាំ ២០១១ និង ២០១២ ត្រូវជួបក្រុមជើងខ្លាំងភ្នំពេញក្រោន ដែលធ្លាប់ឈ្នះពាន ២ សម័យកាលដូចគ្នា នៅឆ្នាំ ២០០៨ និង ២០០៩ វេលាម៉ោង ៦ ល្ងាច ព្រមទាំងមានផ្សាយផ្ទាល់តាមប៉ុស្ដិ៍ BTV ផងដែរ។
លោក សំ វ៉ាន់ដេត គ្រូបង្វឹកក្រុមខេត្តស្វាយរៀង កំពុងតែមានសំទុះទឹកចិត្តខ្លាំងព្រោះការប្រកួតនេះធ្វើឡើងនៅទឹកដីរបស់ខ្លួន ព្រមទាំងមានអ្នកគាំទ្រផ្ទាល់ជាច្រើននៅទីនោះ។ កីឡាករ ប្រាក់ មុន្នីឧត្តម, ជា សំណាង, ហួយ ផល្លីន, ផានី អ៊ីរដ្ឋា, សំអឿន ពិដោ, អាំ សុវណ្ណរ៉ាត់, នេន សុធារ័ត្ន, ឡាយ រស្មី, មូល ដារ៉ាវ័ន្ត សុទ្ធសឹងធ្លាប់ជួយក្រុមដណ្ដើមបានជ័យជម្នះនាពេលកន្លងមក។ស្វាយរៀង ជាក្រុមរកគ្រាប់បាល់បានច្រើនជាងគេនៅវគ្គជម្រុះតាមពូល ដោយ ៣ ប្រកួតរកបាន ៣០គ្រាប់ និង របូតតែ ២ គ្រាប់ប៉ុណ្ណោះ។
ចំណែកក្រុមភ្នំពេញក្រោន វិញទោះអវត្ថមានកីឡាករ ៤ នាក់ដែលអ្នកគាំទ្រមួយចំនួនគិតថាជាតួសំខាន់យ៉ាងណាក៏ដោយ តែលោក Samuel Schweingruber គ្រូបង្វឹកហាក់មិនចាញ់ប្រៀបគូប្រកួតនោះទេ ដោយប្រកួតបើកវគ្គជម្រុះជម្រុះតាមពូលឈ្នះ ក្រុមក្រសួងការពារជាតិ ៤ ទល់ ០, ឈ្នះក្រុមខេត្តបាត់ដំបង ១៥ ទល់ ០ តែចាញ់បឹងកេតអង្គរ ១ ទល់ ០ ។ កីឡាករ ធារី ចន្ថាប៊ីន, សុះ ស៊ូហាណា, ឡេង មករា, កុក បូរីស, អ៊ុក សុធី, យុគ អៈរី និង វ៉ា ឃ្វីនទីន សុទ្ធតែជាកូនកូនសោសំខាន់ នាពេលកន្លងមក។
តើក្រុម ២ ណាមានឱកាសឡើងទៅវគ្គពាក់កណ្ដាលផ្ដាច់ព្រ័ត្រ នៅឆ្នាំ ២០១៥ នេះ?
សកម្មភាពប្រកួតកាលពីម្សិលមិញ៖
អគ្គស្នងការដ្ឋាននគរបាលជាតិ ៣-១ បៀលប្រាយយូណាយធីត
ត្រាយអាស៊ី ២-០ អាល់ប៊ីរិចនីហ្គាតា
© រក្សាសិទ្ធិដោយ thmeythmey.com
