កីឡាជាតិ
ជាតិ
×![]()
កម្ពុជា នឹងបញ្ជូនកីឡាចំនួន ៣ ប្រភេទក្នុងចំណោម ២៣ ប្រភេទដែលត្រៀមដាក់ឱ្យចូលរួមប្រកួតក្នុងព្រឹត្តិការណ៍កីឡាស៊ីហ្គេមឆ្នាំ ២០១៥ នៅប្រទេសសិង្ហបុរី នាខែមិថុនាខាងមុខ ទៅហ្វឹកហាត់នៅក្រៅប្រទេសដើម្បីបង្កើនសមត្ថភាពត្រៀមប្រជែងយកមេដាយជូនជាតិមាតុភូមិ។
យោងតាមប្រភពមកពីមន្ត្រីរបស់មជ្ឈមណ្ឌលជាតិហ្វឹកហ្វឺនកីឡា បានឲ្យដឹងថាកីឡាទាំង ៣ប្រភេទនោះមាន សីប៉ាក់តាក្រ, ទ្រីយ៉ាត្លុង និង វាយកូនបាល់ ដោយមានកីឡាករកីឡាការិនី សរុបចំនួន ២១ នាក់។
ចំពោះកីឡាសីប៉ាក់តាក្រ នឹងបញ្ជូនកីឡាករ-កីឡាការិនី សរុបចំនួន១០នាក់ទៅហ្វឹកហាត់នៅប្រទេសមីយ៉ាន់ម៉ា ហើយក្រសួងអប់រំយុវជន និងកីឡា ជួយឧបត្ថម្ភសំបុត្រយន្តហោះ និងប្រាក់ប្រចាំខែដល់ពូកគេនៅទីនោះ។
ចំណែកកីឡាទ្រីយ៉ាត្លុង (ហែលទឹក-រត់ ជិះកង់) នឹងចេញទៅហ្វឹកហាត់នៅខេត្ត Rayong ប្រទេសថៃរយៈពេល ១ ខែ ចាប់ពីថ្ងៃទី១ ដល់ ២៧ ខែ មីនា ឆ្នាំ ២០១៥ ដោយមានកីឡាករចំនួន ៦ នាក់ ក្រោមការផ្ដល់ប្រាក់ឧបត្ថម្ភប្រាក់ប្រចាំខែពីក្រសួងអប់រំយុវជននិងកីឡា។ នៅចុងខែ មីនា កីឡាករកម្ពុជា នឹងធ្វើតេស្ដក្នុងកម្មវិធីប្រកួតខ្នាតអន្តរជាតិ នៅទីនោះដើម្បីវាស់ស្ទង់ពីសមត្ថភាពរបស់ខ្លួន។
សម្រាប់ប្រភេទកីឡាវាយកូនបាល់ វិញនឹងបញ្ជូនកីឡាកររបស់ខ្លួនទៅក្រៅប្រទេសចំនួន៦ រូបដោយក្នុងនោះមានម្នាក់ទៅហាត់រយៈពេល២ខែនៅសហរដ្ឋអាមេរិក ម្នាក់ទៅហាត់ និងប្រកួតរយៈពេល២០ថ្ងៃនៅប្រទេសស្រីលង្កា និង ៣នាក់ដែលជាឈុតយុវជន ចេញទៅប្រកួតនៅប្រទេសវៀតណាម។
សព្វថ្ងៃកម្ពុជា កំពុងប្រមូលផ្ដុំកីឡាចំនួន ២៣ប្រភេទដែលមានកីឡាករកីឡាការិនីសរុបចំនួន៣៩២គ្រូបង្វឹក និង គ្រូជំនួយ៦២នាក់ និង អនុរក្ស ២៦នាក់រយៈពេល៥ខែដើម្បីហ្វឹកហាត់ត្រៀមចេញទៅបង្ហាញខ្លួនក្នុងកីឡាស៊ីហ្គេមលើកទី ២៨ នេះ។ មិនខុសពីលើកមុនទេការប្រមូលផ្ដុំនេះចែកចេញជា ៣ ដំណាក់កាលគឺដំណាក់កាលហាត់កម្លាំង ដំណាក់កាលហាត់បច្ចេកទេស និង ដំណាក់កាលហាត់កលល្បិច ។
ព្រឹត្តិការណ៍កីឡាស៊ីហ្គេមដែលប្រទេសសិង្ហបុរីធ្វើជាម្ចាស់ផ្ទះនេះ នឹងចាប់ផ្តើមពីថ្ងៃទី៥ ដល់ថ្ងៃទី១៦ ខែមិថុនា ឆ្នាំ២០១៥ ដែលបើកឱ្យមានប្រភេទកីឡាចំនួន៣៦ ចូលប្រកួតប្រជែងលើ ៤០២ វិញ្ញាសា ស្មើនឹង ៤០២ មេដាយមាស៕
យោងតាមប្រភពមកពីមន្ត្រីរបស់មជ្ឈមណ្ឌលជាតិហ្វឹកហ្វឺនកីឡា បានឲ្យដឹងថាកីឡាទាំង ៣ប្រភេទនោះមាន សីប៉ាក់តាក្រ, ទ្រីយ៉ាត្លុង និង វាយកូនបាល់ ដោយមានកីឡាករកីឡាការិនី សរុបចំនួន ២១ នាក់។
ចំពោះកីឡាសីប៉ាក់តាក្រ នឹងបញ្ជូនកីឡាករ-កីឡាការិនី សរុបចំនួន១០នាក់ទៅហ្វឹកហាត់នៅប្រទេសមីយ៉ាន់ម៉ា ហើយក្រសួងអប់រំយុវជន និងកីឡា ជួយឧបត្ថម្ភសំបុត្រយន្តហោះ និងប្រាក់ប្រចាំខែដល់ពូកគេនៅទីនោះ។
ចំណែកកីឡាទ្រីយ៉ាត្លុង (ហែលទឹក-រត់ ជិះកង់) នឹងចេញទៅហ្វឹកហាត់នៅខេត្ត Rayong ប្រទេសថៃរយៈពេល ១ ខែ ចាប់ពីថ្ងៃទី១ ដល់ ២៧ ខែ មីនា ឆ្នាំ ២០១៥ ដោយមានកីឡាករចំនួន ៦ នាក់ ក្រោមការផ្ដល់ប្រាក់ឧបត្ថម្ភប្រាក់ប្រចាំខែពីក្រសួងអប់រំយុវជននិងកីឡា។ នៅចុងខែ មីនា កីឡាករកម្ពុជា នឹងធ្វើតេស្ដក្នុងកម្មវិធីប្រកួតខ្នាតអន្តរជាតិ នៅទីនោះដើម្បីវាស់ស្ទង់ពីសមត្ថភាពរបស់ខ្លួន។
សម្រាប់ប្រភេទកីឡាវាយកូនបាល់ វិញនឹងបញ្ជូនកីឡាកររបស់ខ្លួនទៅក្រៅប្រទេសចំនួន៦ រូបដោយក្នុងនោះមានម្នាក់ទៅហាត់រយៈពេល២ខែនៅសហរដ្ឋអាមេរិក ម្នាក់ទៅហាត់ និងប្រកួតរយៈពេល២០ថ្ងៃនៅប្រទេសស្រីលង្កា និង ៣នាក់ដែលជាឈុតយុវជន ចេញទៅប្រកួតនៅប្រទេសវៀតណាម។
សព្វថ្ងៃកម្ពុជា កំពុងប្រមូលផ្ដុំកីឡាចំនួន ២៣ប្រភេទដែលមានកីឡាករកីឡាការិនីសរុបចំនួន៣៩២គ្រូបង្វឹក និង គ្រូជំនួយ៦២នាក់ និង អនុរក្ស ២៦នាក់រយៈពេល៥ខែដើម្បីហ្វឹកហាត់ត្រៀមចេញទៅបង្ហាញខ្លួនក្នុងកីឡាស៊ីហ្គេមលើកទី ២៨ នេះ។ មិនខុសពីលើកមុនទេការប្រមូលផ្ដុំនេះចែកចេញជា ៣ ដំណាក់កាលគឺដំណាក់កាលហាត់កម្លាំង ដំណាក់កាលហាត់បច្ចេកទេស និង ដំណាក់កាលហាត់កលល្បិច ។
ព្រឹត្តិការណ៍កីឡាស៊ីហ្គេមដែលប្រទេសសិង្ហបុរីធ្វើជាម្ចាស់ផ្ទះនេះ នឹងចាប់ផ្តើមពីថ្ងៃទី៥ ដល់ថ្ងៃទី១៦ ខែមិថុនា ឆ្នាំ២០១៥ ដែលបើកឱ្យមានប្រភេទកីឡាចំនួន៣៦ ចូលប្រកួតប្រជែងលើ ៤០២ វិញ្ញាសា ស្មើនឹង ៤០២ មេដាយមាស៕
© រក្សាសិទ្ធិដោយ thmeythmey.com
អ្នកមានកុំអរ អ្នកក្រកុំភ័យ…
ទស្សនៈ 20 ម៉ោង
