សហព័ន្ធកីឡាបាល់ឱបត្រៀមកីឡាករ ១០ រូបប្រកួត Sea Game នៅសិង្ហបុរី

កីឡាជាតិ

ជាតិ

សហព័ន្ធកីឡាបាល់ឱបត្រៀមកីឡាករ ១០ រូបប្រកួត Sea Game នៅសិង្ហបុរី

09, Feb 2015 , 6:02 pm

រូបភាព

ដោយ: ថ្មីៗ

ភ្នំពេញ៖ សហព័ន្ធកីឡាបាល់ឱបកម្ពុជា (Cambodia Federation Rugby) នឹងចម្រាញ់យក កីឡាករបាល់ឱបជ្រើសរើសជាតិចំនួន ១០នាក់ ដើម្បីចេញទៅប្រកួតកីឡា Sea Game 2015 នៅអំឡុងខែមិថុនា ក្នុងប្រទេសសិង្ហបុរី។

បន្ទាប់ពីពិធីបើកការប្រកួតរដូវកាលទី៥ នៅទីលានបញ្ជាការរដ្ឋានកងទ័ពជើងទឹកជ្រោយ ចង្វារ នាថ្ងៃទី៨ ម្សិលមិញនេះ លោក ខេង សុភាព អនុប្រធានសហព័ន្ធកីឡាបាល់ឱបកម្ពុជា បានប្រាប់ថា ការប្រកួតរដូវកាលថ្មីដែលរៀបចំឡើងដោយសហព័ន្ធកីឡាបាល់ឱបកម្ពុជា (CFR) នេះ មានគោលបំណងជ្រើសរើសកីឡាករជម្រើសជាតិចំនួន ១០នាក់ដែលមាន កម្លាំងរឹងមាំ និងស្វាហាប់ ដើម្បីទៅចូលរួម Sea game។

ក្រោយពីសង្កេតឃើញការប្រកួតប្រជែងហើយនោះ លោក សុភាព បន្តថា ការប្រកួតរដូវ កាលថ្មីនេះ កីឡាករបាល់ឱបកម្ពុជាមានភាពស្វាហាប់ច្រើន។ លោកលើកឡើងថា ប្រសិនបើ មានអ្នកជួយឧបត្ថម្ភច្រើនជាងមុននោះ កីឡាបាល់ឱបកម្ពុជានឹងមានការរីកចម្រើន ។

ជាមួយគ្នានេះដែរ លោក ហ្វីលីព ម៉ូណាំង (Philippe MONNIN) ជាទីប្រឹក្សា និងគ្រូបង្វឹកកីឡា បាល់ឱបកម្ពុជា បាននិយាយថា បច្ចុប្បន្ននេះ កីឡាករបាល់ឱបកម្ពុជាមានភាព រហួសរហួនល្អប្រសើរ។ ទន្ទឹមនឹងការប្រកួតរដូវកាលទី៥ ដើម្បីត្រៀមកីឡាចូលប្រកួត Sea Game នៅខែមិថុនា ខាងមុខនេះ លោក ហ្វីលីព រំពឹងទុកថា កីឡាករកម្ពុជានឹងអាចប្រកួត យកឈ្នះកីឡាករ បាល់ឱបប្រទេសអាស៊ានដទៃផងដែរ៕