ជាតិ
ពីនេះ ពីនោះ
តើពាក្យ «បន្ទោះ, បន្ទោស» ប្រើខុសគ្នាយ៉ាងដូចម្តេច?
×
មនុស្សមួយចំនួន សរសេរពាក្យទាំងពីរនេះ ដោយច្រឡំគ្នាមិនដឹងថា ពាក្យណាមួយប្រើក្នុងន័យមួយណានោះឡើយ។ តាមពិតនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យទាំងពីរនេះចែកដាច់ពីគ្នា គឺប្រើក្នុងន័យផ្សេងគ្នា។
ទី១. ពាក្យ «បន្ទោះ» ជានាម មានន័យថា ចម្រៀកផ្តៅ ឬ ឬស្សីដែលពុះ, ដែលច្រៀករួចបិតនឹងកាំបិតបន្ទោះ សម្រាប់ត្បាញ, សម្រាប់ក្រង។ ឧទាហារណ៍៖ បន្ទោះល្អី, បន្ទោះលប។ ល។
ទី២. ពាក្យ «បន្ទោស» ជាកិរិយាសព្ទ មានន័យថា ស្តីឲ្យដោយគ្រាន់តែប្រាប់ទោសកំហុសឥតមានជេរវាយឬធ្វើទោសអ្វីទេ។ ឧទាហរណ៍៖ ម្តាយបន្ទោសកូន ៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com