ជាតិ
ពីនេះ ពីនោះ
តើពាក្យ «ទោះ, ទោស» ប្រើខុសគ្នាយ៉ាងដូចម្តេច?
×
មនុស្សមួយចំនួន សរសេរពាក្យទាំងពីរនេះ ដោយច្រឡំគ្នាមិនដឹងថា ពាក្យណាមួយប្រើក្នុងន័យមួយណានោះឡើយ។ តាមពិតនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យទាំងពីរនេះចែកដាច់ពីគ្នា គឺប្រើក្នុងន័យផ្សេងគ្នា។
ទី១. ពាក្យ «ទោះ» មានន័យថា ទុកជា, បើទុកជា, បើជា។ ឧទាហរណ៍៖ បើទោះជាល្អក្តី អាក្រក់ក្តី, ទោះខ្ញុំបានមកក្តី មិនមានមកក្តី។ ល។
ទី២. ពាក្យ «ទោស» មានន័យថា ការប្រទូស្ត, កំហឹង, សម្អប់, កំហុស។ ឧទាហរណ៍៖ មានទោសធ្ងន់, មនុស្សមានទោស កុំយកខ្លួនបៀត។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com