ជាតិ
×![]()
ភ្នំពេញ៖ ក្រោយពីឈានជើងចូលប្រឡូកក្នុងវិស័យសិល្បៈកាលពីដើមឆ្នាំ ២០១៣ អ្នកចម្រៀងវ័យក្មេង រូបសម្បត្តិស្រស់សោភា កញ្ញា ធី ស្រីពៅ បើទោះបីជានៅមិនទាន់មានទ្រនំបានច្រៀងនៅឡើយ ប៉ុន្តែនាងត្រូវបានមហាជនទទួលស្គាល់តាមរយៈទឹកដមសម្លេងដ៏ក្រអូនក្រអៅ ដែលជាអំណោយពីធម្មជាតិ ទើបជំរុញឲ្យអ្នកចម្រៀងស្រស់សោភារូបនេះលេចធ្លោក្នុងរយៈពេលមួយដ៏ខ្លី។
អ្នកចម្រៀងថ្មោងថ្មីកញ្ញាធីស្រីពៅដែលទើបបន្សាត់ខ្លួនចូលប្រឡូកក្នុងវិស័យសិល្បៈបានជាងកន្លះឆ្នាំមកនេះកំពុងទទួលបានការចាប់អារម្មណ៍ពីមហាជនគួរឲ្យកត់សម្គាល់ជាមួយនឹងទឹកដមសម្លេងបូករួមទាំងរូបសម្ផស្សដ៏ស្រស់ផូរផង់បានស្ទួយឲ្យអ្នកចម្រៀងរាត្រីរូបនេះកាន់តែទទួលបានភាពលេចធ្លោក្នុងរយៈពេលមួយយ៉ាងឆាប់រហ័សក្នុងសង្គមសិល្បៈដែលពោរពេញទៅដោយភាពប្រកួតប្រជែងនេះ។
ស្រីពៅបានឲ្យដឹងថានាងមានចំណង់ចំណូលចិត្តលើវិស័យចម្រៀងតាំងពីតូចខណៈបងស្រីនាងក៏ជាតារាចម្រៀងម្នាក់ផងដែរទើបនាងមានឱកាសបានដើរលើគន្លងនេះបន្ទាប់ពីបោះបង់ការសិក្សាត្រឹមថ្នាក់ទី១២នៅវិទ្យាល័យឥន្ទ្រទេវីនាឆ្នាំ២០១0។កញ្ញា ធី ស្រីពៅ បានប្រាប់ពីនិស្ស័យ និងចំណង់ចំណូលចិត្តរបស់នាងចំពោះវិស័យចម្រៀងថា នាងចូលចិត្តច្រៀង តាំងតែពីនៅអាយុ៨ឆ្នាំម្លេះ ខណៈពេលដែលមានស្រីនាងម្នាក់ ក៏ចូលចិត្តច្រៀងលេងជាមួយនាងដែរ។ ហេតុផលទាំងនេះ បានជម្រុញ និងនាំឲ្យស្រីស្រស់រូបនេះកាន់តែងប់ងុលនឹងច្រៀងពីមួយថ្ងៃទៅមួយថ្ងៃ រហូតក្លាយជាអ្នកចម្រៀងម្នាក់ ក្នុងគ្រាដែលនាងពេញវ័យ។
អ្នកចម្រៀងដែលមានប្រភពមកពីខេត្តព្រៃវែងធីស្រីពៅបាននិយាយបន្តឲ្យដឹងថាសព្វថ្ងៃនាងកំពុងច្រៀងនៅក្នុងភោជនីយដ្ឋានសុខាពីរនាក់បងស្រីរបស់នាងឈ្មោះធីណាតា។ ធី ស្រីពៅ បញ្ជាក់ឲ្យដឹងថា បទចម្រៀងដែលនាងលើកយកមកច្រៀងនៅក្នុងពេលរាត្រីនៅភោជនីដ្ឋាន សុខា នោះ គឺនាងចូលចិត្តលើយកបទចម្រៀងរបស់កញ្ញាមាសសុខសោភា មកច្រៀង។បើទោះបីជាទឹកដមសម្លេងនៅមានកម្រិតមិនពីរោះដូចម្ចាស់ដើមយ៉ាងណាក៏ដោយប៉ុន្តែនាងទទួលបានការកោតសរសើរពីបណ្តាភ្ញៀវមួយចំនួនផងដែរ៕
© រក្សាសិទ្ធិដោយ thmeythmey.com
