ជាតិ
ពីនេះ ពីនោះ
ធ្វើជាបុគ្គលិកបែបណា ទើបធ្វើការងាររីកចម្រើនទាំងខ្លួនឯង និងស្ថាប័ន?
× ប្រធានគ្រប់រូប គ្រប់ស្ថាប័ន ត្រូវការបុគ្គលិកដែលធ្វើការងារប្រកបដោយឆន្ទៈខ្ពស់ ព្រោះការមានឆន្ទៈជាចំណុចសំខាន់ដែលធ្វើឲ្យបុគ្គលិកមានចិត្តដិតអារម្មណ៍ជាមួយនឹងការងារបានល្អ ហើយធ្វើឲ្យគម្រោងឬផែនការក្នុងស្ថាប័ននោះសម្រេចបានដោយជោគជ័យ។ បុគ្គលិកដែលមានឆន្ទៈចំពោះការងារ បើទោះពេលណាក៏នឹកឃើញតែការងារ ធ្វើអ្វីក៏នឹកឃើញតែការងារ សូម្បីតែពេលទទួលទានអាហារក៏នៅតែនឹកឃើញការងារដែរ។
បុគ្គលិកប្រភេទនេះតែងតែមានទឹកចិត្តបំពេញការងារ ដោយផ្តោតអារម្មណ៍ទៅលើការងារតែមួយគត់នៅក្នុងពេលតែមួយ។ ហើយពេលបំពេញការងារពួកគេមិនដែលធ្វើការសម្លឹងមើលតែម៉ោងនោះទេ នេះមានន័យថា គេមិនមែនសួរខ្លួនឯងថា «ហេតុអ្វីបានជាក្រដល់ម៉ោងចេញម្ល៉េះ» តែផ្ទុយទៅវិញគេតែងតែស្តីបន្ទោសម៉ោងថា «ហេតុអ្វីបានជាម៉ោងដើរលឿនម្ល៉េះ»។
ប្រសិនបើជា បុគ្គលិកមិនមានឆន្ទៈចំពោះការងារវិញ គឺគេមើលឃើញតែភាពស្មុគស្មាញ មិនដឹងថាត្រូវចាប់ផ្តើមធ្វើការងារមួយណា ចោលមួយណា ឬការងារមួយណាគួរចាប់ផ្តើមមុន មួយណាធ្វើក្រោយនោះឡើយ៕
© រក្សាសិទ្ធិដោយ thmeythmey.com