អន្តរជាតិ
នយោបាយអន្តរជាតិ
×![]()
ប៉ូលិសឥណ្ឌាបានប្រាប់អោយដឹងនៅថ្ងៃសៅរ៍ម្សិលមិញថា មានដូនជីអាយុ៧៥ឆ្នាំម្នាក់ ត្រូវបានចោរ១២នាក់រួមគ្នាចាប់រំលោភ។ ប៉ូលិសបានចាប់ខ្លួនមនុស្ស២នាក់ ហើយដូនជីត្រូវបានបញ្ជូនទៅមន្ទីរពេទ្យ។
ហេតុការណ៍ ចាប់រំលោភដូនជី បានកើតឡើងកាលពីល្ងាចថ្ងៃសុក្រ នៅភាគខាងកើតប្រទេសឥណ្ឌា។ ចោរ១២នាក់បានចូលទៅទីស្នាក់នៅរបស់ដូនជី ហើយបានរួមគ្នាចាប់រំលោភគាត់។ ជាថ្មីម្តងទៀត ប្រជាជនខឹងសម្បារជាខ្លាំងចំពោះហេតុការណ៍ចាប់រំលោភឥតស្វាងក្នុងប្រទេស។ ពួកគេបាននាំគ្នាចុះបាតុកម្មតាមដងផ្លូវ និងបានបិទផ្លុវដែលស្ថិតនៅជិតទីស្នាក់នៅរបស់ដូនជីរងគ្រោះ។ ពួកគេទាមទារអោយអាជ្ញាធរចាត់វិធានការប្រឆាំងនឹងបទឧក្រិដ្ឋ។ លោកស្រី Mamata Banerjeeជាប្រធានរដ្ឋPaschimbanga នៅភាគឦសាន បានសន្យាចាត់វិធានការធ្ងន់ធ្ងរនិងឆាប់រហ័សចំពោះបញ្ហានេះ។
ហេតុការណ៍នេះបានកើតឡើងមួយសប្តាហ៍ ក្រោយអាជ្ញាធរហាមឃាត់ការចាក់ផ្សាយភាពយន្តឯកសាររបស់ទូរទស្សន៍BBC ស្តីពីស្ថានភាពស្ត្រីក្នុងស្រុកឥណ្ឌា។ ភាពយន្តនេះមានចំណងជើងថា India's Daughter ផ្តោតការចាប់អារម្មណ៍លើនិស្សិតស្រីឥណ្ឌាមួយរូប ដែលត្រូវបានជនពាល៤នាក់រួមគ្នាចាប់រំលោភ និងវាយធ្វើបាបរហូតដល់ស្លាប់ កាលពីចុងឆ្នាំ២០១២ នៅក្រុងញូវដេល្លី។ រដ្ឋអំណាច ឥណ្ឌាហាមមិនអោយចុះផ្សាយភាពយន្តឯកសារនេះ ក្នុងហេតុផលការពារសណ្ដាប់ធ្នាប់សាធារណៈ។ ប៉ុន្តែ រដ្ឋអំណាចបានរងការរិះគន់ថា ហាមប្រាមការផ្សាយនេះ គឺដើម្បីមុខមាត់របស់ឥណ្ឌា ក្នុងឆាកអន្តរជាតិប៉ុណ្ណោះ។
ក្រោយហេតុការណ៍ចាប់រំលោភនិស្សិតស្រីកាលពីចុងឆ្នាំ២០១២មក រដ្ឋាភិបាលបានធ្វើកំណែទម្រង់ច្បាប់ទាក់ទងនឹងបទឧក្រិដ្ឋចាប់រំលោភ យ៉ាងទូលំទូលាយដើម្បីពន្លឿនការកាត់ទោស និងដាក់ទោសជនល្មើសអោយកាន់តែធ្ងន់។ ប៉ុន្តែ បណ្តាក្រុមការពារសិទ្ធិស្ត្រីបានលើកឡើងថា យោងតាមភាពជាក់ស្តែង ដំណើរការកំណែទម្រង់នេះមិនល្អប្រសើរប៉ុន្មានឡើយ៕
ហេតុការណ៍ ចាប់រំលោភដូនជី បានកើតឡើងកាលពីល្ងាចថ្ងៃសុក្រ នៅភាគខាងកើតប្រទេសឥណ្ឌា។ ចោរ១២នាក់បានចូលទៅទីស្នាក់នៅរបស់ដូនជី ហើយបានរួមគ្នាចាប់រំលោភគាត់។ ជាថ្មីម្តងទៀត ប្រជាជនខឹងសម្បារជាខ្លាំងចំពោះហេតុការណ៍ចាប់រំលោភឥតស្វាងក្នុងប្រទេស។ ពួកគេបាននាំគ្នាចុះបាតុកម្មតាមដងផ្លូវ និងបានបិទផ្លុវដែលស្ថិតនៅជិតទីស្នាក់នៅរបស់ដូនជីរងគ្រោះ។ ពួកគេទាមទារអោយអាជ្ញាធរចាត់វិធានការប្រឆាំងនឹងបទឧក្រិដ្ឋ។ លោកស្រី Mamata Banerjeeជាប្រធានរដ្ឋPaschimbanga នៅភាគឦសាន បានសន្យាចាត់វិធានការធ្ងន់ធ្ងរនិងឆាប់រហ័សចំពោះបញ្ហានេះ។
ហេតុការណ៍នេះបានកើតឡើងមួយសប្តាហ៍ ក្រោយអាជ្ញាធរហាមឃាត់ការចាក់ផ្សាយភាពយន្តឯកសាររបស់ទូរទស្សន៍BBC ស្តីពីស្ថានភាពស្ត្រីក្នុងស្រុកឥណ្ឌា។ ភាពយន្តនេះមានចំណងជើងថា India's Daughter ផ្តោតការចាប់អារម្មណ៍លើនិស្សិតស្រីឥណ្ឌាមួយរូប ដែលត្រូវបានជនពាល៤នាក់រួមគ្នាចាប់រំលោភ និងវាយធ្វើបាបរហូតដល់ស្លាប់ កាលពីចុងឆ្នាំ២០១២ នៅក្រុងញូវដេល្លី។ រដ្ឋអំណាច ឥណ្ឌាហាមមិនអោយចុះផ្សាយភាពយន្តឯកសារនេះ ក្នុងហេតុផលការពារសណ្ដាប់ធ្នាប់សាធារណៈ។ ប៉ុន្តែ រដ្ឋអំណាចបានរងការរិះគន់ថា ហាមប្រាមការផ្សាយនេះ គឺដើម្បីមុខមាត់របស់ឥណ្ឌា ក្នុងឆាកអន្តរជាតិប៉ុណ្ណោះ។
ក្រោយហេតុការណ៍ចាប់រំលោភនិស្សិតស្រីកាលពីចុងឆ្នាំ២០១២មក រដ្ឋាភិបាលបានធ្វើកំណែទម្រង់ច្បាប់ទាក់ទងនឹងបទឧក្រិដ្ឋចាប់រំលោភ យ៉ាងទូលំទូលាយដើម្បីពន្លឿនការកាត់ទោស និងដាក់ទោសជនល្មើសអោយកាន់តែធ្ងន់។ ប៉ុន្តែ បណ្តាក្រុមការពារសិទ្ធិស្ត្រីបានលើកឡើងថា យោងតាមភាពជាក់ស្តែង ដំណើរការកំណែទម្រង់នេះមិនល្អប្រសើរប៉ុន្មានឡើយ៕
© រក្សាសិទ្ធិដោយ thmeythmey.com
