ពីនេះ ពីនោះ
×![]()
ដោយ: ថ្មីៗ
មនុស្សមួយចំនួនតែងតែគិតថា ខ្លួនឯងជាមនុស្សទន់ជ្រាយងាយនឹងបាក់ទឹកចិត្ត មិនជឿជាក់លើសមត្ថភាពរបស់ខ្លួន និងខ្លាចការកម្លា ឬការបំភ័យរបស់អ្នកដទៃជាដើម។ មនុស្សប្រភេទនេះមិនអាចអភិវឌ្ឍន៍ខ្លួនឲ្យក្លាយទៅជាមនុស្សរឹងមាំបានទេ។ តើគួរធ្វើបែបណា ទើបក្លាយជាមនុស្សដែលមានស្មារតីរឹងមាំបាន?
១. ត្រូវចេះលើកទឹកចិត្តខ្លួនឯង៖ គឺត្រូវគិតថា ត្រូវតែចេះរៀបចំខ្លួន ឬធ្វើឲ្យខ្លួនឯងរឹងមាំទើបអ្នកដទៃគោរព និងឲ្យតម្លៃ។ ការធ្វើបែបនេះ គឺធ្វើឲ្យអ្នកដទៃមើលមកអ្នកថា ជាមនុស្សម្នាក់ដែលមិនងាយនឹងបាក់ទឹកចិត្ត ហើយក៏ជាមនុស្សដែលមានស្មារតី និងគោលជំហររឹងមាំទៀតផង។
២. ត្រូវមានទំនុកចិត្ត និងជឿជាក់លើសមត្ថភាពរបស់ខ្លួន៖ គឺអ្នកត្រូវគិតថាគេអាចធ្វើបាន ខ្ញុំក៏អាចធ្វើបានដែរ យ៉ាងហោចណាស់ក៏ត្រូវជឿជាក់លើសមត្ថភាពខ្លួនឯងថា ប្រសិនជាខ្ញុំធ្វើមិនបានល្អដូចគេ ក៏ខ្ញុំអាចធ្វើបានប្រហាក់ប្រែលនឹងគេដែរ។
៣. ត្រូវមានការតាំងចិត្តខ្ពស់៖ គឺត្រូវគិតថាគ្នាននរណាម្នាក់ធ្វើអ្វីល្អឥតខ្ចោះនោះទេ ហើយក៏គ្មាននរណាម្នាក់ជោគជ័យដោយមិនធ្លាប់បរាជ័យនោះដែរ ជាងនេះទៅទៀត ក៏គ្មាននរណាម្នាក់មិនធ្លាប់បាក់ទឹកចិត្ត ឬបាក់ស្មារតីនោះឡើយ។ ដូច្នេះអ្នកត្រូវតែមានការតាំងចិត្តធ្វើវាម្តងបន្តិចៗ រហូតក្លាយជាមនុស្សដែលមានស្មារតីរឹងមាំពិតប្រាកដ៕
© រក្សាសិទ្ធិដោយ thmeythmey.com
