ជាតិ
ពីនេះ ពីនោះ
ហេតុអ្វីត្រូវមាន ក្រមសីលធម៌ ស្ថាប័ន ឬក្រុមហ៊ុន?
× ជាទូទៅ ស្ថាប័នរដ្ឋ និងឯកជន ក៏ដូចជាក្រុមមនុស្សមួយក្រុមត្រូវមានក្រមសីលធម៌របស់ខ្លួនសម្រាប់ឲ្យថ្នាក់ដឹកនាំ និងមន្ត្រី បុគ្គលិក សមាជិក គោរពប្រតិបត្តិតាម។ និយាយជារួម ក្រមសីលធម៌ត្រូវបានបង្កើតឡើងនៅតាមស្ថាប័ន ឬក្រុមនានាដើម្បី៖
១/ ឲ្យអ្នកនៅក្នុងស្ថាប័ន ឬក្រុម ដឹងអំពីតម្លៃ និងគោលការណ៍នានាដែលបង្កើតជាមូលដ្ឋានសម្រាប់ប្រតិបត្តិ
២/ ជួយដល់អ្នកនៅក្នុងស្ថាប័ន ឬក្រុម ក្នុងការធ្វើសេចក្តីសម្រេចចិត្តនៅក្នុងស្ថានភាពដែលពិបាកដោះស្រាយ
៣/ កាត់បន្ថយបញ្ហាពាក់ព័ន្ធនឹងទំនាស់ផលប្រយោជន៍
៤/ ពង្រឹងសុចរិតភាព ការទទួលខុសត្រូវ និងទំនុកចិត្ត។
ក្រមសីលធម៌ មិនដូចគ្នាទាំងអស់ទេ ពីព្រោះវាត្រូវបានបែងចែកទៅតាមតម្រូវការ និងតម្លៃនៃស្ថាប័ន ឬក្រុមនីមួយៗ ។ ជាទូទៅ ក្រមសីលធម៌ត្រូវបានបែងចែកជាពីរផ្នែក៖
- ផ្នែកទូទៅ៖ រៀបរាប់អំពីគោលបំណង និងតម្លៃដែលស្ថាប័ន ឬក្រុមចង់បាន
- ផ្នែកជាក់លាក់៖ រៀបរាប់អំពីវិធាន ការណែនាំទៅតាមផ្នែកនីមួយៗ ។
ដកស្រង់ចេញពីសៀវភៅថ្នាក់មធ្យមសិក្សា ស្តីពីការប្រឆាំងអំពើពុករលួយដែលរៀបចំដោយក្រសួងអប់រំ និងអង្គភាពប្រឆាំងអំពើពុករលួយ៕
© រក្សាសិទ្ធិដោយ thmeythmey.com