អន្តរជាតិ
ប្ដីប្រពន្ធមួយគូត្រូវប៉ូលីសរដ្ឋផ្លរីដាចាប់ខ្លួន ដោយសារតែពួកគេរួមភេទនៅជិតកន្លែងក្មេងលេង
×![]()
ប៉ូលីសនៅក្នុងរដ្ឋផ្លរីដាបាននិយាយថា ពួកគេបានចាប់ខ្លួនប្តីប្រពន្ធមួយគូ និងបានចោទប្រកាន់ពីបទ បង្ហាញអាកប្បកិរិយាចំណង់ផ្លូវភេទតាមទីសាធារណៈ ដោយពួកគេបានរួមភេទនៅក្បែរសួនកុមារទាំងកណ្ដាលថ្ងៃ ដែលធ្វើឲ្យកុមារអាចមើលឃើញពីសកម្មភាពរួមភេទរបស់ពួកគេ។
ប៉ូលិសបានប្រាប់កាសែត news york daily news ថា កាលពីរសៀលថ្ងៃសុក្រសប្ដាហ៍មុននេះ មានគេឃើញប្ដីប្រពន្ធមួយគូ គឺលោក Shane Johnson អាយុ ៣៨ឆ្នាំនិងនាងDaniel Stager អាយុ ២៦ ឆ្នាំ បានអង្គុយលេងនៅលើសួន Greenacresស្ថិតនៅចម្ងាយ ៦០ ម៉ែត្រពីកន្លែងមើលថែក្មេង។
បុគ្គលិកមើលថែសួនម្នាក់បានឃើញលោកJohnsonលុតជង្គង់ពីខាងក្រៅរថយន្តបន្ទាប់បុគ្គលិកនេះក៏បានឃើញជើងមនុស្សស្រី ដាក់ចេញមកខាងក្រៅទ្វាររថយន្ត។ នៅពេលនោះ មនុស្សផ្សេងទៀត ដែលបានមកអង្គុយលេងនៅក្នុងសួនក្មេងលេងនេះ ក៏បានឃើញសកម្មភាពរួមភេទរបស់ប្ដីប្រពន្ធមួយគូនេះ។
ប៉ូលីសក៏បានរាយការណ៍ថា មានគេឃើញគូស្នេហ៍មួយគូនេះ ចាប់ផ្ដើមសម្ដែងភាពត្រេកត្រអាលរបស់ពួកគេ នៅក្រោមដើមឈើមួយដើមដែលស្ថិតនៅក្បែរនោះមុនពេលដែលពួកគេផ្លាស់ប្តូរទៅធ្វើសកម្មភាពនៅក្នុងរថយន្តវិញ។ ស្របពេលជាមួយគ្នានេះផងដែរ មានក្មេងប្រុសស្រី ៤ នាក់មានអាយុចន្លោះពី ៨ ទៅ ១០ ឆ្នាំ ដែលកំពុងលេងនៅទីធ្លារកុមារនេះ បានប្រាប់ប៉ូលិសថាពួកគេក៏បានឃើញសកម្មភាពរបស់មនុស្សចាស់ទាំងពីរនាក់នេះដែរ។
ក្រោយពីប៉ូលីសបានធ្វើការសាកសួរ ប្ដីប្រពន្ធទាំងពីរនាក់នោះរួចមក ពួកគេត្រូវបានគេឃាត់ខ្លួនជាបណញដើអាសន្ន បន្ទាប់មកអ្នកទាំងពីរត្រូវបានគេដោះលែងពីពន្ធនាគារ នៅចុងសប្តាហ៍មុននេះ៕
© រក្សាសិទ្ធិដោយ thmeythmey.com
