ពីនេះ ពីនោះ
×![]()
ដោយ: ថ្មីៗ
ហេតុអ្វីបានជាអ្នកខ្លះ ខិតខំប្រឹងប្រែងធ្វើការងារយ៉ាងណាក៏ដោយ ក៏ចៅហ្វាយនាយ មើលមិនឃើញនោះ? ដូចនេះ តើគួរធ្វើដូចម្តេច ទើបអាចឱ្យគាត់មើលឃើញ ហើយឡើងឋានៈឱ្យអ្នក? ខាងក្រោមនេះ យើងខ្ញុំនឹងណែនាំអ្នក ពីវិធីមួយចំនួន ក្នុងការធ្វើឱ្យគាត់លើកតម្កើនអ្នក។
1. អ្នកអាចឆ្លងកាត់ ការដោះស្រាយបញ្ហាលំបាករបស់ក្រុមហ៊ុនផ្សេងៗ មកបញ្ជាក់ពីសមត្ថភាពអ្នក ដោយអ្នកអាចបញ្ចេញយោបល់ ដែលជាវិធីល្អៗ ហើយមិនធ្វើឱ្យក្រុមហ៊ុនខាតបង់ ទៅប្រាប់ចៅហ្វាយនាយអ្នកតែប៉ុណ្ណោះ។
2. អ្នកមិនត្រូវភ័យខ្លាចការធ្វើខុសទេ បើអ្នកភ័យ ហើយមិនហ៊ានបញ្ចេញយោបល់ នោះអ្នកនឹងបាត់បង់ឱកាសល្អៗជាមិនខាន។
3. ការងាររបស់អ្នក គឺត្រូវតែធ្វើឱ្យចេញលទ្ធផលល្អជានិច្ច មិនត្រូវធ្វើល្អតែម្តង ហើយលើកក្រោយលទ្ធផលមិនល្អទេ។
4. ត្រូវតែក្តោបក្តាប់ឱកាសទាំងអស់ឱ្យជាប់ មិនត្រូវឱ្យវារបូតពីដៃអ្នកទេ។
5. ត្រូវតែសាងទំនាក់ទំនងល្អ ជាមួយមិត្តរួមការងារ ថាមិនត្រូវ គេអាចសរសើរអ្នក នៅចំពោះមុខចៅហ្វាយនាយអ្នក៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
