អន្តរជាតិ
×![]()
នៅត្រឹមឆ្នាំ ២០១៥ នេះ ទស្សនាវដ្ដី Forbes បានរកឃើញថា កម្រិតប្រាក់បៀវត្សក្នុងចំណោមមេដឹកនាំធំៗ នៅទូទាំងពិភពលោកមានការប្រែប្រួលខ្លះ។តែទោះជាយ៉ាងណាក៏ដោយ គ្មានមេដឹកនាំណា អាចទទួលបានប្រាក់បៀវត្សច្រើនជាង នាយករដ្ឋមន្ត្រីរបស់ប្រទេសសិង្ហបុរីនោះទេ។
បើតាមទិន្នន័យរបស់ Forbesលោក Lee HsienLoongដែលបានក្លាយជានាយករដ្ឋមន្ត្រីរបស់ប្រទេសសិង្ហបុរី កាលពីឆ្នាំ ២០០៤ នោះ បានទទួលប្រាក់បៀវត្សប្រចាំឆ្នាំ ២,៨៥ លានដុល្លារចាប់ពីឆ្នាំ ២០០៨ដល់ឆ្នាំ ២០១។ ប៉ុន្តែដោយសារតែសាធារណជនមិនសូវពេញចិត្តនឹងកម្រិតប្រាក់បៀវត្សដ៏ខ្ពស់នេះ ទើបរដ្ឋាភិបាលសម្រេចកាត់ប្រាក់ខែនាយករដ្ឋមន្ត្រី ២៨ភាគរយហើយសព្វថ្ងៃនេះប្រាក់បៀវត្សរបស់លោកLee នៅតែមានចំនួន១,៧លានដុល្លារប៉ុណ្ណោះ។
ប្រាក់បៀវត្សដ៏ច្រើនរបស់មេដឹកនាំសិង្ហបុរីនេះ គឺវាគ្រប់គ្រាន់សម្រាប់បើកប្រាក់បៀវត្សប្រចាំឆ្នាំឲ្យមេដឹកនាំប្រទេសធំៗ ចំនួន ៥ គឺ បារាំងអាល្លឺម៉ង់អ៊ីតាលីជប៉ុននិងចក្រភពអង់គ្លេសបាន។
ចំណែកឯប្រាក់បៀវត្សរបស់ប្រធានាធិបតីអាមេរិកលោកBarack Obamaវិញគឺទទួលបានត្រឹមតែ ៤០ ម៉ឺនដុល្លារក្នុងមួយឆ្នាំតែប៉ុណ្ណោះ ពោលគឺតិចជាងប្រាក់បៀវត្សរបស់លោក Lee HsienLoongដល់ទៅជាង ៤ ដង។
ខាងក្រោមនេះគឺជាឈ្មោះរបស់មេដឹកនាំប្រទេសចំនួន ១២ ដែលដែលទទួលបានប្រាក់បៀវត្សច្រើនជាងគេ៖
ទី១៖ លោក Lee HsienLoongនាយករដ្ឋមន្ត្រីសិង្ហបុរី ទទួលបានប្រាក់បៀវត្ស១,៧លានដុល្លារ ក្នុងមួយឆ្នាំ។
ទី២៖ លោកBarack Obamaប្រធានាធិបតីអាមេរិក ទទួលបានប្រាក់បៀវត្ស ៤០ ម៉ឺនដុល្លារក្នុងមួយឆ្នាំ។
ទី៣៖ នាយករដ្ឋមន្ត្រីកាណាដាលោក Stephen Harper ទទួលបានប្រាក់បៀវត្ស២៦ ម៉ឺនដុល្លារក្នុងមួយឆ្នាំ។
ទី៤៖ អធិការបតីអាឡឺម៉ង់លោកស្រី Angela Merkelទទួលបានប្រាក់បៀវត្ស២៣៤ ៤០០ដុល្លារក្នុងមួយឆ្នាំ។
ទី៥៖ លោក Jacob Zumaប្រធានាធិបតីរបស់ប្រទេសអាហ្វ្រិកខាងត្បូង ទទួលបានប្រាក់បៀវត្ស២២៣ ៥០០ ដុល្លារក្នុងមួយឆ្នាំ។
ទី៦៖ លោក David Cameron នាយករដ្ឋមន្ត្រីរបស់ចក្រភពអង់គ្លេស ទទួលបានប្រាក់បៀវត្ស២១៤ ៨០០ ដុល្លារក្នុងមួយឆ្នាំ។
ទី៧៖ លោក Shinzo Abe នាយករដ្ឋមន្ត្រីរបស់ប្រទេសជប៉ុន ទទួលបានប្រាក់បៀវត្ស២០២ ៧០០ ដុល្លារក្នុងមួយឆ្នាំ។
ទី៨៖ លោក Francois Hollandeនាយករដ្ឋមន្ត្រីរបស់ប្រទេសបារាំង ទទួលបានប្រាក់បៀវត្ស១៩៤ ៣០០ ដុល្លារក្នុងមួយឆ្នាំ។
ទី៩៖ ប្រធានាធិបតីរុស្ស៊ី លោក Vladimir Putin ទទួលបានប្រាក់បៀវត្ស១៣៦ ០០០ ដុល្លារក្នុងមួយឆ្នាំ។
ទី១០៖ នាយករដ្ឋមន្ត្រីវ័យក្មេងរបស់អ៊ីតាលី លោក MatteoRenziទទួលបានប្រាក់បៀវត្ស១២៤ ៦០០ ដុល្លារក្នុងមួយឆ្នាំ។
ទី១១៖ លោក NarendraModiនាយករដ្ឋមន្ត្រីរបស់ប្រទេសឥណ្ឌា ទទួលបានប្រាក់បៀវត្ស៣០ ៣០០ ដុល្លារក្នុងមួយឆ្នាំ។
ទី១២៖ ប្រធានាធិបតីចិន លោក Xi Jinpingទទួលបានប្រាក់បៀវត្ស២២ ០០០ ដុល្លារក្នុងមួយឆ្នាំ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
