ព័ត៍មានសុខភាព
×![]()
ដោយ: ថ្មីៗ
ព្រាយក្រឡាភ្លើង គឺជាទម្រង់មួយ នៃបញ្ហាសម្ពាធឈាមខ្ពស់ ដែលកើតមានឡើងតែ ក្នុងអំឡុងពេលមានផ្ទៃពោះ។ ជាធម្មតា ជំងឺនេះបានចាប់ផ្ដើមកើតមានឡើង បន្ទាប់ពីសប្តាហ៍ទី ២០ នៃការមានផ្ទៃពោះ ដោយវាបង្កឱ្យមានការលើសសម្ពាធឈាម ប្រូតេអ៊ីននៅក្នុងទឹកនោម ហើមនៅដៃ និងមុខ។ ការថែទាំមុនសម្រាលជាស្ដង់ដារ វេជ្ជបណ្ឌិត ត្រូវធ្វើការវាយតំលៃទៅលើសម្ពាធឈាម និងកម្រិតនៃប្រូតេអ៊ីននៅក្នុងទឹកនោម ការធ្វើតេស្តទាំងនេះ គឺដើម្បីជាមធ្យោបាយ ដើម្បីកំណត់រោគវិនិច្ឆ័យ នៃជំងឺព្រាយក្រឡាភ្លើង។
កត្តាហានិភ័យ នៃជំងឺព្រាយក្រឡាភ្លើង រួមមាន ៖
• ការមានផ្ទៃពោះដំបូង ៖ អាចមានហានិភ័យខ្ពស់ ជាងស្ត្រីដែលធ្លាប់មានផ្ទៃពោះ ពី ៦ ទៅ ៨ ដង
• ស្ត្រីដែលមានកូនភ្លោះ ៖ អាចមានហានិភ័យខ្ពស់ ជាងស្ត្រីដែលមានកូនមួយ ពី ២ ទៅ ៥ ដង
• ស្ត្រីដែលធ្លាប់កើតមានជំងឺព្រាយក្រឡាភ្លើងធ្ងន់ធ្ងរ ឬជំងឺព្រាយក្រឡាភ្លើងពីមុន ៖ អាចមានហានិភ័យខ្ពស់ ជាងស្ត្រីដែលពុំធ្លាប់កើតមានពី ៥០ ទៅ ៦៥ ភាគរយ
• ស្ត្រីដែលបងប្អូនស្រី ឬ ម្តាយមានជំងឺព្រាយក្រឡាភ្លើង ៖ អាចមានហានិភ័យខ្ពស់ ជាងស្ត្រីដែលគ្មានពី ២០៥ ភាគរយ ឬពី ៤ ទៅ ៥ ដង
• ស្ត្រីដែលមានផ្ទៃពោះក្រោយអាយុ ៣៥ ឆ្នាំ ហើយក៏ធ្លាប់មានផ្ទៃពោះ
• ស្ត្រីដែលមានជំងឺលើសឈាមរ៉ាំរ៉ៃ ជំងឺតម្រងនោម ជំងឺទីរ៉ូអ៊ីត ឬជំងឺទឹកនោមផ្អែម ហើយក៏ធ្លាប់មានផ្ទៃពោះ៕
ផ្តល់សិទ្ថិដោយ www.health.com.kh
© រក្សាសិទ្ធិដោយ thmeythmey.com
