អន្តរជាតិ
×![]()
នៅថ្ងៃអង្គារនិងថ្ងៃពុធសប្តាហ៍នេះ អំពើហិង្សាបានធ្វើអោយកក្រើកក្រុងអ៊ីស្តង់ប៊ុល ប្រទេសតួកគីសារជាថ្មី។ ថ្ងៃអង្គារ សកម្មជនឆ្វេងនិយមជ្រុល២នាក់បានចាប់រដ្ឋអាជ្ញាមួយរូបធ្វើជាចំណាប់ខ្មាំង ធ្វើអោយប៉ូលិសបើកប្រតិបត្តិការបណ្តាលអោយស្លាប់ទាំងជនជ្រុលនិយម ទាំងរដ្ឋអាជ្ញា។
ថ្ងៃពុធប៉ូលិសបានបាញ់សម្លាប់ស្ត្រីភេរវជនម្នាក់ ដែលចង់បំផ្ទុះគ្រាប់បែកនៅស្នាក់ការខ្លួន។ ម្សិលមិញ នៅតាមក្រុងជាច្រើន ប៉ូលិសបានចាប់ខ្លួនមនុស្សជាង៣០នាក់ ដែលជាប់សង្ស័យថាជាសកម្មជនក្រុមឆ្វេងជ្រុលនិយម។ នៅ២ខែមុនពេលបោះឆ្នោតសភាក្រុមឆ្វេងនិយមជ្រុលខុសច្បាប់មកពីរណសិរ្សបដិវត្តរំដោះប្រជាជន (DHKP-C) បានអុកឡុកប៉ូលិសធ្វើអោយរដ្ឋាភិបាលលោកអ៊ែរដូហ្កាន ក្តៅក្រហាយយ៉ាងខ្លាំង។ ក្រុមនេះចង់សងសឹកអោយក្មេងប្រុសម្នាក់ឈ្មោះBerkin Elvanដែលបានស្លាប់ ដោយសារត្រូវគ្រាប់បែកបង្ហូរទឹកភ្នែករបស់ប៉ូលិស ពេលមានបាតុកម្មប្រឆាំងរដ្ឋាភិបាលក្នុងឆ្នាំ២០១។ថ្ងៃអង្គារកន្លងទៅ នៅតុលាការក្រុងអ៊ីស្តង់ប៊ូល សកម្មជនជ្រុលនិយម២នាក់បានចាប់រដ្ឋអាជ្ញាម្នាក់ធ្វើជាចំណាប់ខ្មាំង អស់ច្រើនម៉ោង។
រដ្ឋអាជ្ញារូបនោះ ទទួលបន្ទុកក្នុងសំណុំរឿងមរណភាពក្មេងប្រុសElvan។ ក្រុមជ្រុលនិយមបានគំរាមសម្លាប់រដ្ឋអាជ្ញា បើប៉ូលិសមិនចេញមុខសុំទោសចំពោះមរណភាពក្មេងប្រុសElvan ជាសាធារណៈទេ។ តែប៉ូលិសបានបើកប្រតិបត្តិការសម្លាប់សកម្មជនជ្រុលនិយមទាំង២នាក់។ រដ្ឋអាជ្ញាតួកគីក៏បានស្លាប់ក្នុងប្រតិបត្តិការនេះដែរ។ ការគំរាមថ្ងៃអង្គារមិនទាន់ចប់ស្រួលផងនៅថ្ងៃពុធស្ត្រីភេរវជនមកពីក្រុមឆ្វេងនិយមជ្រុលម្នាក់បំពាក់កាំភ្លើងស្វ័យប្រវត្តិ និងមានគ្រាប់បែកដៃ២គ្រាប់បានបន្តសកម្មភាពវាយប្រហារប៉ូលិសអ៊ីស្តង់ប៊ូលជាថ្មី។
តែត្រូវប៉ូលិសបាញ់សម្លាប់។ហេតុការណ៍២ថ្ងៃជាប់គ្នានេះមិនបានធ្វើអោយរដ្ឋាភិបាលលោក រីសេបតៃយីព អ៊ែរដូហ្កាន នៅស្រណុកចិត្តទេ។ រដ្ឋាភីបាលស្អុយឈ្មោះកន្លងមកច្រើនហើយដោយសាររឿងអាស្រូវពុករលួយ។ ឥឡូវ ក្រុមជ្រុលនិយមចាប់ផ្តើមចេញអុកឡុកបង្កហិង្សាទៀត។ ទាំងនេះសុទ្ធតែជាសញ្ញាមិនល្អដល់ការបោះឆ្នោតសភា នៅថ្ងៃ៧មិថុនាខាងមុខ។ សូមរំលឹកថា ក្រុមឆ្វេងនិយមរណសិរ្សបដិវត្តរំដោះប្រជាជន(DHKP-C)នេះ ត្រូវបានតួកគីអាមេរិក និងសហភាពអឺរ៉ុបចាត់ទុកថាជាក្រុមភេរវជន។
តាំងពីឆ្នាំ១៩៩០មក ក្រុមជ្រុលនិយមខុសច្បាប់មួយនេះបានបង្កភេរវកម្មជាច្រើន ប្រឆាំងរដ្ឋអំណាច។ ក្រុមនេះក៏បានគំរាមសងសឹកអោយក្មេងប្រុសElvan ដែលបានរបួសធ្ងន់រហូតស្លាប់ ដោយសារគ្រាប់បែកទឹកភ្នែករបស់ប៉ូលិសដែរ។ ការអុកឡុករបស់ក្រុមឆ្វេងនិយមជ្រុល
ធ្វើអោយរដ្ឋាភិបាលកាន់តែខឹងសម្បារ។ នៅចំពោះមុខហេតុការណ៍២ថ្ងៃជាប់ៗគ្នាក្នុងសប្តាហ៍នេះ រដ្ឋអំណាចតួកគីបានចោទក្រុមជ្រុលនិយម ថាបានឃុបខិតរៀបចំផែនការទំលាក់រដ្ឋាភិបាល មុនពេលបោះឆ្នោត។
នាយករដ្ឋមន្ត្រីតួកគី លោក Ahmet Davutoglu បានគំរាមដាច់ម៉ាត់ មិនអត់ឱនដល់ជនដែលធ្វើសកម្មភាពប្រឆាំងរដ្ឋាភិបាលឡើយ។ រដ្ឋអំណាចតួកគីនៅមិនទាន់បាត់ក្រពុលមុខ ក្នុងរឿងបាតុកម្មប្រឆាំងគម្រោងកំទេចឧទ្យានGezi ក្រុងអ៊ីស្តង់ប៊ូលនៅឡើយទេ។ បាតុកម្មនេះមានការចូលរួមពីមនុស្សគ្រប់ស្រទាប់រាប់សែននាក់នៅទូទាំងប្រទេស កាលពីពាក់កណ្តាលឆ្នាំ២០១៣ ប្រៀបបាននឹងបដិវត្តអារ៉ាប់ដូច្នោះដែរ។ ប៉ូលិសបានបង្ក្រាបក្រុមបាតុករ ធ្វើអោយមនុស្សរាប់រយនាក់រងរបួស។ បាតុកម្មបានស្ងប់ទៅវិញ ក្រោយរដ្ឋអំណាចតួកគីបានសុំទោសក្រុមបាតុករ។
ប៉ុន្តែខ្មោចបាតុកម្មបានតាមមកលងរដ្ឋាភិបាលម្តងទៀតហើយ ព្រោះក្រុមឆ្វេងនិយមជ្រុលបានគំរាមសងសឹកអោយក្មេងប្រុសElvan ដោយសារគ្រាប់បែកទឹកភ្នែករបស់ប៉ូលិស។ក្មេងប្រុសរូបនេះ បានក្លាយជានិមិត្តរូបនៃការប្រើអំណាចហួសហេតុរបស់បក្សអភិរក្សនិយមរបស់លោកតៃយីព អ៊ែរដូហ្កាន ដែលកាន់អំណាចជាង១០ឆ្នាំមកនេះ។ ដោយសាររឿងរ៉ាវអស់នេះ នាយករដ្ឋមន្ត្រីDavutoglu បានខឹងរហូតដល់ចាត់ទុកក្រុមបាតុករ និងក្រុមជ្រុលនិយមថាជាក្រុមតែមួយទៀតផង។ក្រៅពីការអុកឡុករបស់ក្រុមឆ្វេងនិយមជ្រុល
នៅមានរឿងរបស់សហគមន៍ភាគតិចនិកាយអាឡូវីទៀត។
សហគមន៍នេះមិនពេញចិត្តរដ្ឋាភិបាលដែលធ្វើសកម្មភាពប្រឆាំងរបបដឹកនាំស៊ីរីរបស់លោកអាសាដ ដែលកាន់និកាយអាឡូវីដូចខ្លួននោះទេ។ កំហឹងក្រុមបាតុករ ការគំរាមរបស់ក្រុមជ្រុលនិយម ការខកចិត្តរបស់ប្រជាជន ហិង្សាដែលអាចផ្ទុះឡើងគ្រប់ពេល គឺជាលទ្ធផលចេញពីនយោបាយរដ្ឋាភិបាលខ្លួនឯងនេះហើយ។ អស់ច្រើនឆ្នាំមកនេះ បក្សកាន់អំណាចរបស់លោកអ៊ែរដូហ្កាន បានពឹងពាក់សមាជិកចលនាហ្គូឡិន ក្នុងជួរប៉ូលិស និងតុលាការ អោយជួយកាត់បន្ថយអំណាចកងទ័ពក្នុងឆាកនយោបាយ។ តែក្រោយមក លោកអ៊ែរដូហ្កានបានព្យាយាមផ្សះផ្សាជាមួយកងទ័ពវិញ ព្រោះលោក Fethullah Gülen ដែលដឹកនាំចលនាហ្គូឡិន កំពុងក្លាយជាដៃគូប្រជែងរបស់លោក។
អ្វីដែលហួសជ្រុលនោះគឺរដ្ឋាភិបាលបានផ្តល់អំណាចធំធេងដល់ប៉ូលិសរួចហើយទើបបានជាប៉ូលិសធ្វើអោយប្រជាជនខឹងសម្បារ។
ប៉ុន្មានឆ្នាំមកនេះ សេរីភាពបញ្ចេញមតិយោបល់ សេរីភាពសារព័ត៌មានត្រូវបានរឹតបន្តឹង។ ស្ថានភាពសិទ្ធិមនុស្សក៏មិនល្អ។
ពេលនេះបក្សកាន់អំណាចរបស់លោកអ៊ែរដូហ្កាន ខ្លាចបញ្ហាទាំងនេះជះឥទ្ធិពលអាក្រក់ដល់ការបោះឆ្នោតក្នុងពេលខាងមុខ។ ដើម្បីបន្ថយភាពតានតឹងមុនពេលបោះឆ្នោត និងកសាងឈ្មោះរដ្ឋាភិបាលឡើងវិញ មើលទៅ បក្សកាន់អំណាចមានតែសើរើច្បាប់ពាក់ព័ន្ធអំណាចប៉ូលិសឡើងវិញតែប៉ុណ្ណោះ៕
ថ្ងៃពុធប៉ូលិសបានបាញ់សម្លាប់ស្ត្រីភេរវជនម្នាក់ ដែលចង់បំផ្ទុះគ្រាប់បែកនៅស្នាក់ការខ្លួន។ ម្សិលមិញ នៅតាមក្រុងជាច្រើន ប៉ូលិសបានចាប់ខ្លួនមនុស្សជាង៣០នាក់ ដែលជាប់សង្ស័យថាជាសកម្មជនក្រុមឆ្វេងជ្រុលនិយម។ នៅ២ខែមុនពេលបោះឆ្នោតសភាក្រុមឆ្វេងនិយមជ្រុលខុសច្បាប់មកពីរណសិរ្សបដិវត្តរំដោះប្រជាជន (DHKP-C) បានអុកឡុកប៉ូលិសធ្វើអោយរដ្ឋាភិបាលលោកអ៊ែរដូហ្កាន ក្តៅក្រហាយយ៉ាងខ្លាំង។ ក្រុមនេះចង់សងសឹកអោយក្មេងប្រុសម្នាក់ឈ្មោះBerkin Elvanដែលបានស្លាប់ ដោយសារត្រូវគ្រាប់បែកបង្ហូរទឹកភ្នែករបស់ប៉ូលិស ពេលមានបាតុកម្មប្រឆាំងរដ្ឋាភិបាលក្នុងឆ្នាំ២០១។ថ្ងៃអង្គារកន្លងទៅ នៅតុលាការក្រុងអ៊ីស្តង់ប៊ូល សកម្មជនជ្រុលនិយម២នាក់បានចាប់រដ្ឋអាជ្ញាម្នាក់ធ្វើជាចំណាប់ខ្មាំង អស់ច្រើនម៉ោង។
រដ្ឋអាជ្ញារូបនោះ ទទួលបន្ទុកក្នុងសំណុំរឿងមរណភាពក្មេងប្រុសElvan។ ក្រុមជ្រុលនិយមបានគំរាមសម្លាប់រដ្ឋអាជ្ញា បើប៉ូលិសមិនចេញមុខសុំទោសចំពោះមរណភាពក្មេងប្រុសElvan ជាសាធារណៈទេ។ តែប៉ូលិសបានបើកប្រតិបត្តិការសម្លាប់សកម្មជនជ្រុលនិយមទាំង២នាក់។ រដ្ឋអាជ្ញាតួកគីក៏បានស្លាប់ក្នុងប្រតិបត្តិការនេះដែរ។ ការគំរាមថ្ងៃអង្គារមិនទាន់ចប់ស្រួលផងនៅថ្ងៃពុធស្ត្រីភេរវជនមកពីក្រុមឆ្វេងនិយមជ្រុលម្នាក់បំពាក់កាំភ្លើងស្វ័យប្រវត្តិ និងមានគ្រាប់បែកដៃ២គ្រាប់បានបន្តសកម្មភាពវាយប្រហារប៉ូលិសអ៊ីស្តង់ប៊ូលជាថ្មី។
តែត្រូវប៉ូលិសបាញ់សម្លាប់។ហេតុការណ៍២ថ្ងៃជាប់គ្នានេះមិនបានធ្វើអោយរដ្ឋាភិបាលលោក រីសេបតៃយីព អ៊ែរដូហ្កាន នៅស្រណុកចិត្តទេ។ រដ្ឋាភីបាលស្អុយឈ្មោះកន្លងមកច្រើនហើយដោយសាររឿងអាស្រូវពុករលួយ។ ឥឡូវ ក្រុមជ្រុលនិយមចាប់ផ្តើមចេញអុកឡុកបង្កហិង្សាទៀត។ ទាំងនេះសុទ្ធតែជាសញ្ញាមិនល្អដល់ការបោះឆ្នោតសភា នៅថ្ងៃ៧មិថុនាខាងមុខ។ សូមរំលឹកថា ក្រុមឆ្វេងនិយមរណសិរ្សបដិវត្តរំដោះប្រជាជន(DHKP-C)នេះ ត្រូវបានតួកគីអាមេរិក និងសហភាពអឺរ៉ុបចាត់ទុកថាជាក្រុមភេរវជន។
តាំងពីឆ្នាំ១៩៩០មក ក្រុមជ្រុលនិយមខុសច្បាប់មួយនេះបានបង្កភេរវកម្មជាច្រើន ប្រឆាំងរដ្ឋអំណាច។ ក្រុមនេះក៏បានគំរាមសងសឹកអោយក្មេងប្រុសElvan ដែលបានរបួសធ្ងន់រហូតស្លាប់ ដោយសារគ្រាប់បែកទឹកភ្នែករបស់ប៉ូលិសដែរ។ ការអុកឡុករបស់ក្រុមឆ្វេងនិយមជ្រុល
ធ្វើអោយរដ្ឋាភិបាលកាន់តែខឹងសម្បារ។ នៅចំពោះមុខហេតុការណ៍២ថ្ងៃជាប់ៗគ្នាក្នុងសប្តាហ៍នេះ រដ្ឋអំណាចតួកគីបានចោទក្រុមជ្រុលនិយម ថាបានឃុបខិតរៀបចំផែនការទំលាក់រដ្ឋាភិបាល មុនពេលបោះឆ្នោត។
នាយករដ្ឋមន្ត្រីតួកគី លោក Ahmet Davutoglu បានគំរាមដាច់ម៉ាត់ មិនអត់ឱនដល់ជនដែលធ្វើសកម្មភាពប្រឆាំងរដ្ឋាភិបាលឡើយ។ រដ្ឋអំណាចតួកគីនៅមិនទាន់បាត់ក្រពុលមុខ ក្នុងរឿងបាតុកម្មប្រឆាំងគម្រោងកំទេចឧទ្យានGezi ក្រុងអ៊ីស្តង់ប៊ូលនៅឡើយទេ។ បាតុកម្មនេះមានការចូលរួមពីមនុស្សគ្រប់ស្រទាប់រាប់សែននាក់នៅទូទាំងប្រទេស កាលពីពាក់កណ្តាលឆ្នាំ២០១៣ ប្រៀបបាននឹងបដិវត្តអារ៉ាប់ដូច្នោះដែរ។ ប៉ូលិសបានបង្ក្រាបក្រុមបាតុករ ធ្វើអោយមនុស្សរាប់រយនាក់រងរបួស។ បាតុកម្មបានស្ងប់ទៅវិញ ក្រោយរដ្ឋអំណាចតួកគីបានសុំទោសក្រុមបាតុករ។
ប៉ុន្តែខ្មោចបាតុកម្មបានតាមមកលងរដ្ឋាភិបាលម្តងទៀតហើយ ព្រោះក្រុមឆ្វេងនិយមជ្រុលបានគំរាមសងសឹកអោយក្មេងប្រុសElvan ដោយសារគ្រាប់បែកទឹកភ្នែករបស់ប៉ូលិស។ក្មេងប្រុសរូបនេះ បានក្លាយជានិមិត្តរូបនៃការប្រើអំណាចហួសហេតុរបស់បក្សអភិរក្សនិយមរបស់លោកតៃយីព អ៊ែរដូហ្កាន ដែលកាន់អំណាចជាង១០ឆ្នាំមកនេះ។ ដោយសាររឿងរ៉ាវអស់នេះ នាយករដ្ឋមន្ត្រីDavutoglu បានខឹងរហូតដល់ចាត់ទុកក្រុមបាតុករ និងក្រុមជ្រុលនិយមថាជាក្រុមតែមួយទៀតផង។ក្រៅពីការអុកឡុករបស់ក្រុមឆ្វេងនិយមជ្រុល
នៅមានរឿងរបស់សហគមន៍ភាគតិចនិកាយអាឡូវីទៀត។
សហគមន៍នេះមិនពេញចិត្តរដ្ឋាភិបាលដែលធ្វើសកម្មភាពប្រឆាំងរបបដឹកនាំស៊ីរីរបស់លោកអាសាដ ដែលកាន់និកាយអាឡូវីដូចខ្លួននោះទេ។ កំហឹងក្រុមបាតុករ ការគំរាមរបស់ក្រុមជ្រុលនិយម ការខកចិត្តរបស់ប្រជាជន ហិង្សាដែលអាចផ្ទុះឡើងគ្រប់ពេល គឺជាលទ្ធផលចេញពីនយោបាយរដ្ឋាភិបាលខ្លួនឯងនេះហើយ។ អស់ច្រើនឆ្នាំមកនេះ បក្សកាន់អំណាចរបស់លោកអ៊ែរដូហ្កាន បានពឹងពាក់សមាជិកចលនាហ្គូឡិន ក្នុងជួរប៉ូលិស និងតុលាការ អោយជួយកាត់បន្ថយអំណាចកងទ័ពក្នុងឆាកនយោបាយ។ តែក្រោយមក លោកអ៊ែរដូហ្កានបានព្យាយាមផ្សះផ្សាជាមួយកងទ័ពវិញ ព្រោះលោក Fethullah Gülen ដែលដឹកនាំចលនាហ្គូឡិន កំពុងក្លាយជាដៃគូប្រជែងរបស់លោក។
អ្វីដែលហួសជ្រុលនោះគឺរដ្ឋាភិបាលបានផ្តល់អំណាចធំធេងដល់ប៉ូលិសរួចហើយទើបបានជាប៉ូលិសធ្វើអោយប្រជាជនខឹងសម្បារ។
ប៉ុន្មានឆ្នាំមកនេះ សេរីភាពបញ្ចេញមតិយោបល់ សេរីភាពសារព័ត៌មានត្រូវបានរឹតបន្តឹង។ ស្ថានភាពសិទ្ធិមនុស្សក៏មិនល្អ។
ពេលនេះបក្សកាន់អំណាចរបស់លោកអ៊ែរដូហ្កាន ខ្លាចបញ្ហាទាំងនេះជះឥទ្ធិពលអាក្រក់ដល់ការបោះឆ្នោតក្នុងពេលខាងមុខ។ ដើម្បីបន្ថយភាពតានតឹងមុនពេលបោះឆ្នោត និងកសាងឈ្មោះរដ្ឋាភិបាលឡើងវិញ មើលទៅ បក្សកាន់អំណាចមានតែសើរើច្បាប់ពាក់ព័ន្ធអំណាចប៉ូលិសឡើងវិញតែប៉ុណ្ណោះ៕
© រក្សាសិទ្ធិដោយ thmeythmey.com
