ពីនេះ ពីនោះ
ទំនាយទាំង៧នៅឆ្នាំនេះថា៖ មានទឹកភ្លឿង ៤០មេ ភ្លើងកាចសាហាវជាឆ្នាំកន្លងទៅ...!
× ទំនាយទាំង៧នៅឆ្នាំនេះថា៖ មានទឹកភ្លឿង ៤០មេ ភ្លើងកាចសាហាវជាឆ្នាំកន្លងទៅ....!
ទី១ កេណ្ឌព្រះភិរុណសាស្ត្រ៖ ឆ្នាំនេះភពអាទិត្យ ជាអធិបតី ដឹកនាំផ្លូវទៅសុំទឹកភ្លៀងពីស្តេចនាគ ហើយបាននាគ៣ បង្អុលទឹកភ្លៀង៤០០មេដែលចែកចេញជាចក្រវាឡ ១៦០មេ, ព្រៃហេមពាន្ត ១២០មេ, មហាសមុទ្រ ៨០មេ និងជម្ពូទ្វីបមនុស្សលោកយើងមានចំនួន៤០មេ បណ្តាលឲ្យមានទឹភ្លៀងនៅដើមឆ្នាំ កណ្តាល និងចុងឆ្នាំភ្លៀងស្មើគ្នា។
ទី២ កេណ្ឌធារាទិគុណ៖ ឆ្នាំនេះមានកេណ្ឌ(១) ត្រូវត្រង់តេជោធាតុចុះ ទំនាយថា ភ្លើងកាចសាហាវជាងឆ្នាំកន្លងទៅ។
ទី៣ ទំនាយទឹកទន្លេ៖ ឆ្នាំនេះទំនាយអំពីទឹកមានសំណល់៨ ទំនាយថា ទឹកទន្លេមានជាមធ្យមមិនធំ មិនតូច។
ទី៤ កេណ្ឌធញ្ញាហារ ៖ ឆ្នាំនេះមានកេណ្ឌ(៣) មានឈ្នោះថា មជ្ឃិមា ទំនាយថា ស្រូវដណ្តាំស្រែចម្ការនិងបានផលពាក់កណ្តាលខូចខាតអស់ពាក់កណ្តាលភោជា នាហារ បានផលជាមធ្យម។ ប្រជានុរាស្ត្រ មានសេចក្តីសុខខ្លះទុក្ខខ្លះស្មើរគ្នា។
ទី៥ ទំនាយការធ្វើស្រែ៖ ទំនាយកេណ្ឌការធ្វើស្រែមានសេស(២) ទំនាយថា ស្រែដីទំនាប និងស្រែដីទួលបានផលល្អដូចគ្នាទាំងពីរយ៉ាង។
ទី៦ កេណ្ឌព្រឹក្សា៖ ឆ្នាំនេះត្រូវចំសេស(២) ត្រូវត្រង់ដើមល្វា ជាស្តេច មានទំនាយថា មនុស្សផងទាំងឡាយមានសេចក្តីសុខក្សេមក្សាន្ត។
ទី៧ កេណ្ឌព្រះអាទិត្យ៖ ឆ្នាំនេះព្រះអាទិត្យធ្វើដំណើរជិះដំរី ទំនាយថា ភ្លើងកាចសាហាវ ស្រុកនាមនាគធ្វើយុទ្ធសង្គ្រាម និងស្រុកនាមគ្រុឌ និងនាមកណ្តុរ៕
ប្រភព៖ សៀវភៅមហាសង្ក្រាន្ត ឆ្នាំមមែ សប្តស័ក (ព.ស.២៥៥៩-គ.ស.២០១៥)
© រក្សាសិទ្ធិដោយ thmeythmey.com