អន្តរជាតិ
×![]()
ក្រោយមានការវាយប្រហារសម្លាប់ទាហានកូឡុំប៊ី១០នាក់ នៅយប់ថ្ងៃអង្គារឈានចូលព្រឹកថ្ងៃពុធ ប្រធានាធិបតីកូឡុំប៊ីសម្រេចបន្តការទំលាក់គ្រាប់បែក លើទីតាំងក្រុមឧទ្ទាមFarc បន្តទៅទៀត។ 
កាលពីយប់ថ្ងៃអង្គារឈានចូលព្រឹកថ្ងៃពុធ ទាហានកូឡុំប៊ី១០នាក់បានស្លាប់ និង៩នាក់ទៀតរងរបួស ក្នុងការវាយប្រហារគ្រាប់បែក និងកាំភ្លើង ក្នុងភូមិ Esperenza ស្ថិតក្នុងខែត្រ Cauca ភាគខាងលិចប្រទេស។ ភូមិនេះជាកន្លែងរបស់ក្រុមឧទ្ទាមFarcដែលចរចាសន្តិភាពជាមួយរដ្ឋាភិបាល តាំងពីចុងឆ្នាំ២០១២មក។
ប្រមុខមេបញ្ជាការទាហានកូឡុំប៊ី លោក Mario Valenciaបានចោទក្រុមឧទ្ទាមFarc ថាបង្កការវាយប្រហារនេះឡើង។ អ្នកចរចាសន្តិភាពខាងក្រុមឧទ្ទាមវិញ បានលើកឡើងថា ការវាយប្រហារនេះប្រហែលជាដោយសារមកពីនយោបាយរដ្ឋាភិបាល ដែលបានបើកប្រតិបត្តិការយោធាកំចាត់ក្រុមឧទ្ទាម ក្នុងពេលក្រុមឧទ្ទាមកំពុងគោរពបទឈប់បាញ់។
ប្រធានាធិបតី Juan Manuel Santos បានថ្កោលទោសការវាយប្រហារនេះ ហើយបានសម្រេចថាបន្តទំលាក់គ្រាប់បែកលើទីតាំងក្រុមឧទ្ទាមតទៅទៀត។ គួររំលឹកថា តាំងពីចុងឆ្នាំ២០១២មក ក្រុមឧទ្ទាមFarc បានចរចាសន្តិភាពជាមួយរដ្ឋាភិបាល។ នៅសប្តាហ៍មុន ប្រធានាធិបតីកូឡុំប៊ីបានសម្រេចពន្យារពេលផ្អាកទំលាក់គ្រាប់បែកលើទីតាំងក្រុមឧទ្ទាម។ ជាការផ្តោះប្តូរ ក្រុមឧទ្ទាមFarc ត្រូវតែគោរពបទឈប់បាញ់ឯកតោភាគី ពោលគឺបទឈប់បាញ់ដែលមានតែភាគីក្រុមឧទ្ទាមមួួយតែប៉ុណ្ណោះ។ រដ្ឋាភិបាលលោកManuel Santos តែងតែបដិសេធមិនធ្វើបទឈប់បាញ់ទ្វេភាគីជាមួយក្រុមFarc៕
កាលពីយប់ថ្ងៃអង្គារឈានចូលព្រឹកថ្ងៃពុធ ទាហានកូឡុំប៊ី១០នាក់បានស្លាប់ និង៩នាក់ទៀតរងរបួស ក្នុងការវាយប្រហារគ្រាប់បែក និងកាំភ្លើង ក្នុងភូមិ Esperenza ស្ថិតក្នុងខែត្រ Cauca ភាគខាងលិចប្រទេស។ ភូមិនេះជាកន្លែងរបស់ក្រុមឧទ្ទាមFarcដែលចរចាសន្តិភាពជាមួយរដ្ឋាភិបាល តាំងពីចុងឆ្នាំ២០១២មក។
ប្រមុខមេបញ្ជាការទាហានកូឡុំប៊ី លោក Mario Valenciaបានចោទក្រុមឧទ្ទាមFarc ថាបង្កការវាយប្រហារនេះឡើង។ អ្នកចរចាសន្តិភាពខាងក្រុមឧទ្ទាមវិញ បានលើកឡើងថា ការវាយប្រហារនេះប្រហែលជាដោយសារមកពីនយោបាយរដ្ឋាភិបាល ដែលបានបើកប្រតិបត្តិការយោធាកំចាត់ក្រុមឧទ្ទាម ក្នុងពេលក្រុមឧទ្ទាមកំពុងគោរពបទឈប់បាញ់។
ប្រធានាធិបតី Juan Manuel Santos បានថ្កោលទោសការវាយប្រហារនេះ ហើយបានសម្រេចថាបន្តទំលាក់គ្រាប់បែកលើទីតាំងក្រុមឧទ្ទាមតទៅទៀត។ គួររំលឹកថា តាំងពីចុងឆ្នាំ២០១២មក ក្រុមឧទ្ទាមFarc បានចរចាសន្តិភាពជាមួយរដ្ឋាភិបាល។ នៅសប្តាហ៍មុន ប្រធានាធិបតីកូឡុំប៊ីបានសម្រេចពន្យារពេលផ្អាកទំលាក់គ្រាប់បែកលើទីតាំងក្រុមឧទ្ទាម។ ជាការផ្តោះប្តូរ ក្រុមឧទ្ទាមFarc ត្រូវតែគោរពបទឈប់បាញ់ឯកតោភាគី ពោលគឺបទឈប់បាញ់ដែលមានតែភាគីក្រុមឧទ្ទាមមួួយតែប៉ុណ្ណោះ។ រដ្ឋាភិបាលលោកManuel Santos តែងតែបដិសេធមិនធ្វើបទឈប់បាញ់ទ្វេភាគីជាមួយក្រុមFarc៕
© រក្សាសិទ្ធិដោយ thmeythmey.com
