អន្តរជាតិ
រឿងពិតប្លែកៗដែលអ្នកមិនបានដឹងពីប្រធានាធិបតីអាមេរិក
× គិតមកដល់ពេលនេះ សហរដ្ឋអាមេរិកមានប្រធានាធិបតីចំនួន ៤៤ រូប ហើយដែលបានឡើងកាន់តំណែង និងបានដឹកនាំប្រទេសមួយនេះក្លាយជាមហាអំណាចទីមួយ នៅលើពិភពលោក ទាំងផ្នែកសេដ្ឋកិច្ច និងយោធា។ ទោះជាយ៉ាងនេះក្ដី មានរឿងរ៉ាវជាច្រើនដែលអ្នកមិនបានដឹងពីប្រវត្តិពិតដែលមានលក្ខណៈប្លែកៗ របស់ប្រធានាធិបតីអាមេរិកទាំងនោះទេ។
ខាងក្រោមនេះគឺជារឿងរ៉ាវពិត និងប្លែកៗ មួយចំនួនដែលអ្នកមិនធ្លាប់ដឹងពីប្រវត្តិរបស់ប្រធានាធីបតីអាមេរិក៖
- លោក George Washinton ប្រធានាធិបតីទីមួយ របស់សហរដ្ឋអាមេរិក មានថ្ងៃកំណើត ៣ គឺតាមពិតលោកកើតនៅថ្ងៃទី ១១ ខែកុម្ភៈ ឆ្នាំ ១៧៣១ ប៉ុន្តែក្រោយមកក្រោមសម័យអាណានិគមអង់គ្លេស បានប្ដូរប្រតិទិន ទើបធ្វើឲ្យប្រព័ន្ធកត់ត្រាថ្ងៃកំណើតរបស់លោក នៅថ្ងៃទី២២ ខែ កុម្ភៈ ឆ្នាំ១៧៣១ វិញ។ ប៉ុន្តែក្រោយមកទៀតសមាជិកសភាអាមេរិក បានសម្រេចកំណត់យកថ្ងៃចន្ទ ក្នុងសប្ហាហ៍ទី៣ នៃខែកុម្ភៈ ជាថ្ងៃកំណើតរបស់លោក និងជាថ្ងៃឈប់សម្រាក។
- លោក William Henry Harrison ជាប្រធានាធិបតីអាមេរិកដែលកាន់ដំណែងឆាប់ជាងគេ គឺលោកកាន់តំណែងបានតែរយៈពេល ៣២ ថ្ងៃ ហយលោកក៏បានស្លាប់។
- លោក Franklin Roosevelt ជាប្រធានាធិបតីអាមេរិកដែល កាន់តំណែងយូរជាងគេរហូតដល់ ១២ ឆ្នាំ ទើបក្រោយមកព្រឹទ្ធសភាអាមេរិកកំណត់អាណត្តិឲ្យមនុស្សម្នាក់ធ្វើប្រធានាធិបតីតែ ២ អាណត្តិប៉ុណ្ណោះ។
- លោក John Kennedy ជាប្រធានាធិបតីអាមេរិកដែលមានវ័យក្មេងជាងគេ ដោយលោកមានអាយុ ៤៣ ឆ្នាំក្នុងពេលលោកចូលកាន់តំណែង ហើយ ៤៨ ឆ្នាំក្រោយមកចៅរបស់គាត់គឺ លោក Benjamin Harrison បានក្លាយជាប្រធានាធិបតីអាមេរិក។
-លោក Ronald Reagan ជាប្រធានាធិបតីអាមេរិកដែលមានវ័យចំណាស់ជាងគេ ដោយលោកមានអាយុ ៦៩ ឆ្នាំក្នុងពេលលោកចូលកាន់តំណែង។
- បច្ចុប្បន្នមានអតីតប្រធានាធិបតី ៤ រូបនៅមានជីវិតរស់នៅ គឺលោក George H.W. Bush និង Jimmy Carter កើតក្នុងឆ្នាំតែមួយ ខណៈលោក George W. Bush និង Bill Clinton ក៏កើតក្នុងឆ្នាំតែមួយផងដែរ។
- លោក Abraham Lincoln ជាប្រធានាធិបតីអាមេរិកដែលមានកម្ពស់ខ្ពស់ជាងគេគឺ ១៩៣ សង់ទីម៉ែត្រ ហើយលោក James Madison ជាប្រធានាធិបតីអាមេរិកដែលទាបជាងគេ គឺគាត់មានកម្ពស់ ១៦៣ សង់ទីម៉ែត្រ។
- លោក James Buchananជាប្រធានាធិបតីអាមេរិកដែលនៅលីវ មិនទាន់រៀបការ ខណៈលោក John Tylerជាប្រធានាធិបតីដែលបានរៀបការនៅពេលលោកចូលកាន់តំណែង។ ចំណែកឯលោក Grover Clevelandជាប្រធានាធិបតីដែលបានរៀបការ និងមានកូនកើតនៅក្នុងសេតវិមាន។
- លោក អូបាម៉ា ជាប្រធានាធិបតីទី៤៤ របស់សហរហរដ្ឋអាមេរិក ប៉ុន្តែមានតែប្រធានាធិបតី ៤៣ រូបប៉ុណ្ណោះ ដែលបានចូលធ្វើការនៅសេតវិមាន ព្រោះថាលោក Grover Cleveland បានបបង់ចោលតំណែង និងជាប់ជាប្រធានាធិបតីថ្មីក្នុងអាណត្តិទី២ ។
- ភ្នំខ្ពស់បំផុតនៅភាគខាងជើងអាមេរិក គឺដាក់ឈ្មោះថា ភ្នំ McKinley ដើម្បីជាការគោរពជូនចំពោះ លោក William McKinley ប៉ុន្តែគ្មានប្រធានាធិបតីអាមេរិករូបណា ធ្លាប់បានទៅភ្នំនេះទេ៕
© រក្សាសិទ្ធិដោយ thmeythmey.com