អន្តរជាតិ
ចាប់ខ្លួនគ្រូបង្រៀនជនជាតិជប៉ុនម្នាក់ ដោយសារតែធ្លាប់រួមភេទជាមួយស្ត្រីហ្វីលីពីនជាង ១ ម៉ឺននាក់
×
អតីតនាយកសាលាជនជាតិជប៉ុនម្នាក់ ដែលគេចោទប្រកាន់ថាបានចំណាយប្រាក់ជាថ្នូរនឹងការរួមភេទជាមួយស្ត្រី ១២ ៧០០ នាក់នៅក្នុងប្រទេសហ្វីលីពីន រួមទាំងអនីតិជនផងដែរនោះ ត្រូវបានគេចាប់ខ្លួននៅក្នុងប្រទេសជប៉ុន។ នេះបើយោងតាម NBC News ។
ប្រភពដដែលនេះបានឲ្យដឹងថា លោក Yuhei Takahashi អាយុ ៦៤ ឆ្នាំ ត្រូវបានគេចាប់ខ្លួនកាលពីថ្ងៃពុធសប្ដាហ៍មុន ដោយសារតែរូបលោកបានចំណាយប្រាក់រួមភេទជាមួយស្ត្រីជនជាហ្វីលីពីនជាងមួយម៉ឺននាក់ និងបានថតសកម្មភាពរួមភេទជាមួយស្ត្រីទាំងនោះ រួមទាំងអនីតិជនទៀតផង។ លោក Yuhei ត្រូវបានគេរកឃើញថាសវីដេអូសិចជាមួយ អនីតិជនដែលមានអាយុចន្លោះពី ១៣ ទៅ ១៤ ឆ្នាំ នៅសណ្ឋាគារមួយក្នុងទីក្រុងម៉ានីល កាលពីខែមករា ឆ្នាំ២០១៤ ។
ក្រោយការវាយឆ្មក់បង្ក្រាបរួចមក ប៉ូលីសបានរកឃើញអាល់ប៊ុមរូបថតជាង ៤០០ ដែលមានរូបភាពរួមសិចជាមួយស្ត្រីជាង ១២ ០០០ នាក់ ក្នុងនោះភាគច្រើនជាក្មេងស្រីវ័យជំទង់ តែក៏មានរូបភាពបុរសនោះរួមភេទជាមួយស្ត្រី វ័យ ៧០ ឆ្នាំផងដែរ។ រូបថតទាំងនេះ ត្រូវបានគេជឿថា ត្រូវបានរក្សាទុករយៈពេល ២០ ឆ្នាំមកហើយ ក្នុងអំឡុងពេលដំណើរទស្សនកិច្ចរបស់លោក Takahashi ជាង ៦៥ លើកមកកាន់ប្រទេសហ្វីលីពីន នៅក្នុងអំឡុងឆ្នាំ ១៩៨៨ នៅពេលដែលគាត់ត្រូវមកបង្រៀន នៅឯសាលារបស់ជប៉ុនមួយនៅទីនោះ។
លោក Takahashi បានប្រាប់ប៉ូលីស លោកបានជួបស្ត្រីហ្វីលីពីនជាច្រើន ហើយលោកបានចំណាយប្រាក់ដើម្បីបានរួមភេទជាមួយពួកគេទាំងនោះ ព្រោះលោកបញ្ជាក់ថា ការរួមភេទនៅទីនេះគឺមានតម្លៃថោក និងធ្វើឱ្យគាត់មានអារម្មណ៍ថា មានសេរីភាព៕
© រក្សាសិទ្ធិដោយ thmeythmey.com