អន្តរជាតិ
ក្រុមហ៊ុនអាកាសចរណ៍កូរ៉េខាងជើង ប្រើប្រាស់យន្តហោះចាស់ជាងគេនៅលើពិភពលោក
×
ក្រុមហ៊ុនអាកាសចរណ៍មួយ ដែលកាន់កាប់ដោយរដ្ឋាភិបាលកូរ៉េខាងជើង មានឈ្មោះថា Air Koryo ត្រូវបានគេចាត់ទុកថាជា ក្រុមហ៊ុនអាកាសចរណ៍ដែលអន់ជាងគេ នៅលើពិភពលោក ដោយសារតែក្រុមហ៊ុននេះ នៅតែប្រើប្រាស់យន្តហោះប្រភេទ Ilyushin Il-18 ដែលផលិតដោយអតីតសហភាពសូវៀត ក្នុងឆ្នាំ១៩៥៧ មកម្លេះ។ នេះបើយោងតាម Business Insider ។
ប្រភពដដែលនេះបានឲ្យដឹងថា យន្តហោះ Ilyushin Il-18 នេះបានប្រតិបត្តិការជាលើកដំបូងដោយក្រុមហ៊ុនអាកាសចរណ៍ជាតិ Aeroflot របស់សហភាពសូវៀត ហើយត្រូវបម្រើការជាយន្តហោះពិសេសមួយ សម្រាប់ធ្វើការរបស់មន្ត្រីប្រទេសមហាអំណាច នៅក្នុងសម័យសង្គ្រាមត្រជាក់។ បច្ចុប្បន្ននេះ គេឃើញមានយន្តហោះប្រភេទ Ilyushin Il-18 គឺមាននៅសល់តែក្នុងប្រទេសកូរ៉េខាងជើងតែប៉ុណ្ណោះ។
មិនត្រឹមតែយន្តហោះចាស់តែមួយមុខ ធ្វើឲ្យ ក្រុមហ៊ុនអាកាសចរណ៍ Skytrax បានផ្ដល់ចំណាត់ថ្នាក់នេះ ដល់ក្រុមហ៊ុន Air Koryo ជាក្រុមហ៊ុនអាកាសចរណ៍ដែលអន់ជាងគេ នៅលើពិភពលោកនោះទេ ការចាត់ថ្នាក់នេះគឺដោយសារតែមានសេវាកម្មចំនួនទៀត នៅមានកម្រិតទាបនៅឡើយ។ សេវាកម្មទាំងនោះមានដូចជា អ្នកបម្រើនៅលើយន្តហោះគ្មានជំនាញ ស្ទើរតែគ្មានអាហារសម្រាប់ភ្ញៀវបរិភោគ ហើយការផ្សព្វផ្សាយពីសេវាកម្មហោះហើរ គឺមានតែនៅពេលភ្ញៀវមកជិះលើយន្តហោះតែប៉ុណ្ណោះ៕
© រក្សាសិទ្ធិដោយ thmeythmey.com