លោក Shim Jae-Yun និពន្ធនាយកផ្នែកនយោបាយនៃកាសែត Korea Times បានកត់សម្គាល់ថា ភេវករបានគំរាមកំហែងដល់សេរីភាពបញ្ចេញមតិជាសកល។ លោកបន្ថែមថា បញ្ហានេះត្រូវបានសាធារណជនទូទៅពិភាក្សាគ្រប់ទីកន្លែងនាពេល កន្លងមក។ លោកថា៖«អ្នកអានជាច្រើននាក់បាននិយាយពីព្រឹត្តិការណ៍នេះកាលពីខែមុន ដែលជាចំណុចសម្គាល់មួយសម្រាប់របត់អាជីពសារព័ត៌មាន»។
«វាបានបង្ហាញយើងថា ទង្វើនេះនៅតែបន្តកើតមាន ដែលធ្វើឲ្យបាត់បង់ជីវិតរបស់អ្នកសារព័ត៌មានដោយសារតែការបញ្ចេញគំនិតក្នុងអត្ថបទ ឬគំនូរមួយ»។ នេះជាការលើកឡើង ដោយ Hind Pomeraniec អ្នកកាសែត columnist of La Nacion ប្រទេសអាហ្សង់ទីន។
ការលើកឡើងខាងលើនេះ ក៏ត្រូវបានលោកស្រី Karla Lorena Lopez Ferro សហនិពន្ធនៃព័ត៌មានអន្ដរជាតិក្នុងក្រុមហ៊ុន Grupo Reforma មកពីប្រទេសម៉ិកស៊ិកយល់ស្របផងដែរ។
លោកស្រីថា៖« Charlie Hebdo បាននាំមកវិញនូវសេរីភាពក្នុងការបញ្ចេញមតិ និងការព្រួយបារម្ភពីសុវត្ថិភាពរបស់អ្នកកាសែតទូទាំងពិភពលោក»។
«អ្នកសារព័ត៌មានត្រូវតែពិចារណាលើការរាយការណ៍របស់ខ្លួនថា តើបានផ្តល់គំនិតអប់រំ ការពិតជាមួយនឹងចំណាប់អារម្មណ៍ជាសាធារណៈដូចម្តេចដល់អ្នកអាន?។ នេះជាប្រសាសន៍របស់លោក Kim Hong-kook និពន្ធនាយកនៃស្ថាប័នព័ត៌មាន Le Monde Diplomatique កូរ៉េខាងត្បូង។