ជាតិ
សង្គមជាតិ
បទល្មើសនេសាទ កើតមានពេញបន្ទុកនៅឃុំព្រែកដំបូក ស្រុកស្រីសន្ធរ ខេត្តកំពង់ចាម
×![]()
ដោយ: ថ្មីៗ
លិខិតមិត្តអ្នកអាន
ខ្ញុំបាទឈ្មោះ សំបូរ ជាប្រជាពលរដ្ឋ រស់នៅក្នុងឃុំព្រែកដំបូក ស្រុកស្រីសន្ធរ ខេត្តកំពង់ចាម សូមជ្រាបជូនលោកនិពន្ធនាយកគេហទំព័រថ្មីៗថា នៅក្នុងមូលដ្ឋានខ្ញុំរស់នៅ មានសកម្មភាពនេសាទខុសច្បាប់ជាច្រើនប្រភេទ កំពុងកើតមានយ៉ាងពេញបន្ទុក និងយ៉ាងអាណាធិបតេយ្យ។ សមត្ថកិច្ចនៅក្នុងមូលដ្ឋាននេះ មិនមានសកម្មភាពចុះបង្ក្រាបបទល្មើសនេសាទ ដែលមានសកម្មភាពគឃ្លើននឹងច្បាប់នោះឡើយ។
ខ្ញុំសូមជម្រាបលោកនិពន្ធនាយកថា ឧបករណ៍នេសាទខុសច្បាប់ជាច្រើនប្រភេទត្រូវបានគេប្រើប្រាស់ដើម្បីចាប់ត្រី កូនត្រី ហើយសូម្បីតែកំពិស ក៏មិនអាចគេចផុតបានដែរ។ សម្រាស់ដែលច្បាប់ហាមឃាត់ មិនឲ្យប្រើ ត្រូវបានបោះបណ្តាក់គ្នានៅក្នុងទន្លេ ព្រែក ដើម្បីចាប់ត្រី។ ការចាប់ត្រីមួយបែបនេះ គឺស្ថិតនៅជាអចិន្ត្រៃយ៍យូរថ្ងៃ។ ដូច្នេះប្រជាពលរដ្ឋ ជាច្រើនបានសួរគ្នាថា ហេតុអីបានជាសមត្ថកិច្ចបណ្តោយឲ្យមានសកម្មភាពនេសាទខុសច្បាប់នេះកើតឡើង? រឿងអីដែលសមត្ថកិច្ចលោកមើលមិនឃើញ?។ ក្រៅពីនេះ អួនស្បៃមុងរាប់រយម៉ែត្រ ត្រូវបានគេរាយកាត់ទន្លេ និងព្រែក ដើម្បីចាប់ត្រីទាំងតូចទាំងធំ។ មនុស្សរាប់សិបនាក់ បានចុះទឹក អូសអួនប្រឡាញឹក ចាប់ត្រីជារៀងរាល់ថ្ងៃ។ ឧបករណ៍ឆក់ ក៏ត្រូវបានប្រើប្រាស់ដោយចំហរដែរ។
សកម្មភាពល្មើសច្បាប់ខាងលើ បានកើតមានច្រើនឆ្នាំមកហើយ ហើយករណីនេះត្រូវបានពលរដ្ឋ មើលឃើញ ដឹងឮ និងបារម្ភគ្រប់ៗគ្នា។ ប៉ុន្តែចម្លែកតែសមត្ថកិច្ចដូចជាមើលមិន ឃើញ។ មូលហេតុដែលខ្ញុំ និយាយថាសមត្ថកិច្ចដូចជាមើលមិនឃើញបទល្មើសនេសាទនេះ ពីព្រោះ ខ្ញុំមិនដែល បានឃើញសមត្ថកិច្ចលោកចុះបង្ក្រាប ចាប់ជនល្មើសនោះទេ។
ក្នុងនាមជាប្រជាពលរដ្ឋម្នាក់ ការសរសេរលិខិតមកកាន់ការិយាល័យនិពន្ធថ្មីៗនេះ គឺចង់ឲ្យលោកជួយចុះផ្សាយដំណឹងនេះ ក្រែងលោការចុះផ្យាយនេះ ធ្វើឲ្យសមត្ថកិច្ចដែលមានប្រធានឃុំ ឬប៉ូលីសប៉ុស្តិ៍ ឃុំព្រែកដំបូក អាចទទួលបានព័ត៌មាននេះ ហើយ ចុះបង្ក្រាបបទល្មើសនេសាទនេះដើម្បីជួយដល់ប្រជាពលរដ្ឋ។
ម្យ៉ាងវិញ បើសិនជាអាជ្ញាធរមូលដ្ឋាន លោកនៅតែមិនទទួលបានព័ត៌មាននេះទេ ខ្ញុំសង្ឃឹមថា អាជ្ញាធរថ្នាក់លើ ថ្នាក់លើរបស់សមត្ថកិច្ចឃុំព្រែកដំបូក ដែលមានកម្លាំងនគរបាលស្រុកស្រីសន្ធរ ស្នងការនគរបាលខេត្តកំពង់ចាម និងសមត្ថកិច្ចពាក់ព័ន្ធមានខាងជលផលជាដើមនោះ និងបានអានព័ត៌មាននេះ ហើយក្នុងនាមខ្ញុំជាប្រជាពលរដ្ឋម្នាក់ ខ្ញុំទទូចសូមដល់សមត្ថកិច្ច បើបានទទួលព័ត៌មាននេះហើយមេត្តាចុះទៅពិនិត្យ និងបង្ក្រាបបទល្មើសនេសាទនេះផង។
ជាទស្សនៈរបស់ខ្ញុំ ខ្ញុំយល់ថា បើនៅបណ្តោយឲ្យមានបទល្មើសនេសាទ បែបអាណាធិបតេយ្យនេះ នៅតែមានបន្តទៀត ប្រជាពលរដ្ឋនៅក្នុងតំបន់ទន្លេ ដែលធ្លាប់សម្បូរត្រីមួយនេះ នឹងគ្មានត្រីទទួលទានឡើយនៅថ្ងៃខាងមុខ។ បើបទល្មើសនេសាទនៅតែបន្តមាន វានឹងធ្វើឲ្យពលរដ្ឋអស់ជំនឿលើ សមត្ថកិច្ច ចំណែកជនល្មើសចេះតែបានដៃក្នុងការបំផ្លាញសង្គម។
សូមលោកនិពន្ធនាយកបណ្តាញព័ត៌មានថ្មីៗ មេត្តាជួយចុះផ្សាយព័ត៌មាននេះ តាមការគួរផង និងសូមជូនពរដល់ គេហទំព័រព័ត៌មានថ្មីៗ ទទួលបានជោគជ័យ ក្នុងការផ្តល់ព័ត៌មានលឿន មានវិជ្ជាជីវៈ ដល់មហាជន។ សូមលោកនិពន្ធនាយក ទទួលការរាប់អានពីខ្ញុំ៕
ខ្ញុំបាទឈ្មោះ សំបូរ ជាប្រជាពលរដ្ឋ រស់នៅក្នុងឃុំព្រែកដំបូក ស្រុកស្រីសន្ធរ ខេត្តកំពង់ចាម សូមជ្រាបជូនលោកនិពន្ធនាយកគេហទំព័រថ្មីៗថា នៅក្នុងមូលដ្ឋានខ្ញុំរស់នៅ មានសកម្មភាពនេសាទខុសច្បាប់ជាច្រើនប្រភេទ កំពុងកើតមានយ៉ាងពេញបន្ទុក និងយ៉ាងអាណាធិបតេយ្យ។ សមត្ថកិច្ចនៅក្នុងមូលដ្ឋាននេះ មិនមានសកម្មភាពចុះបង្ក្រាបបទល្មើសនេសាទ ដែលមានសកម្មភាពគឃ្លើននឹងច្បាប់នោះឡើយ។
ខ្ញុំសូមជម្រាបលោកនិពន្ធនាយកថា ឧបករណ៍នេសាទខុសច្បាប់ជាច្រើនប្រភេទត្រូវបានគេប្រើប្រាស់ដើម្បីចាប់ត្រី កូនត្រី ហើយសូម្បីតែកំពិស ក៏មិនអាចគេចផុតបានដែរ។ សម្រាស់ដែលច្បាប់ហាមឃាត់ មិនឲ្យប្រើ ត្រូវបានបោះបណ្តាក់គ្នានៅក្នុងទន្លេ ព្រែក ដើម្បីចាប់ត្រី។ ការចាប់ត្រីមួយបែបនេះ គឺស្ថិតនៅជាអចិន្ត្រៃយ៍យូរថ្ងៃ។ ដូច្នេះប្រជាពលរដ្ឋ ជាច្រើនបានសួរគ្នាថា ហេតុអីបានជាសមត្ថកិច្ចបណ្តោយឲ្យមានសកម្មភាពនេសាទខុសច្បាប់នេះកើតឡើង? រឿងអីដែលសមត្ថកិច្ចលោកមើលមិនឃើញ?។ ក្រៅពីនេះ អួនស្បៃមុងរាប់រយម៉ែត្រ ត្រូវបានគេរាយកាត់ទន្លេ និងព្រែក ដើម្បីចាប់ត្រីទាំងតូចទាំងធំ។ មនុស្សរាប់សិបនាក់ បានចុះទឹក អូសអួនប្រឡាញឹក ចាប់ត្រីជារៀងរាល់ថ្ងៃ។ ឧបករណ៍ឆក់ ក៏ត្រូវបានប្រើប្រាស់ដោយចំហរដែរ។
សកម្មភាពល្មើសច្បាប់ខាងលើ បានកើតមានច្រើនឆ្នាំមកហើយ ហើយករណីនេះត្រូវបានពលរដ្ឋ មើលឃើញ ដឹងឮ និងបារម្ភគ្រប់ៗគ្នា។ ប៉ុន្តែចម្លែកតែសមត្ថកិច្ចដូចជាមើលមិន ឃើញ។ មូលហេតុដែលខ្ញុំ និយាយថាសមត្ថកិច្ចដូចជាមើលមិនឃើញបទល្មើសនេសាទនេះ ពីព្រោះ ខ្ញុំមិនដែល បានឃើញសមត្ថកិច្ចលោកចុះបង្ក្រាប ចាប់ជនល្មើសនោះទេ។
ក្នុងនាមជាប្រជាពលរដ្ឋម្នាក់ ការសរសេរលិខិតមកកាន់ការិយាល័យនិពន្ធថ្មីៗនេះ គឺចង់ឲ្យលោកជួយចុះផ្សាយដំណឹងនេះ ក្រែងលោការចុះផ្យាយនេះ ធ្វើឲ្យសមត្ថកិច្ចដែលមានប្រធានឃុំ ឬប៉ូលីសប៉ុស្តិ៍ ឃុំព្រែកដំបូក អាចទទួលបានព័ត៌មាននេះ ហើយ ចុះបង្ក្រាបបទល្មើសនេសាទនេះដើម្បីជួយដល់ប្រជាពលរដ្ឋ។
ម្យ៉ាងវិញ បើសិនជាអាជ្ញាធរមូលដ្ឋាន លោកនៅតែមិនទទួលបានព័ត៌មាននេះទេ ខ្ញុំសង្ឃឹមថា អាជ្ញាធរថ្នាក់លើ ថ្នាក់លើរបស់សមត្ថកិច្ចឃុំព្រែកដំបូក ដែលមានកម្លាំងនគរបាលស្រុកស្រីសន្ធរ ស្នងការនគរបាលខេត្តកំពង់ចាម និងសមត្ថកិច្ចពាក់ព័ន្ធមានខាងជលផលជាដើមនោះ និងបានអានព័ត៌មាននេះ ហើយក្នុងនាមខ្ញុំជាប្រជាពលរដ្ឋម្នាក់ ខ្ញុំទទូចសូមដល់សមត្ថកិច្ច បើបានទទួលព័ត៌មាននេះហើយមេត្តាចុះទៅពិនិត្យ និងបង្ក្រាបបទល្មើសនេសាទនេះផង។
ជាទស្សនៈរបស់ខ្ញុំ ខ្ញុំយល់ថា បើនៅបណ្តោយឲ្យមានបទល្មើសនេសាទ បែបអាណាធិបតេយ្យនេះ នៅតែមានបន្តទៀត ប្រជាពលរដ្ឋនៅក្នុងតំបន់ទន្លេ ដែលធ្លាប់សម្បូរត្រីមួយនេះ នឹងគ្មានត្រីទទួលទានឡើយនៅថ្ងៃខាងមុខ។ បើបទល្មើសនេសាទនៅតែបន្តមាន វានឹងធ្វើឲ្យពលរដ្ឋអស់ជំនឿលើ សមត្ថកិច្ច ចំណែកជនល្មើសចេះតែបានដៃក្នុងការបំផ្លាញសង្គម។
សូមលោកនិពន្ធនាយកបណ្តាញព័ត៌មានថ្មីៗ មេត្តាជួយចុះផ្សាយព័ត៌មាននេះ តាមការគួរផង និងសូមជូនពរដល់ គេហទំព័រព័ត៌មានថ្មីៗ ទទួលបានជោគជ័យ ក្នុងការផ្តល់ព័ត៌មានលឿន មានវិជ្ជាជីវៈ ដល់មហាជន។ សូមលោកនិពន្ធនាយក ទទួលការរាប់អានពីខ្ញុំ៕
© រក្សាសិទ្ធិដោយ thmeythmey.com
