ជាតិ
សង្គមជាតិ
×![]()
សៀមរាប៖ មន្ត្រីនៃស្ថានទូកសហរដ្ឋអាមេរិកប្រចាំកម្ពុជាបានបញ្ជាក់ថានៅក្នុងសិក្ខាសាលាមួយស្តីពីបរិស្ថាននៅព្រឹកមិញថា សេដ្ឋកិច្ចកម្ពុជា គឺងាយរងផលប៉ះពាល់បំផុត ដោយសារការប្រែប្រួលអាកាស ដែលក្នុងនោះមានបញ្ហាបរិស្ថាន និងការអភិវឌ្ឍធនធានយុវជនជាដើម។
លោក ជ័យ រ៉ាម៉ាន មន្ត្រីទំនាក់ទំនងកិច្ចការសាធារណៈនៃស្ថានទូតសហរដ្ឋអាមេរិកប្រចាំនៅកម្ពុជាបានឲ្យដឹងថា សេដ្ឋកិច្ចកម្ពុជា គឺងាយរងគ្រោះបំផុតជាងប្រទេសណាៗទាំងអស់ក្នុងពិភពលោក ទៅនឹងការផ្លាស់ប្តូរអាកាសធាតុ។ លោក រ៉ាម៉ាន បន្តថា ផលប៉ះពាល់ទាំងនោះ រួមមានបញ្ហាបរិស្ថាន ការអភិវឌ្ឍសង្គមជាតិ យុវជន និងប៉ះពាល់ច្រើនវិស័យទៀត។
យ៉ាងណា លោករ៉ាម៉ាន ពិបាកនិយាយថា ការប៉ះពាក់បរិស្ថានគឺសម្រាប់ប្រទេសកម្ពុជាតែមួយណាស់ ព្រោះថា កម្ពុជាមានទន្លេរួមគ្នានឹងបណ្តាប្រទេសផ្សេងទៀត ដូច្នេះបញ្ហាទាំងឡាយ ចាំបាច់ត្រូវដោះស្រាយរួមគ្នា ជាលក្ខណៈតំបន់។
សិក្ខាសាលាស្តីពី ការជួយទ្រទ្រង់បរិស្ថាន ការទទួលខុសត្រូវ និងការធ្វើការងារជាក្រុម បានចាប់ផ្តើមធ្វើរយៈពេល៤ថ្ងៃនៅក្នុងខេត្តសៀមរាប។ សិក្ខាសាលានេះ មានតំណាងយុវជនប្រមាណជិត១០០នាក់ នៅក្នុងតំបន់អាស៊ីអាគ្នេយ៍ចូលរួម ដែលពួកគេមានអាយុចន្លោះពី ១៨ ទៅ២៥ឆ្នាំ។ សិក្ខាសាលានេះ គឺជាផ្នែកមួយនៃកម្មវិធីរបស់លោកប្រធានាធិបតី បារ៉ាក់ អូបាម៉ា ក្នុងទិសដៅផ្តោតទៅលើ យុវជននិងការការពារបរិស្ថាន។ ស្ថានទូកសហរដ្ឋអាមេរិក ជាអ្នកឧបត្ថម្ភនូវសិក្ខាសាលានេះ ហើយដែលរៀបចំឡើងដោយអង្គការ Cultural Vistas និងសាកលវិទ្យាល័យបញ្ញាសាស្ត្រសាខាសៀមរាប។
លោក ផាន គារ៉ា នាយកសាកលវិទ្យាល័យបញ្ញាសាស្ត្រកម្ពុជាខេត្តសៀមរាប បានឲ្យដឹងថា សិក្ខាសាលាខាងលើ មុនមកដល់កម្ពុជា គឺបានរៀបចំរួចហើយនៅប្រទេសសិង្ហបុរី និងម៉ាឡេស៊ី។ លោក គារ៉ា ជឿជាក់ថា ការជួបជុំរបស់ក្រុមយុវជននៅលើទឹកដីខេត្តសៀមរាបនៅពេលនេះ នឹងអាចឲ្យពួកគេ កាន់តែយល់ដឹងច្រើនពីទំនួលខុសត្រូវលើការងារបញ្ហាបរិស្ថាន។ លោក គារ៉ា៖« យើងមិនអាចបណ្តោយពេលវេលាបន្តទៀតបាននោះទេលើបញ្ហាបរិស្ថាន ត្រូវនាំគ្នាដឹងឮឲ្យបានច្រើន និងទទួលខុសត្រូវរួមគ្នា»។
សិក្ខាសាលាដែលមានរយៈពេល៤ថ្ងៃ នៅសណ្ឋាគារ រ៉ូយ៉ាល់ អង្គរ រីស៊ត និងស្ប៉ា មានអ្នកជំនាញផ្នែកបរិស្ថានជាច្រើនរូប ដើម្បីធ្វើបទបង្ហាញ។ រៀងរាល់ពេលរសៀល សិក្ខាកាមទាំងអស់ នឹងចុះទៅតាមសហគមន៍មួយចំនួនក្នុងខេត្តសៀមរាប មាននៅកំពង់ភ្លក់ ភ្នំត្បាញ និងតំបន់មួយចំនួនទៀត ដើម្បីរៀនពីការងារថែរក្សាបរិស្ថាន។ ក្រៅពីនេះ យុវជនទាំងអស់ ក៏នឹងត្រូវដាំដើមឈើរួមគ្នាផងដែរ។
បើតាមការបញ្ជាក់ថាពីលោក រ៉ាម៉ាន សហរដ្ឋអាមេរិក បានចាយលុយប្រមាណ ២៥ម៉ឺនដុល្លាររួចមកហើយ សម្រាប់ការរៀបចំសិក្ខាសាលាដូចគ្នានេះនៅតាមប្រទេសផ្សេងៗនៅអាស៊ីអាគ្នេយ៍។ យ៉ាងណាលោកបញ្ជាក់ថា ថវិកាទាំងនោះមិនសំខាន់ដូចអនាគតយុវជនទាំងនោះទេ។ ក្រៅពីសិក្ខាសាលានេះ សហរដ្ឋអាមេរិក មានកម្មវិធីជាច្រើនទៀតសម្រាប់ធ្វើការលើបញ្ហានេះ ដូចជាកម្មវិធីទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិជាដើម ដោយកម្មវិធីនេះ ធ្វើការនឹងដៃគូរក្នុងពិភពលោកជាច្រើន លើបញ្ហាបរិស្ថាននេះ៕
លោក ជ័យ រ៉ាម៉ាន មន្ត្រីទំនាក់ទំនងកិច្ចការសាធារណៈនៃស្ថានទូតសហរដ្ឋអាមេរិកប្រចាំនៅកម្ពុជាបានឲ្យដឹងថា សេដ្ឋកិច្ចកម្ពុជា គឺងាយរងគ្រោះបំផុតជាងប្រទេសណាៗទាំងអស់ក្នុងពិភពលោក ទៅនឹងការផ្លាស់ប្តូរអាកាសធាតុ។ លោក រ៉ាម៉ាន បន្តថា ផលប៉ះពាល់ទាំងនោះ រួមមានបញ្ហាបរិស្ថាន ការអភិវឌ្ឍសង្គមជាតិ យុវជន និងប៉ះពាល់ច្រើនវិស័យទៀត។
យ៉ាងណា លោករ៉ាម៉ាន ពិបាកនិយាយថា ការប៉ះពាក់បរិស្ថានគឺសម្រាប់ប្រទេសកម្ពុជាតែមួយណាស់ ព្រោះថា កម្ពុជាមានទន្លេរួមគ្នានឹងបណ្តាប្រទេសផ្សេងទៀត ដូច្នេះបញ្ហាទាំងឡាយ ចាំបាច់ត្រូវដោះស្រាយរួមគ្នា ជាលក្ខណៈតំបន់។
សិក្ខាសាលាស្តីពី ការជួយទ្រទ្រង់បរិស្ថាន ការទទួលខុសត្រូវ និងការធ្វើការងារជាក្រុម បានចាប់ផ្តើមធ្វើរយៈពេល៤ថ្ងៃនៅក្នុងខេត្តសៀមរាប។ សិក្ខាសាលានេះ មានតំណាងយុវជនប្រមាណជិត១០០នាក់ នៅក្នុងតំបន់អាស៊ីអាគ្នេយ៍ចូលរួម ដែលពួកគេមានអាយុចន្លោះពី ១៨ ទៅ២៥ឆ្នាំ។ សិក្ខាសាលានេះ គឺជាផ្នែកមួយនៃកម្មវិធីរបស់លោកប្រធានាធិបតី បារ៉ាក់ អូបាម៉ា ក្នុងទិសដៅផ្តោតទៅលើ យុវជននិងការការពារបរិស្ថាន។ ស្ថានទូកសហរដ្ឋអាមេរិក ជាអ្នកឧបត្ថម្ភនូវសិក្ខាសាលានេះ ហើយដែលរៀបចំឡើងដោយអង្គការ Cultural Vistas និងសាកលវិទ្យាល័យបញ្ញាសាស្ត្រសាខាសៀមរាប។
លោក ផាន គារ៉ា នាយកសាកលវិទ្យាល័យបញ្ញាសាស្ត្រកម្ពុជាខេត្តសៀមរាប បានឲ្យដឹងថា សិក្ខាសាលាខាងលើ មុនមកដល់កម្ពុជា គឺបានរៀបចំរួចហើយនៅប្រទេសសិង្ហបុរី និងម៉ាឡេស៊ី។ លោក គារ៉ា ជឿជាក់ថា ការជួបជុំរបស់ក្រុមយុវជននៅលើទឹកដីខេត្តសៀមរាបនៅពេលនេះ នឹងអាចឲ្យពួកគេ កាន់តែយល់ដឹងច្រើនពីទំនួលខុសត្រូវលើការងារបញ្ហាបរិស្ថាន។ លោក គារ៉ា៖« យើងមិនអាចបណ្តោយពេលវេលាបន្តទៀតបាននោះទេលើបញ្ហាបរិស្ថាន ត្រូវនាំគ្នាដឹងឮឲ្យបានច្រើន និងទទួលខុសត្រូវរួមគ្នា»។
សិក្ខាសាលាដែលមានរយៈពេល៤ថ្ងៃ នៅសណ្ឋាគារ រ៉ូយ៉ាល់ អង្គរ រីស៊ត និងស្ប៉ា មានអ្នកជំនាញផ្នែកបរិស្ថានជាច្រើនរូប ដើម្បីធ្វើបទបង្ហាញ។ រៀងរាល់ពេលរសៀល សិក្ខាកាមទាំងអស់ នឹងចុះទៅតាមសហគមន៍មួយចំនួនក្នុងខេត្តសៀមរាប មាននៅកំពង់ភ្លក់ ភ្នំត្បាញ និងតំបន់មួយចំនួនទៀត ដើម្បីរៀនពីការងារថែរក្សាបរិស្ថាន។ ក្រៅពីនេះ យុវជនទាំងអស់ ក៏នឹងត្រូវដាំដើមឈើរួមគ្នាផងដែរ។
បើតាមការបញ្ជាក់ថាពីលោក រ៉ាម៉ាន សហរដ្ឋអាមេរិក បានចាយលុយប្រមាណ ២៥ម៉ឺនដុល្លាររួចមកហើយ សម្រាប់ការរៀបចំសិក្ខាសាលាដូចគ្នានេះនៅតាមប្រទេសផ្សេងៗនៅអាស៊ីអាគ្នេយ៍។ យ៉ាងណាលោកបញ្ជាក់ថា ថវិកាទាំងនោះមិនសំខាន់ដូចអនាគតយុវជនទាំងនោះទេ។ ក្រៅពីសិក្ខាសាលានេះ សហរដ្ឋអាមេរិក មានកម្មវិធីជាច្រើនទៀតសម្រាប់ធ្វើការលើបញ្ហានេះ ដូចជាកម្មវិធីទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិជាដើម ដោយកម្មវិធីនេះ ធ្វើការនឹងដៃគូរក្នុងពិភពលោកជាច្រើន លើបញ្ហាបរិស្ថាននេះ៕
© រក្សាសិទ្ធិដោយ thmeythmey.com
