ជាតិ
សង្គមជាតិ
ការបូមទឹកបញ្ចូលក្នុងស្រះប្រាសាទអង្គរវត្ត។ រូបភាព៖ អាជ្ញាធរអប្សរា
×![]()
សៀមរាប៖ សកម្មភាពបូមទឹកបញ្ចូលក្នុងស្រះប្រាសាទអង្គរវត្តកំពុងបន្ត រហូតមកដល់រសៀលថ្ងៃពុធនេះ។ មន្ត្រីនៃអាជ្ញាធរអប្សរាបានឲ្យដឹងថា រាល់ដងការបូមទឹកបញ្ចូលស្រះដែលរីងស្ងួតនោះ មានរយៈពេលទៅមួយសប្តាហ៍ទើបអាចពេញ ដូចធម្មតា។
ការបូមទឹកបញ្ចូលក្នុងស្រះប្រាសាទអង្គរវត្ត ដែលគោកហួតហែង ដោយសាររដូវប្រាំងអួសបន្លាយយូរ បានចាប់ផ្តើមកាលពីល្ងាចថ្ងៃទី២១ មេសា។ ក្រុមការងារនៃអាជ្ញាធរអប្សរា បានប្រើទឹកពីកសិណខាងលិច ឈាងខាងជើង ចំងាយប្រមាណ៣០០ម៉ែត្រ ពីស្រះទឹក។ តាមបទពិសោធន៍កន្លងមក ទំរាំបូមបំពេញស្រះបាន ត្រូវប្រើពេលយ៉ាងហោចមួយសប្តាហ៍។ គេនៅមិនទាន់ដឹងថា តើការបញ្ចូលទឹកលើកនេះ ប្រើពេលដូចលើកមុនៗដែរឫយ៉ាងណានោះទេ។
តាមការបញ្ជាក់ពីមន្ត្រីអាជ្ញាធរអប្សរាមួយរូប ដែលសុំមិនបញ្ចេញឈ្មោះ បានបញ្ជាក់ថា ការខកខានបូមទឹកដាក់ស្រះខាងលើ មានរយៈពេលយូរមកហើយ។ ប្រភពដដែលបញ្ជាក់ថា កន្លងមក កណិណជុំវិញប្រាសាទអង្គរវត្ត ក៏ធ្លាប់គោកក្នុងរដូវប្រាំងផងដែរ ដែលពេលនោះ អាជ្ញាធរ បានធ្វើសកម្មភាពបូមទឹកពីស្ទឹងសៀមរាប ដើម្បីរំដោះគ្រោះថ្នាក់នោះ។
យ៉ាងណា នៅរសៀលថ្ងៃទី២២ មេសានេះ សកម្មភាពបូមទឹកបញ្ចូលស្រះកំពុងបន្ត ហើយបើតាមការបញ្ជាក់ពីអាជ្ញាធរអប្សរា ពុំមានផលប៉ះពាល់ណាមួយ ដោយសារការបូមទឹកនេះទេ។ ក្រុមជំនាញរបស់អាជ្ញាធរអប្សរា កំពុងបន្តការតាមដានទៅលើការងារទាំងនោះ៕
ការបូមទឹកបញ្ចូលក្នុងស្រះប្រាសាទអង្គរវត្ត ដែលគោកហួតហែង ដោយសាររដូវប្រាំងអួសបន្លាយយូរ បានចាប់ផ្តើមកាលពីល្ងាចថ្ងៃទី២១ មេសា។ ក្រុមការងារនៃអាជ្ញាធរអប្សរា បានប្រើទឹកពីកសិណខាងលិច ឈាងខាងជើង ចំងាយប្រមាណ៣០០ម៉ែត្រ ពីស្រះទឹក។ តាមបទពិសោធន៍កន្លងមក ទំរាំបូមបំពេញស្រះបាន ត្រូវប្រើពេលយ៉ាងហោចមួយសប្តាហ៍។ គេនៅមិនទាន់ដឹងថា តើការបញ្ចូលទឹកលើកនេះ ប្រើពេលដូចលើកមុនៗដែរឫយ៉ាងណានោះទេ។
តាមការបញ្ជាក់ពីមន្ត្រីអាជ្ញាធរអប្សរាមួយរូប ដែលសុំមិនបញ្ចេញឈ្មោះ បានបញ្ជាក់ថា ការខកខានបូមទឹកដាក់ស្រះខាងលើ មានរយៈពេលយូរមកហើយ។ ប្រភពដដែលបញ្ជាក់ថា កន្លងមក កណិណជុំវិញប្រាសាទអង្គរវត្ត ក៏ធ្លាប់គោកក្នុងរដូវប្រាំងផងដែរ ដែលពេលនោះ អាជ្ញាធរ បានធ្វើសកម្មភាពបូមទឹកពីស្ទឹងសៀមរាប ដើម្បីរំដោះគ្រោះថ្នាក់នោះ។
យ៉ាងណា នៅរសៀលថ្ងៃទី២២ មេសានេះ សកម្មភាពបូមទឹកបញ្ចូលស្រះកំពុងបន្ត ហើយបើតាមការបញ្ជាក់ពីអាជ្ញាធរអប្សរា ពុំមានផលប៉ះពាល់ណាមួយ ដោយសារការបូមទឹកនេះទេ។ ក្រុមជំនាញរបស់អាជ្ញាធរអប្សរា កំពុងបន្តការតាមដានទៅលើការងារទាំងនោះ៕
© រក្សាសិទ្ធិដោយ thmeythmey.com
