ជាតិ
សង្គមជាតិ
អ្នកស្នាក់នៅផ្ទះជួលមួយចំនួនសម្រេចដេកក្រៅបន្ទប់ខណៈអាកាសធាតុក្តៅខ្លាំង
×![]()
ភ្នំពេញ៖ ពលរដ្ឋជាច្រើនបានសម្តែងការរអ៊ូរទាំជាបន្តបន្ទាប់ខណៈពេលដែលអាកាសធាតុក្តៅខ្លាំងក្នុងរយៈពេលប៉ុន្មានថ្ងៃចុងក្រោយនេះ។ អ្នកដែលស្នាក់នៅតាមបន្ទប់ជួលក្នុងរាជធានីភ្នំពេញមួយចំនួនបានសម្រេចចិត្តវេចខ្នើយភួយ ប្តូរមកគេងនៅក្រៅបន្ទប់របស់ខ្លួនជាបណ្តោះអាសន្ន ព្រោះទ្រាំនឹងអាកាសធាតុក្តៅមិនបាន។ រីឯអ្នកខ្លះទៀត រអ៊ូថា ពួកគេនឹងត្រូវចំណាយប្រាក់ប្រចាំខែច្រើនជាងសព្វដង ព្រោះត្រូវប្រើប្រាស់ម៉ាស៊ីនត្រជាក់រាល់យប់។ ដោយឡែកពលរដ្ឋដែលរស់នៅទីជនបទមួយចំនួនអះអាងថា មាន់ ទា របស់ពួកគាត់បានងាប់អស់ជាច្រើនក្បាលព្រោះអាកាសធាតុក្តៅខ្លាំង។ចំណែកឯបុគ្គលិកបម្រើការនៅក្នុងក្រុមហ៊ុនឯកជនមួយចំនួនទៀតវិញ ពួកគេបានសម្រេចចិត្តមិនត្រឡប់ទៅទទួលទានអាហារថ្ងៃត្រង់នៅឯផ្ទះដូចសព្វដងនោះទេពួកគេបានវេចខ្ចប់អាហារយកមកទទួលទាននៅកន្លែងធ្វើការតែម្តង ព្រោះថ្ងៃក្តៅខ្លះពេកពិបាកធ្វើដំណើរ។
«យប់មិញខ្ញុំដេកទាំងបែកញើសជោគខ្លួន ណាមួយគ្រុនផ្តាសាយផង ទ្រាំសឹងមិនបានទម្រាំតែដល់មេឃភ្លឺ»។ នេះជាការរអ៊ូរទាំរបស់លោក សំណាង។ ខណៈពេលកំពុងឈរស្លៀកខោខ្លីត្រឹមពាក់កណ្តាល់ភ្លៅនៅរានហាលមុខបន្ទប់ជួលជាន់ទីពីរ ក្នុងសង្កាត់បឹងកេងកងបី រាជធានីភ្នំពេញ យុវវជនវ័យប្រមាណជាជិត៣០ឆ្នាំរូបនេះដកដង្ហើមធំបណ្តើរ រៀបរាប់បណ្តើរថា ជាធម្មតាលោកតែងចូលគេងពីព្រលប់រាល់ថ្ងៃ តែប៉ុន្មានថ្ងៃចុងក្រោយនេះលោកបានវេចខ្នើយភួយមកគេងក្រៅបន្ទប់រហូតដល់យប់ជ្រៅទើបត្រឡប់ចូលទៅក្នុងបន្ទប់វិញ។
ជាអ្នកស្នាក់នៅបន្ទប់ជាប់នឹងលោក សំណាងដែរ លោកវិរៈរអ៊ូថា៖«ទោះបីបើកកង្ហារជាប់ក៏ដោយ ក៏ទប់មិនឈ្នះដែរ ខ្ញុំដេកមិនសូវលក់ទេ មួយយប់ងូតទឹក ពី២ ទៅ៣ដងឯណោះ។ ខ្ញុំសាកដេកលើប៉ៅអ៊ីមុខបន្ទប់ពីរយប់មកហើយ»។
ងាកមកស្តាប់លោកវិទូ វិញ។ លោក វិទូ ជាបុគ្គលិកនៅក្នុងក្រុមហ៊ុនឯកជនមួយក្នុងរាជធានីភ្នំពេញ បានឲ្យដឹងថា ម្តាយរបស់លោកនៅស្រុកឯខេត្តព្រៃវែងបានអះអាងថា កូនមាន់ កូនទា របស់គាត់បានងាប់អស់ជាច្រើនក្បាលក្នុងរយៈពេលប៉ុន្មានថ្ងៃចុងក្រោយនេះ ព្រោះតែអាកាសធាតុក្តៅខុសពីធម្មតា។
ជាមួយគ្នានេះដែរលោក ចំរ៉ុង ដែលជាមិត្តរួមការងារជាមួយលោក វិទូ ផងដែរនោះបានរអ៊ូថា លោកនឹងត្រូវចំណាយប្រាក់ច្រើនជាងខែមុនៗ ព្រោះប៉ុន្មានថ្ងៃនេះលោកប្រើម៉ាស៊ីនត្រជាក់ជាប់រាល់យប់ បើមិនដូច្នេះទេលោកមិនអាចទទួលទានដំណេកបាននោះទេ។
ដោយឡែកលោក វិសាល ដែលជាបុគ្គលិកក្នុងក្រុមហ៊ុនឯកជនមួយនៅក្នុងរាជធានីភ្នំពេញនេះដែរ បានសម្រេចចិត្តមិនត្រឡប់ទៅទទួលទានអាហារថ្ងៃត្រង់ជាមួយក្រុមគ្រួសារនៅឯផ្ទះដូចសព្វដងនោះទេ ដោយលោកបានវេចខ្ចប់អាហារយកមកទទួលទាននៅកន្លែងធ្វើការតែម្តង ព្រោះអាកាសធាតុក្តៅខ្លាំងពិបាកធ្វើដំណើរ។
ទាក់ទិននឹងបម្រែបម្រួលអាកាសធាតុនេះលោក អ៊ុំ រីណា ប្រធាននាយកដ្ឋានឧតុនិយម នៃក្រសួងធនធានទឹក និងឧតុនិយមបានប្រាប់សារព័ត៌មានថ្មីៗ កាលពីថ្ងៃទី២១ ខែមេសា ម្សិលមិញថា មូលហេតុដែលអាកាសធាតុក្តៅខ្លាំងក្នុងរយៈពេលប៉ុន្មានថ្ងៃចុងក្រោយនេះគឺដោយសារតែប្រទេសកម្ពុជាកំពុងស្ថិតនៅក្នុងខែចេត្រ (រដូវប្រាំង) មិនទាន់ចូលរដូវវស្សានៅឡើយ ហើយជាមួយគ្នានេះផងដែរកម្ពុជាក៏កំពុងទទួលឥទ្ធិពលពីជ្រលងសម្ពាធទាប៕
«យប់មិញខ្ញុំដេកទាំងបែកញើសជោគខ្លួន ណាមួយគ្រុនផ្តាសាយផង ទ្រាំសឹងមិនបានទម្រាំតែដល់មេឃភ្លឺ»។ នេះជាការរអ៊ូរទាំរបស់លោក សំណាង។ ខណៈពេលកំពុងឈរស្លៀកខោខ្លីត្រឹមពាក់កណ្តាល់ភ្លៅនៅរានហាលមុខបន្ទប់ជួលជាន់ទីពីរ ក្នុងសង្កាត់បឹងកេងកងបី រាជធានីភ្នំពេញ យុវវជនវ័យប្រមាណជាជិត៣០ឆ្នាំរូបនេះដកដង្ហើមធំបណ្តើរ រៀបរាប់បណ្តើរថា ជាធម្មតាលោកតែងចូលគេងពីព្រលប់រាល់ថ្ងៃ តែប៉ុន្មានថ្ងៃចុងក្រោយនេះលោកបានវេចខ្នើយភួយមកគេងក្រៅបន្ទប់រហូតដល់យប់ជ្រៅទើបត្រឡប់ចូលទៅក្នុងបន្ទប់វិញ។
ជាអ្នកស្នាក់នៅបន្ទប់ជាប់នឹងលោក សំណាងដែរ លោកវិរៈរអ៊ូថា៖«ទោះបីបើកកង្ហារជាប់ក៏ដោយ ក៏ទប់មិនឈ្នះដែរ ខ្ញុំដេកមិនសូវលក់ទេ មួយយប់ងូតទឹក ពី២ ទៅ៣ដងឯណោះ។ ខ្ញុំសាកដេកលើប៉ៅអ៊ីមុខបន្ទប់ពីរយប់មកហើយ»។
ងាកមកស្តាប់លោកវិទូ វិញ។ លោក វិទូ ជាបុគ្គលិកនៅក្នុងក្រុមហ៊ុនឯកជនមួយក្នុងរាជធានីភ្នំពេញ បានឲ្យដឹងថា ម្តាយរបស់លោកនៅស្រុកឯខេត្តព្រៃវែងបានអះអាងថា កូនមាន់ កូនទា របស់គាត់បានងាប់អស់ជាច្រើនក្បាលក្នុងរយៈពេលប៉ុន្មានថ្ងៃចុងក្រោយនេះ ព្រោះតែអាកាសធាតុក្តៅខុសពីធម្មតា។
ជាមួយគ្នានេះដែរលោក ចំរ៉ុង ដែលជាមិត្តរួមការងារជាមួយលោក វិទូ ផងដែរនោះបានរអ៊ូថា លោកនឹងត្រូវចំណាយប្រាក់ច្រើនជាងខែមុនៗ ព្រោះប៉ុន្មានថ្ងៃនេះលោកប្រើម៉ាស៊ីនត្រជាក់ជាប់រាល់យប់ បើមិនដូច្នេះទេលោកមិនអាចទទួលទានដំណេកបាននោះទេ។
ដោយឡែកលោក វិសាល ដែលជាបុគ្គលិកក្នុងក្រុមហ៊ុនឯកជនមួយនៅក្នុងរាជធានីភ្នំពេញនេះដែរ បានសម្រេចចិត្តមិនត្រឡប់ទៅទទួលទានអាហារថ្ងៃត្រង់ជាមួយក្រុមគ្រួសារនៅឯផ្ទះដូចសព្វដងនោះទេ ដោយលោកបានវេចខ្ចប់អាហារយកមកទទួលទាននៅកន្លែងធ្វើការតែម្តង ព្រោះអាកាសធាតុក្តៅខ្លាំងពិបាកធ្វើដំណើរ។
ទាក់ទិននឹងបម្រែបម្រួលអាកាសធាតុនេះលោក អ៊ុំ រីណា ប្រធាននាយកដ្ឋានឧតុនិយម នៃក្រសួងធនធានទឹក និងឧតុនិយមបានប្រាប់សារព័ត៌មានថ្មីៗ កាលពីថ្ងៃទី២១ ខែមេសា ម្សិលមិញថា មូលហេតុដែលអាកាសធាតុក្តៅខ្លាំងក្នុងរយៈពេលប៉ុន្មានថ្ងៃចុងក្រោយនេះគឺដោយសារតែប្រទេសកម្ពុជាកំពុងស្ថិតនៅក្នុងខែចេត្រ (រដូវប្រាំង) មិនទាន់ចូលរដូវវស្សានៅឡើយ ហើយជាមួយគ្នានេះផងដែរកម្ពុជាក៏កំពុងទទួលឥទ្ធិពលពីជ្រលងសម្ពាធទាប៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
