ជាតិ
ភាពយន្តឯកសារ «កុំស្មានបងភ្លេច៖ ខ្មែរបាត់បង់តន្ត្រីរ៉ក់» ទាក់ទាញចំណាប់អារម្មណ៍ច្រើននៅអាមេរិក
ក្រុមតន្ត្រីដែលមានឈ្មោះថា បក្សីចាំក្រុង។ រូបថត Mol Kamach
×![]()
ដោយ: រួបរួម
ខ្សែភាពយន្តឯកសារដែលមានចំណងជើងថា «កុំស្មានបងភ្លេច៖ ខ្មែរបាត់បង់តន្ត្រីរ៉ក់» (Don’t Think I’ve Forgotten: Cambodia’s Lost Rock and Roll» របស់ផលិតករអាមេរិក លោក John Pirozzi ត្រូវបានចាក់បញ្ចាំងក្នុងសាលនៃវេទិកាភាពយន្ត (Film Forum) នៅក្រុងញូវយ៉ក សហរដ្ឋអាមេរិក ពីថ្ងៃទី២២ ដល់ថ្ងៃទី២៨ ខែមេសា ឆ្នាំ២០១៥ ។
ភាពយន្តឯកសារដែលមានរយៈពេល១០៥នាទីនេះ បានឆ្លុះបញ្ចាំងពីប្រវត្តិសាស្ត្រពាក់ព័ន្ធនឹងភាពសំបូរបែបនៃបទចម្រៀង និងតន្ត្រីខ្មែរ នាអំឡុងទសវត្សរ៍ឆ្នាំ១៩៦០ និងឆ្នាំ១៩៧០ ជាពិសេសតន្ត្រីរ៉ក់ និងរ៉ូល ដ៏ពេញនិយមនាសម័យនោះ។ លោក John Pirozzi និងក្រុមការងាររបស់លោក បានចំណាយពេលប្រមាណ១០ឆ្នាំដើម្បីស្រាវជ្រាវ និងចងក្រងឯកសារសិល្បៈខ្មែរដែលបានបាត់បង់ដោយសារសង្គ្រាម។
«Don’t Think I’ve Forgotten: Cambodia’s Lost Rock and Roll» រំលេចឲ្យឃើញនូវស្នាដៃសិល្បៈតន្ត្រីរបស់ខ្មែរ កាលពីជាង៤០ឆ្នាំ ដែលទទួលបានឥទ្ធិពលពីតារាចម្រៀងបារាំង Johnny Hallyday និងតារាចម្រៀងអង់គ្លេស Cliff Richard ជាដើម។ បន្ថែមពីលើនេះ ផលិតករបានធ្វើបទសម្ភាសជាមួយសិល្បកៈ តន្ត្រីករ និងអ្នកជំនាញសិល្បៈ ដែលនៅរស់រៀនមានជីវិតពីរបបខ្មែរក្រហម។
តន្ត្រីរ៉ក់ និង រ៉ូល មាននៅក្នុងចម្រៀងជាច្រើនបទរបស់អធិរាជចម្រៀងមាស លោក ស៊ីន ស៊ីសាមុត អ្នកស្រី រស់ សេរីសុទ្ធា និងអ្នកស្រី ប៉ែន រ៉ន ជាដើម។ អតីតព្រះមហាក្សត្រ ព្រះបាទសម្តេច ព្រះនរោត្តម សីហនុ ក៏គាំទ្រដ៏ខ្លាំងក្លាផងដែរ។
ក្នុងវេទិកាភាពយន្ត (Film Forum) នៅក្រុងញូវយ៉ក ស្នាដៃភាពយន្តឯកសារ «Don’t Think I’ve Forgotten: Cambodia’s Lost Rock and Roll» ទទួលបាននូវការចាប់អារម្មណ៍ជាច្រើនផងដែរពីបណ្តាញសារព័ត៌មានធំនៅសហរដ្ឋអាមេរិក ដូចជា New York Times, Hollywood Reporter, Blouin Arfinfo, NPR ជាដើម។
លោក ស៊ីន សេដ្ឋកុល ចៅប្រុសបង្កើតរបស់អធិរាជសំនៀងមាស ស៊ីន ស៊ីសាមុត រួមទាំងសិល្បករ និងតន្ត្រីករមួយចំនួនទៀត ដូចជាលោក ម៉ិញ សុធីវណ្ណ ជាដើម ត្រូវបានអញ្ជើញឲ្យចូលរួមក្នុងពិធីចាក់បញ្ចាំងភាពយន្តឯកសារដ៏មានតម្លៃនេះផងដែរ។
ផលិតចប់រួចរាល់នៅឆ្នាំ២០១៤ ភាពយន្តឯកសារ «កុំស្មានបងភ្លេច៖ ខ្មែរបាត់បង់តន្ត្រីរ៉ក់» ត្រូវបានចាក់បញ្ចាំងជាលើកដំបួងនៅសាលមហោស្រពចតុមុខកាលពីថ្ងៃទី១១ ខែមករា ឆ្នាំ២០១៤ ហើយបានបោះជំហានជាបន្តបន្ទាប់ទៅកាន់ទីផ្សារភាពយន្តអន្តរជាតិ ដូចជាសហរដ្ឋអាមេរិក កាណាដា បារាំង ហូឡង់ ជាដើម។
ក្រៅពីការបញ្ចាំងក្នុង Film Forum នៅក្រុងញូវយ៉ក ខ្សែភាពយន្តឯកសារនេះ មានវត្តមានផងដែរនៅរោងភាពយន្ត The Film Society of Minneapolis St.Paul នៃរដ្ឋ Minnesota ពីថ្ងៃទី៩ ដល់ថ្ងៃទី២៥ ខែមេសា។ តាមគម្រោង រហូតដល់ថ្ងៃខែមិថុនា ខ្សែភាពយន្តនេះ នឹងត្រូវចាក់បញ្ចាំងយ៉ាងហោចណាស់ចំនួន២០លើកទៀត៕
ភាពយន្តឯកសារដែលមានរយៈពេល១០៥នាទីនេះ បានឆ្លុះបញ្ចាំងពីប្រវត្តិសាស្ត្រពាក់ព័ន្ធនឹងភាពសំបូរបែបនៃបទចម្រៀង និងតន្ត្រីខ្មែរ នាអំឡុងទសវត្សរ៍ឆ្នាំ១៩៦០ និងឆ្នាំ១៩៧០ ជាពិសេសតន្ត្រីរ៉ក់ និងរ៉ូល ដ៏ពេញនិយមនាសម័យនោះ។ លោក John Pirozzi និងក្រុមការងាររបស់លោក បានចំណាយពេលប្រមាណ១០ឆ្នាំដើម្បីស្រាវជ្រាវ និងចងក្រងឯកសារសិល្បៈខ្មែរដែលបានបាត់បង់ដោយសារសង្គ្រាម។«Don’t Think I’ve Forgotten: Cambodia’s Lost Rock and Roll» រំលេចឲ្យឃើញនូវស្នាដៃសិល្បៈតន្ត្រីរបស់ខ្មែរ កាលពីជាង៤០ឆ្នាំ ដែលទទួលបានឥទ្ធិពលពីតារាចម្រៀងបារាំង Johnny Hallyday និងតារាចម្រៀងអង់គ្លេស Cliff Richard ជាដើម។ បន្ថែមពីលើនេះ ផលិតករបានធ្វើបទសម្ភាសជាមួយសិល្បកៈ តន្ត្រីករ និងអ្នកជំនាញសិល្បៈ ដែលនៅរស់រៀនមានជីវិតពីរបបខ្មែរក្រហម។
តន្ត្រីរ៉ក់ និង រ៉ូល មាននៅក្នុងចម្រៀងជាច្រើនបទរបស់អធិរាជចម្រៀងមាស លោក ស៊ីន ស៊ីសាមុត អ្នកស្រី រស់ សេរីសុទ្ធា និងអ្នកស្រី ប៉ែន រ៉ន ជាដើម។ អតីតព្រះមហាក្សត្រ ព្រះបាទសម្តេច ព្រះនរោត្តម សីហនុ ក៏គាំទ្រដ៏ខ្លាំងក្លាផងដែរ។
ក្នុងវេទិកាភាពយន្ត (Film Forum) នៅក្រុងញូវយ៉ក ស្នាដៃភាពយន្តឯកសារ «Don’t Think I’ve Forgotten: Cambodia’s Lost Rock and Roll» ទទួលបាននូវការចាប់អារម្មណ៍ជាច្រើនផងដែរពីបណ្តាញសារព័ត៌មានធំនៅសហរដ្ឋអាមេរិក ដូចជា New York Times, Hollywood Reporter, Blouin Arfinfo, NPR ជាដើម។
លោក ស៊ីន សេដ្ឋកុល ចៅប្រុសបង្កើតរបស់អធិរាជសំនៀងមាស ស៊ីន ស៊ីសាមុត រួមទាំងសិល្បករ និងតន្ត្រីករមួយចំនួនទៀត ដូចជាលោក ម៉ិញ សុធីវណ្ណ ជាដើម ត្រូវបានអញ្ជើញឲ្យចូលរួមក្នុងពិធីចាក់បញ្ចាំងភាពយន្តឯកសារដ៏មានតម្លៃនេះផងដែរ។
ផលិតចប់រួចរាល់នៅឆ្នាំ២០១៤ ភាពយន្តឯកសារ «កុំស្មានបងភ្លេច៖ ខ្មែរបាត់បង់តន្ត្រីរ៉ក់» ត្រូវបានចាក់បញ្ចាំងជាលើកដំបួងនៅសាលមហោស្រពចតុមុខកាលពីថ្ងៃទី១១ ខែមករា ឆ្នាំ២០១៤ ហើយបានបោះជំហានជាបន្តបន្ទាប់ទៅកាន់ទីផ្សារភាពយន្តអន្តរជាតិ ដូចជាសហរដ្ឋអាមេរិក កាណាដា បារាំង ហូឡង់ ជាដើម។
ក្រៅពីការបញ្ចាំងក្នុង Film Forum នៅក្រុងញូវយ៉ក ខ្សែភាពយន្តឯកសារនេះ មានវត្តមានផងដែរនៅរោងភាពយន្ត The Film Society of Minneapolis St.Paul នៃរដ្ឋ Minnesota ពីថ្ងៃទី៩ ដល់ថ្ងៃទី២៥ ខែមេសា។ តាមគម្រោង រហូតដល់ថ្ងៃខែមិថុនា ខ្សែភាពយន្តនេះ នឹងត្រូវចាក់បញ្ចាំងយ៉ាងហោចណាស់ចំនួន២០លើកទៀត៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
